Zaburi 80
80
Isiraheli ni umuzabibu w'Imana
1Iyi zaburi ni iy'umuyobozi w'abaririmbyi, iririmbwa hacurangwa umurya witwa “Indabyo z'amarebe”. Ni zaburi y'urwibutso ya Asafu#Asafu: reba Zab 50.1 (sob)..
2Mushumba w'Abisiraheli we, tega amatwi!
Tega amatwi wowe uyobora abo bene Yozefu#bene Yozefu: aha ni ukuvuga Abisiraheli bo mu majyaruguru. nk'uyobora umukumbi.
Wowe uganza ku ntebe hagati y'abakerubi igaragaze.
3Garagaza ububasha bwawe,
urengere abakomoka kuri Efurayimu,
urengere n'abakomoka kuri Benyamini no kuri Manase,
ngwino udukize.
4Mana udutarure#udutarure: cg ongera uduhe ishya n'ihirwe, cg uduhe kwihana. Ni cyo kimwe n'umurongo wa 8 n'uwa 20.,
uturebane impuhwe udukize.
5Uhoraho Mana Nyiringabo,
uzageza ryari kuturakarira?
Uzageza ryari kwirengagiza amasengesho yacu?
6Dore nawe ibyokurya uduha ni amarira gusa,
ibyokunywa turenzaho na byo ni amarira menshi.
7Watugize imvano y'amakimbirane y'ibihugu duhana imbibi,
abanzi bacu batugira urw'amenyo.
8Mana Nyiringabo, udutarure,
uturebane impuhwe udukize.
9Wagemūye igiti cy'umuzabibu#umuzabibu: ushushanya Abisiraheli. mu Misiri,
umenesha abanyamahanga mu gihugu cya Kanāni uwuteramo.
10Watunganyije aho uwuteye,
umuzabibu na wo ushora imizi wuzura igihugu,
11igicucu cyawo gitwikira imisozi,
amashami yawo aba manini asumba amasederi#amasederi: ashushanya igihugu cya Libani. y'inganzamarumbu.
12Wagabye amashami amwe agera ku Nyanja ya Mediterane,
andi mashami agera ku ruzi rwa Efurati.
13None se ni iki cyatumye usenya uruzitiro rwawo?
Dore abahisi n'abagenzi barawisoromera,
14ingurube z'ishyamba zirawangiza,
inyamaswa zo mu gasozi na zo zirawona.
15Mana Nyiringabo, nyamuna garuka!
Itegereze uri mu ijuru urebe,
ugoboke uwo muzabibu.
16Goboka icyo gishyitsi witereye,
ugoboke iryo shami wakujije rigasagamba.
17Umuzabibu barawuciye barawutwika,
abantu bawe ubareba igitsure bashiraho.
18Uhe ububasha umuntu#umuntu: ni ukuvuga Abisiraheli. watoranyije,
ubuhe uwo muntu wakujije agakomera.
19Bityo ntituzongera kukwimūra,
uduhembure ni wowe tuzajya twambaza.
20Uhoraho Mana Nyiringabo udutarure,
uturebane impuhwe udukize.
Currently Selected:
Zaburi 80: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
