Popular Bible Verses from 1 Timoteyo 2

Share

Bulya Nyamuzinda abà muguma yêne; n’omwimangizi ekarhî ka Nyamuzinda n’abantu naye abà muguma, anali muntu, ye Kristu Yezu, wacîhânaga yêne mpu abè mpongano oku bantu boshi. Obwo bwo buhamîrizi Nnâmahanga yêne ahânaga omu mango ali erhi atwîre

Kulusha byoshi, mpûnyire nti bashenge, baharâmye, basengere, banavugire abantu boshi omunkwa: abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula.

Nêci, nnonzize abalume bakâshenga hoshi hoshi, bakâlambûlira amaboko gâbo gacîre e­nyanya, buzira karhinda na buzira nnongwè. Abakazi nabo bayambale emyambalo ebakwânîne, babè n’obukenge n’o­lugero; baleke okukâhunga emviri zâbo n’okukâyambala amasholo nîsi erhi amagerha n’emishangi y’engulo ndârhi; Ci bakaz’ishîbirira ebijiro binjà, nka kulya kunashingânîne abakazi bacîderha bakombêdu.