Zaburi 81
81
Indirimbo y'umunsi mukuru
1Zaburi y'umuyobozi w'abaririmbyi, iririmbwa hacurangwa umurya w'inanga w'i Gati. Ni zaburi ya Asafu#Asafu: reba Zab 50.1 (sob)..
2Nimuhimbaze Imana umurengezi wacu,
nimuvugirize impundu iyo Mana ya Yakobo.
3Nimutere indirimbo muvuze ishakwe,
mucurange inanga y'indoha n'inanga nyamuduri#inanga y'indoha … nyamuduri: reba Zab 33.2 (ishusho). muziryoshye.
4Nimuvuze impanda ku munsi ukwezi kwabonetse#ukwezi kwabonetse: reba Lev 23.23-25; Ibar 28.11-15; 29.1-6; Amosi 8.5.,
muzivuze no ku munsi mukuru#umunsi mukuru: ni utangirira iminsi mikuru y'Ingando. Reba Lev 23.33-43; Ibar 29.12-39. wacu ukwezi kugeze hagati.
5Erega uwo ni umugenzo w'Abisiraheli,
ni itegeko ryatanzwe n'Imana ya Yakobo.
6Ni umugenzo yahaye bene Yozefu#bene Yozefu: ni ukuvuga Abisiraheli bakiri mu Misiri.,
yawubahaye cya gihe yahagurukiraga kurwanya igihugu cya Misiri.
Numva ijwi ntamenye nyiraryo agira ati:
7“Nabakuyeho imitwaro yabashenguraga intugu,
mbakiza imirimo y'agahato.
8Mwantakiye muri mu buja mbubakuramo,
navuganye namwe nikingiye ibicu inkuba zikubita,
mbageragereza ku mazi y'i Meriba#Meriba: reba Kuv 17.1-17; Ibar 20.1-13..
Kuruhuka.
9“Bwoko bwanjye, nimutege amatwi mbaburire!
Mwa Bisiraheli mwe, iyaba mwanyumviraga!
10Muri mwe ntihakarangwe imana z'abanyamahanga,
ntimukagire izindi mana mupfukamira.
11Ndi Uhoraho Imana yanyu,
ni jye wabikuriye mu gihugu cya Misiri,
nimunsabe ibyokurya nzabibaha.
12“Ariko ubwoko bwanjye ntibwanyumviye,
abo Bisiraheli ntibanyobotse.
13Nanjye narabaretse barinangira,
narabaretse bakora ibyo bishakiye.
14Iyaba ubwoko bwanjye bwanyumviraga,
iyaba Abisiraheli bagenzaga uko nshaka,
15abanzi babo nabatsinda ako kanya,
ababisha babo nkabakubita incuro!
16Icyo gihe abanyanga bampakwaho,
Abisiraheli bagahora baguwe neza#Abisiraheli … neza: cg bagahabwa igihano cy'iteka ryose..
17Nabatungisha ingano nziza,
nabagaburira n'ubuki bw'ubuhura.”
Currently Selected:
Zaburi 81: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
