1 Timoteyo 2

Okusengerera abantu boshi

1Kulusha byoshi, mpûnyire nti bashenge, baharâmye, basengere, banavugire abantu boshi omunkwa: 2abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula. 3Okwo kuli kwinjà kunasîmîsa Omuciza wîrhu Nyamuzinda, 4olonza abantu boshi bacunguke banahash’imanya eby’okuli. 5Bulya Nyamuzinda abà muguma yêne; n’omwimangizi ekarhî ka Nyamuzinda n’abantu naye abà muguma, anali muntu, ye Kristu Yezu, 6wacîhânaga yêne mpu abè mpongano#2, 6 mpongano oku bantu boshi: Olufù lwa Yezu Kristu co cimanyîso cirhuyêreka oku Nyamuzinda alonza abantu boshi bacunguke. oku bantu boshi. Obwo bwo buhamîrizi Nnâmahanga yêne ahânaga omu mango ali erhi atwîre, 7bwo nanarholeragwa mpu mbè mujà-bugo na ntumwa yâbo, -ndesire okuli, ntanywêrha-, mpu nyigîrize abapagani obuyêmêre n’okuli. 8Nêci, nnonzize abalume bakâshenga hoshi hoshi, bakâlambûlira amaboko gâbo gacîre enyanya, buzira karhinda na buzira nnongwè.

Oku abakazi bakwânîne okuyôrha

9Abakazi nabo bayambale emyambalo ebakwânîne, babè n’obukenge n’olugero; baleke okukâhunga emviri zâbo n’okukâyambala amasholo nîsi erhi amagerha n’emishangi y’engulo ndârhi; 10Ci bakaz’ishîbirira ebijiro binjà, nka kulya kunashingânîne abakazi bacîderha bakombêdu. 11Amango g’enyigîrizo, kukwânîne omukazi ahulike n’obukenge. 12Ntahiri omukazi obuyêmêre bw’okuyigîriza erhi okurhegeka omulume; ahulike. 13K’arhali Adamu ye warhangag’ilemwa, na Eva akulikira? 14Arhanali Adamu warhebagwa; ci omukazi erhi abà amarhebwa, ahirima omu câha. 15Ci kwônene ayish’icunguka omu kubà muzîre, caziga ayôrhe ali mucêse omu buyêmêre n’omu buzigire n’omu butagatîfu.

Currently Selected:

1 Timoteyo 2: MKB

Highlight

Copy