Popular Bible Verses from Salamo 42

Share

Ny fandatsalatsàny ahy dia toa mahatorotoro ny taolako, noho izaho ilazany foana hoe: «Aiza ity Andriamanitrao?»

Tao amin’ny tahirin-kiran’ny filohan’antoko-mpihira. Tononkalo fananarana nataon’ny terak’i Kôra. Tahaka ny diera maniry ranovelona no aniriako Anao, Andriamanitra ô.

Hontsa tokoa aho mahatsiaro ny fahiny fony aho niaraka tamin’ny besinimaro nandroso nankao an-tranon’Andriamanitra, ombàn’ny feo fihobiana sy fiderana redonim-bahoaka indray mankalaza.

Mangetaheta an’Andriamanitra aho, dia ilay Andriamanitra velona. Rahoviana aho no hiditra an-tempoliny mba ho afaka hiseho eo anatrehany?

Nahoana re aho no mitanondrika sy mitoloko toy izao ato anatiko? Aoka Andriamanitra no hitokiako! Eny, mbola hoderaiko hatrany Izy, dia ilay Mpamonjiko sady Andriamanitro!