Zaburi 53
53
Imana irwanya inkozi z'ibibi
(Zab 14)
1Zaburi y'umuyobozi w'abaririmbyi, iririmbwa ku buryo bw'umubabaro. Ni igisigo gihanitse cya Dawidi.
2Abapfu bibwira ko nta Mana ibaho.
Bene abo bantu bariyonona,
imigenzereze yabo mibi iteye ishozi,
nta n'umwe ukora ibikwiye.
3Imana iri mu ijuru yitegereza abantu,
iritegereza ngo irebe ko hariho umuntu usobanukiwe akaba ayambaza.
4Erega bose bakoze ibyaha!
Bose uko bangana bariyononnye,
nta wukora ibikwiye, habe n'umwe!
5Imana irabaza iti:
“Izo nkozi z'ibibi ntizizi ko nzireba?
Zitunzwe no kurya ubwoko bwanjye imitsi,
nta n'ubwo zijya zinyambaza.”
6Ntizagiraga ubwoba none zihiye ubwoba.
Imana izatatanya amagufwa y'abahagurukiye ubwoko bwayo,
buzabatsinda kuko Imana izaba yabatanze.
7Icyampa Imana igakiza Abisiraheli iturutse i Siyoni!
Imana nisubize abantu bayo ubusugire bwabo,
ni bwo Abisiraheli ari bo rubyaro rwa Yakobo, bazishima banezerwe.
Currently Selected:
Zaburi 53: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
