Salamo 42
42
BOKY FAHAROA
(Salamo 42–72)
SALAMO Tahaka ny diera maniry ny ranovelona aho
1 Tao amin’ny tahirin-kiran’ny filohan’antoko-mpihira. Tononkalo fananarana nataon’ny terak’i Kôra#42.1 Tononkalo fananarana: jereo Sal 32.1 sy nta. –Ireo terak’i Kôra: jereo 1 Tan 6.22; Nom 16; 26.11..
2Tahaka ny diera maniry ranovelona
no aniriako Anao, Andriamanitra ô.
3Mangetaheta an’Andriamanitra aho,
dia ilay Andriamanitra velona.
Rahoviana aho no hiditra an-tempoliny
mba ho afaka hiseho eo anatrehany?
4Ranomaso no zary sakafoko
na andro izany na alina,
noho izaho ilazana foana hoe:
«Aiza ity Andriamanitrao?»
5Hontsa tokoa aho mahatsiaro ny fahiny
fony aho niaraka tamin’ny besinimaro
nandroso nankao an-tranon’Andriamanitra,
ombàn’ny feo fihobiana sy fiderana
redonim-bahoaka indray mankalaza.
6Nahoana re aho no mitanondrika
sy mitoloko toy izao ato anatiko?
Aoka Andriamanitra no hitokiako!
Eny, mbola hoderaiko hatrany Izy,
dia ilay Mpamonjiko sady Andriamanitro!
7Tsy hitanondrika foana aho, Tompo ô,
fa aleoko mivetsovetso Anao
avy atỳ amin’ny faritra iandohan’i Jôrdàna,
dia ny tendrombohitra Hermôna sy Mitsehara.
8Mitambolimbolina ny ranobe,
satria mirohondrohona ny riananao;
miantonta toy izany hanafotra ahy avokoa
ny onja aman’alondranom-pahoriana alefanao.
9Ny TOMPO anie haneho fitia amiko nony andro;
izaho kosa, nony alina, hihira sy hidera
an’ilay Andriamanitra fototry ny aiko.
10Ka dia izao no teny lazaiko
amin’Andriamanitra Vatolampiko:
«Nahoana moa Ianao no nanadino ahy?
Nahoana aho no nampahorîn’ny fahavaloko
ka manjary miaina mijoretra toy izao?»
11Ny fandatsalatsàny ahy
dia toa mahatorotoro ny taolako,
noho izaho ilazany foana hoe:
«Aiza ity Andriamanitrao?»
12Nahoana re aho no mitanondrika
sy mitoloko toy izao ato anatiko?
Aoka Andriamanitra no hitokiako!
Eny, mbola hoderaiko hatrany Izy,
dia ilay Mpamonjiko sady Andriamanitro!
Currently Selected:
Salamo 42: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
