Hôsea 8
8
Izay mamafy rivotra hijinja tadio
1Tsofy ny anjomara,
fa ho toy ny voromahery
ny fiantefan’ny loza
amin’ny tanin’ny TOMPO.
«Satria nandika ny fanekempihavanako
ireo olon’i Israely ireo, hoy Izaho TOMPO,
ary nanohitra ny fampianarako.
2Na dia mitaraina amiko aza izy hoe:
‹Ry Andriamanitr’i Israely ô,
mahalala Anao izahay!›,
3dia efa nolavin’i Israely ny tsara,
ka hanenjika azy ny fahavalo.
4Nanangana mpanjaka
izay tsy nofidiko izy
ary nanendry filoha
izay tsy fantatro akory.
Nanaovany sampy
ny volafotsy na ny volamenany
mba ho fongotra aminy.
5Maharikoriko ilay ombilahikelinareo,
ry olon’i Samaria#8.5 Samaria: renivohitry ny fanjakana israelita avaratra. –zanak’omby: mety ho ilay napetrak’i Jerôbohama I tao amin’ny toeramasin’i Betela araka ny 1 Mp 12.28-29; jereo Hôs 10.5; Eks 32.4 sy nta.!
Mampirehi-pahatezerana Ahy ianareo
Mandra-pahoviana ny tenanareo
no tsy hiharam-pamaizana?
6Fa avy tamin’i Israely io ombilahikely io,
mpahay taozavatra no namboatra azy,
ka dia tsy Andriamanitra izy;
eny, ho montsamontsana
ilay ombilahikelin’i Samaria.
7Mamafy rivotra ianareo
ka hijinja tadio.
Fa hoy ny ohabolana hoe:
«Vary tsy amin-tsalohy
tsy vanon-ko lafarinina.»;
ary raha tàhiny aza hisy,
dia ny vahiny no handany azy.
8Voatelina i Israely;
ary indro izy efa tonga
toy ny fanaka tsy misy vidiny
any amin’ny hafa firenena.
9Nandeha niakatra tany Asiria izy;
mahay mizaka tena ny borikidia,
fa mividy sakaiza#8.9 Teny mampahatsiaro ny pôlitikam-panoavana nataon’i Hôsea zanakalahin’i Elà mpanjakan’i Israely farany tamin’i Asiria (2 Mp 17.3), izay tena nifanohitra tamin’i Peka ilay nodimbiasany (2 Mp 15.27-31). ho azy kosa i Efraîma.
10Na dia nizara fanomezana
tamin’ny firenen-kafa aza izy,
dia tonga kosa ny fotoana
hamoriako azy ankehitriny.
Ary tsy ho ela izy dia hijaly
noho izay hatambesatr’ilay mpanjakan’andriana#8.10 ny mpanjakan’andriana: fiantsoana ihany koa ny mpanjakan’i Asiria..
11Nampitombo ireo alitara i Efraîma
mba hahatonga azy hanota;
eny, ireo alitara ireo tokoa
no mahatonga azy hanota.
12Na ho an’arivony mihitsy aza
no hanoratako ho azy ny lalànako,
dia hoheveriny ho zava-poana izany.
13Mahavatra manatitra sorona izy
satria te hihinan-kena#8.13 Tamin’ny andron’i Hôsea ny ankamaroan’ny sorona dia narahina fisakafoana..
Nefa Izaho TOMPO tsy faly amin’izany;
ankehitriny tsaroako ny heloka nataony
ary teteziko tsirairay ny fahotany.
Tsy maintsy hiverina any Ejipta izy.
14«Nanangan-dapa maro i Israely,
ka nanadino ny Mpanao azy.
I Joda koa etsy an-daniny
dia nampitombo tanànamimanda;
nefa handefasako afo ny tanànany
ka holevonin’izany ny lapany.
Currently Selected:
Hôsea 8: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
