Zaburi 41
41
Isengesho ry'umurwayi Imana yakijije
1Zaburi y'umuyobozi w'abaririmbyi. Ni iya Dawidi.
2Hahirwa umuntu wita ku banyantegenke!
Umunsi yagize ibyago Uhoraho azamugoboka.
3Uhoraho azamurinda amubesheho,
azamugira umunyehirwe ku isi,
ntazamugabiza abanzi ngo bamugire uko bashaka.
4Narembera ku buriri bwe Uhoraho azamurwaza,
azamukiza amubyutse ku buriri.
5Jyewe naravuze nti:
“Uhoraho, koko nagucumuyeho,
ungirire imbabazi unkize indwara.”
6Abanzi banjye bamvuga nabi bagira bati:
“Ariko azapfa ryari ngo yibagirane?”
7Iyo hagize umuntu uza kunsūra,
aba azanywe no kunshinyagurira,
ashakisha ibibi ari bumvugeho,
yatirimuka aho akabikwiza hose.
8Abanyanga bose bishyira hamwe,
bantaramiraho bahwihwisa bati:
9“Indwara arwaye ni simusiga,
ntateze kweguka!”
10Ndetse n'uwari incuti yanjye magara,
uwo niringiraga nkamutumira ngo dusangire,
na we yarampindutse#arampinduka: mu giheburayi ni anyereka agatsinsino. Reba Yh 13.18; Mt 26.21..
11Uhoraho, wowe mbabarira unkize iyi ndwara,
uyinkize mbone uko nihimura abanzi banjye.
12Dore ikinyemeza ko nakunyuze:
ni uko abanzi banjye batakinkina ku mubyimba.
13Nanjye warankomeje ngira amagara mazima,
wampaye kubaho nzahora imbere yawe.
14Uhoraho Imana ya Isiraheli nasingizwe,
nasingizwe kuva ubu kugeza iteka ryose.
Amina! Amina!
Currently Selected:
Zaburi 41: BIR
Highlight
Share
Copy
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
