Leviticus 17

Kasi oyke madaka

1Iaova savoy te kue Mosese, 2Soynani Eroni no oyra toytu lieke no oyra boysi ni Izireli: Goyti pita Iaova sa voytuni: 3Ka boysi ni Izireli sa vavakatua kieke bulumakao, kieke lami ba kieke qoti te luboroa ba te paqarania ngoyni ka kue 4ba kama iro me vo te ngoyni ka puka tae te toypaka variere me kea sa seva kieke keke te kue Iaova, boysi ta sa zaqala te tamana; oye sa vajele uleme madaka no me vaikudoko moyna to te kue oyra ona boysi. 5Zozoa tamana goyti ne, voy oyra boysi ni Izireli mara iro me te kue Iaova oyra vavakatu oyra ka joyjuni te paqarani sinani. Oyra mara iro moyna me to te kue boysi sisiama, ta ne, te kue Iaova, te ngoyni ka puka tae te toypaka variere no me vavakatua sa seva vavakatu arakitaki. 6Boysi sisiama me repeni madaka te sara barasi taboyna te Iaova te ngoyni ka puka tae te toypaka variere no me noyko voae sa seva kieke pita nanabu noyi me kema ni Iaova. 7Oyra kasi doyra kea kieke menea doyra vavakatu te kue ka bangara vele, bati sada oyra ka vavakatu te kue ka bangara vele ne ka seva kieke quolekutae sa vakapoymo kieke liekekutae veke. Goyti tamana me kuo sua te kue oyra no te kue oyra sapokoa doyra aba ka la kuo me soy.

8Soynani oyra: Ka boysi ni Izireli ba ka boysi kuokapa sa me kuo una oyra sa kea kieke vavakatu katunuro ba vavakatu 9no kama iro me vo te ngoyni ka puka tae te toypaka variere me vavakatu te kue Iaova, boysi ta me vaikuodoko moyna to te kue oyra ona boysi.

10Ka boysi ni Izireli ba ka boysi kuokapa sa kuo koype ram sa oyke ka zio sa kue madaka, Aro me vititotaka ni boysi sa oyke zio sa kue madaka no aro me vavaikuodoko oye te kue oyra ona boysi. 11Bati tu te susupae pita ka tu sa kuo te madakae doyra, no Aro ko kea madaka me sivere noypo zaqala te tanamina te sara barasi taboyna, ta sa madaka me sivere zaqala te menemenea boysi. 12Savoy ta si Aro ko voy te kue oyra boysi ni Izireli, kareo ne to kieke te ram me oyke madaka, moyna kieke boysi kuokapa sa kuo koype ram kasi vo oyke madaka.

13Ka boysi ni Izireli ba boysi kuokapa sa kuo koype ram sa sareke ka pitaperu ba roroko voy mara oyke ne mara vajele sia madakae no mara sapini ni lua, 14bati tu te susupae pita ka tu sa kuo te madakae doyra. Ta savoy soy oye Aro ko voy te kue oyra boysi ni Izireli, ram moyna to kam oyke madakae ka pita tu, bati doyra tu oyra pita ka tu sa kuo te madakae doyra; ka boysi sa oyke madaka ne me vaikuodoko moyna to te kue oyra ona boysi.

15Moyna boysi ni Izireli ba boysi kuokapa, sa oyke ka pita sa lie ba sa voyevale pita peru ne me tobo moyna to ona bubute no me sieqe te bi, no oye kama dalo vo me doka te vilu; sinani oye me dalo. 16Ba sada oye kama tobo vo ona bubute no kama sieqe noypo vo tani, oye me pale noypo to tani taka.

Currently Selected:

Leviticus 17: BAA

Highlight

Copy