Leviticus 1

Vavakatu Katunuro

1Sinani Iaova sa koloko la te kue Mosese te toypaka vareire no sa vakangiere oye. Savoy goyti oye, 2Mo soynani oyra boysi ni Izireli no mo voy goyti te kue oyra, sada kieke te ram sa iro me ona keke te kue Iaova, oye me iro me pitapupura me vavakatua, moyna kieke bulumakao ba kieke sipi.

3Sada oye sa kea bulumakao mara vavakatu katunuroa, oye me kea kieke bulumakao lieke sa kareo makomakoa. Oye me kea la kieke bulumakao lieke te ngoyni ka puka tae te toypaka vareire, voy Iaova me tuqini. 4Oye me vakapete la teteparae koyrisi te boytu bulumakao, no Iaova me tuqini vavakatu ta me sioroa ona zaqala boysi sa kea. 5Oye me voyevale toytu bulumakao te vakomamanae Iaova, no oyra toytu lieke Eroni ka boysi sisiama mara iro madaka no mara repe leqitini sara barasi te ngoyni ka puka tae te toypaka vareire. 6Oye me ulo koypae pitapupura no me doyle vasoisoi. 7Oyra toytu lieke Eroni ka boysi sisiama mara sobuni nako te sara barasi taboyna no mara loypo la nako. 8No oyra toytu lieke Eroni ka boysi sisiama mara pulete oyra tapoti soisoia zio, no mara toyro una la boytua no, voae, te sarapoka nako sa katu te sara barasi. 9Boysi sa tungene keke goyti ne me qoluni bi kobae no keri nikini, no boysi sisiama me vakete vanuro tabae keke te sara barasi taboyna. Vavakatu katunuro, keke ka joyjuni te nako, kakarua sa vakima Iaova.

10Sada oye sa kea sipi me vavakatu katunuroa, moyna sipi ba qoti, Oye me kea pita pupura lieke me kareo makomakoa. 11Oye me voyevale pitapupura goyti te neva moyria#1.11 Moyri: East sa puka tae me ngada, west sa jolupua ngada, sada ko tarakenaka voy te neva sa pukae ngada ne, north neva moyri, south neva dekana. sara barasi taboyna te tarakenakae Iaova, no oyra toytu lieke Eroni ka boysi sisiama mara repe valeqitini madaka te sara barasi. 12Oye me doyle vasoisoi ni, no boysi sisiama me pulete, no me toyro toringini la boytu no voae, te sarapoka nako sa katu te sara barasi. 13Oye me qoluni bi kobae no keri doyli nikini, no boysi sisiama me iro bieto la no me vakete vanuro te sara barasi. Vavakatu katunuro, keke ka joyjuni te nako, kakarua sa vakima Iaova.

14Sada oye sa kea roroko me vavakatu katunuroa te kue Iaova ne, oye me kea la kieke kokoru kau ba kokoru qutuni. 15Boysi sisiama me iro la roroko te sara barasi taboyna, oye me kubele kokunua, no me noyko vanuro te sara barasi; madakae me jilingini sia la te nevae sara barasi taboyna. 16Oye me pale sia kokunupasae no me sia la te neva sa pukae ngada te sara barasi, te ngoyni ka toyruni kaua nako. 17Oye me joyra keri boyloykurua, ba kasi vo sapeke sia, no sinani boysi sisiama me noyko vanuro te nako katu oye sa vakete te sara barasi. Kakaurua sa vakima Iaova.

Currently Selected:

Leviticus 1: BAA

Highlight

Copy