Hôsea 5
5
Fampitandremana ny mpisorona sy ny mpanjaka
1Henoy izao, ry mpisorona
sy ianareo mpitondra israelita,
ary atongilano ny sofinareo,
ry fianakavian’ny mpanjaka:
Hihatra aminareo izao ny fitsarana,
fa tonga fandrika tao Mitsepà ianareo
sy harato voavelatra tao Tabôra#5.1 Mitsepà: toerana maro no mitondra io anarana io. Mety ho tanàna kely 13 km avaratr’i Jerosalema izy eto (Jos 18.26; 1 Sam 7.5-6 sns). Ny fihadian-tany natao tamin’izany faritra izany dia nanambara ny mahazava-dehibe ny fanompoam-pivavahana natao ho an’ny andriamani-bavin’ny fahavokarana, i Hastôreta* tamin’ny andron’i Hôsea. Toeram-panasinan’ny fivavahana kanahanita izany. –ny tendrombohitra Tabôra izay mandòndona eo amin’ny lohasahan’i Jizrehèla, ao avaratr’i Palestinina, dia mbola toeram-panasinan’ny fivavahana kanahanita koa. –ny fandrika harato izay tian’i Hôsea hotsarovana eto dia mety ho ny fivavahana kanahanita (jereo Hos 1.2 sy nta).,
2ary lavaka lalina tao Setima#5.2 Setima: jereo Nom 25; ampit Hos 9.10..
«Fa Izaho kosa, hoy ny TOMPO,
hanome famaizana ho anareo rehetra.
3Izaho dia mahalala an’i Efraîma,
ary tsy takona amiko i Israely;
satria ianao, ry Efraîma,
efa tonga mpivarotena ankehitriny,
ka voaloto noho izany i Israely.»
4Fa tsy mamela azy hiverina
amin’Andriamaniny
ny asa nataon’ny Israelita.
Rivotry ny fivarotan-tena
no mitsoka ao aminy
ka tsy mahalala ny TOMPO izy.
5Vavolombelona manameloka azy
ny avonavon’i Israely.
Solafa-keloka i Israely sy i Efraîma
ka lavo miaraka aminy koa i Joda.
6Mitondra omby aman’ondry hatao sorona izy
no tonga hitady ny TOMPO
nefa tsy hahita Azy;
fa efa nanalavitra azy ireo Izy.
7Namadika ny TOMPO izy
fa niteraka zazasary.
Ankehitriny, iray volana latsaka
dia ho levona izy mbamin’ny fananany#5.7 zazasary: ampit 1.2 sy nta. –Tsy dia mazava ny hevitry ny faran’andininy; fa ny dkt tranainy grika dia manao azy ho ny valala handevona ny fananany. .
Ny adin’i Israely sy i Joda
8Tsofy ao Gibehà ny anjomara
ary tsofy ao Ramà ny trompetra.
Velomy ao Bety-Avena#5.8 Bety-Avena: jereo 4.15 sy nta Ham 5.5. ny akoram-panairana.
Tandremo ny ao an-damosinao, ry Benjamîna!
9Ho tonga taniefitra i Efraîma
amin’ny andro famaizana;
zavatra tsy maintsy ho to no ambarako
amin’ireo fokon’i Israely.
10Fa tahaka ny mpamindra sisin-tany#5.10. Jereo Deot 19.14; 27.17: Ireo mpitondra tao Joda dia nanararaotra ny fanindrian’ny Asirianina ny fanjakan’i Israely mba hanisahana ny sisintaniny hianavaratra kokoa.
ireo mpifehy an’i Joda;
ka hataoko mandriaka aminy
ny fahatezerako.
11Ampahorîna i Efraîma,
voahitsakitsaka ny zony
satria ninia nanenjika zava-manodoka izy#5.11 Teny mety hahatsiarovana ny dina ara-tafika nifanaovan’ny fanjakan’i Israely sy i Siria hanoherana ny Asirianina izay efa mananontanona..
12Ho toy ny fositra Aho amin’i Efraîma
ary ho toy ny olitra amin’ny taranak’i Joda.
13Hitan’i Efraîma ny aretiny
ary tsapan’i Joda ny feriny;
ka nankany amin’i Asiria i Efraîma
ary nandefa iraka
tany amin’ilay mpanjaka lehibe#5.13 Jereo 2 Mp 15.29-30; 17.3.;
nefa tsy nahasitrana anareo izy
sady tsy nahafaka ny ferinareo,
ry olon’i Efraîma.
14Vao mainka aza Izaho TOMPO
ho tahaka ny liona mamely anareo
ary ho toy ny liona tanora
hamely ny taranak’i Joda.
Izaho dia Izaho no handratra ny rembiko,
ka handeha hitondra azy
ary tsy hisy haharombaka azy amiko.
Fiverenana indray amin’Andriamanitra
15Handeha hody any amiko Aho, hoy ny TOMPO,
mandra-piaikin’i Efraîma sy i Joda
ho diso ka hitadiavany ny tavako.
Rehefa azom-pahoriana mafy izy,
dia hikatsaka Ahy fatratra.
Currently Selected:
Hôsea 5: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
