Mathayi 3

Malongi ma Yowani Mubotiki

(Mlk 1:1-18; Luk 3:1-18; Ywn 1:19-28)

1Kunima mvula za lawu, wátula Yowani Mubotiki, kakala samuna muna nganga ya Yuteya amana wekina zimbula: 2«Balumunenu mbundu, mukuma Kipfumu kya mazilu kibwesukini#3:2 Kubalumuna kwa mbundu kubati songila kuluta «kuyanana» holo «kubalumuna mabanza»; nzonzidi yina yibati zonzila mbikudulu zina za bulunda bwa khulu, tangwa bakala mutela Kiseledi mu «kuvutuka kwena Nzambi», mu kuyambula mutwa wa ngolu ndangu kakala yi bulemvu bwosu buna bwalomba bulunda. Kubalumuna kwa mbundu kwisa mupfunu wa lawu ku mwini wa kukwisa kwa Kipfumu kya mazilu. .» 3Kinga yandu kenina wuna kázonzila mbikudi Yesaya:

«Ndinga mosi yibati kalunga muna nganga:

Yidikenu nzila ya Pfumu#3:3 Yayi yena phila ya kufwanikisa. Mathayi kazonzila Yesaya mu kuzimbula ni batu bafwana kuyilama ndangu Pfumu kisa. Bakala yi mupfunu wa kubalumuna mbundu yi kuyidika mbundu za bawu yi luzingu lwa bawu mu ngisilu yandi. Yesaya kafwanikisa mambu mana yi kuyidika kwa nzila kikuma kya kuyambila Pfumu. ,

sungikenu mikinda myandi.»

4Yandi Yowani kákala yi muledi wa mwika mya kamela#3:4 Kamela kena mbisi mosi wa mbuta wa mu hata, kisi tikula batu yi bifunda mu nganga. amana kakala vwata mukaba wa tsibu muna mbunda; amana kakala dya baphasu yi bwiki bwa mu tseki#3:4 Mbandu ya luzingu yi miledi mya Yowani myakala songila kwena batu ba bilumbu byabi ni yandi mbikudi kakala. Kakala fwanakana yi mbikudi Diya (2Th 1:8).. 5Hanga bisi Yelusalemi, bisi Yuteya yi bisi mulambu wuna wosu wa kinzunga kya Yolutani, bakala kwenda kwena yandi. 6Amana bakala babotika muna nzadi Yolutani bwana bakala funguna masumu ma bawu.

7Amana bwosu kámona lawu dya Bafwadisi#3:7 Bafwadisi bakala dingumba dimosi dya basadi basambidi bana bakala lunda mitsiku mya bakhaka ba bawu. Bakala landilaka mboti-mboti mitsiku mya kuwakana kwa khulu yi kuyika mitsiku mya hika. Bakala mu dingumba dimosi dina dyakala dimonikisa lawu ku thwala ya Bayuta bahika amana bakala bazitisa phi lawu kwena Bayuta bahika. yi Basadise#3:7 Basadise bakala dingumba dya basadi ba Nzambi bana bakala lunda mitsiku mya bakhaka ba Bayuta. Bawu bakala zitisa lwesi mitsiku mya kangu dya khulu kikuma bakosikila keti mutsiku mosi. Kaasi bakalaku kwikila mu mambu matadidi banzyo keti bitembu, keti mu lufutumuku lwa bafwa. Bawu phi batambwasa mabanza mahika ma baphani. Bakala kibuka kya khunda kaasi bakala yi ngolu mu mambu ma leta. Bawu bakala kaka bamvwama. bakala kwisa ku mbotika ya yandi, kikuma kya kubotama; amana wubazimbwadi: «Mbandu ya masawa! Nani wulusongidi mu kutina kyana, khabu za Nzambi zazi zakwisa? 8Songilenu mu bibundu bya bukheti ni lusobi bikalulu byenu; 9amana lubanzaku mu kudizonzila: "Thwena yi tata wetu Bulahami#3:9 Nzambi kamusola Bulahami kikuma kya kuyandika kanda dimosi dya batu bandi básolama. Kinga, mu tangwa dya Yowani, Bayuta balawu bazola ni, bwosu básolama kwena Nzambi, bakala kwikila ni batu ba masonga benina ku thwala ya Nzambi. Bakala banza ni Nzambi kabahekaku ndola ku pfundusu ya tsuka. ". Mukuma, yibati luzimbwala ni Nzambi wufwani, mu matadi mama, kukitula bana ba Bulahami! 10#3:10 Yowani kakala zimbula ni bwosu kenina mutu wosu bela-bela mu kuzenga miti wosu wuna wisiku buta bibundu bya bukheti, Nzambi kenina bela-bela mu kuhana ndola kwena batu bana bisiku hanga mihangu mya mboti mina mibati songila ni babalumuni mbundu. Amana kisoka kya kusikula kedi kyenina hana sina dya miti: kisongidila miti wosu wuna wisiku buta kibundu kya bukheti bákwangawa amana balosawa ku mbawu. 11Meni, yibati lubotika mu mamba, mukusongila ni lubalumuni mbundu; kaasi wuna wisi kwisa ku manima ma meni, wunduti meni mu ngolu, #3:11 Kuvwata tsabatu zandi: kyakala kisalu kimosi muna bisalu bya bahika. yeku walunga mu kumuwomuna tsabatu zandi, kalúbotika mu Kitembu kyatoma yi mu mbawu. 12Kena yi muyungulu hana koku dyandi kikuma kya kuhambula ngenza yi tswala; kasóla ngenza za bukheti lumbikiza muna khila, kaasi kayóka tswala mu mbawu yina yisiku zima#3:12 Yesu bakala mufwanikisa yi mukwa mahata. Musadi wa bilanga kisi hambula ngenza yi tswala. Kisi sweka ngenza amana wuyoki tswala. Buna kakwísa Yesu, kahámbula batu bana básoba bikalulu bya bawu mboti-mboti yi bana bakonda soba bikalulu bya bawu. Katámbula, muna Kipfumu kya Nzambi, boosu bana básoba bikalulu kaasi kazánga bana bakonda soba bikalulu. .»

Mbotika ya Yesu

(Mlk 1:9-11; Luk 3:21-22)

13Hanga Yesu wutuki ku Ngadidi yi kuna nzadi Yolutani; wenda kwena Yowani ndangu bamubotika kwena yandi. 14Yowani wábwisabwa amana wumuzimbwadi: «Meni yenina yi mupfunu wa kubotama kwena ngeyi amana ngeyi wisi kwena meni!» 15Kaasi Yesu wumuvutwadi: «Yambula bwasalama bwabuna mu tangwa dyadi. Mukuma mu phila meni yana twalúngisila mambu moosu mana kabati lomba Nzambi.» Hanga yandi wutambwasi. 16Amana buna kábotama Yesu, wálubuka mu mamba. Amana tala mazilu buna mákanguka: wumoni Kitembu kya Nzambi kukulumuka hanga yembi amana kyisi hana thandu ya yandi. 17Amana ndinga mosi yátuka ku zilu yizonzi: «Yandu kenima #3:17 Nzambi kenina Tata wa Yesu Mwana mu phila yina yifwanakaniku yi yina ya batu, batata yi bana ba bawu. Bibila dibati sadila muhowu wa Mwana mu kusongila ni Yesu kena phila mosi yi Nzambi amana phi kwena Nzambi katuka.Mwana wa meni watondama; mwena yandi tsini kyesi kyama.»

Currently Selected:

Mathayi 3: YAF

Highlight

Copy