Mayanzame 26

Paul amanigôa mane medi va mbene aAgrippa

1Agrippa amavovo na Paul mbe: Nagôsingéa gôénigôa éne éndé n’ewe. Vovoko. Paul amakômbôana n’edi, sambanéa. Amavovo mbe:

2Ewe Agrippa môtômi môvôni atsengene, me neena buedi gôétema va mbene eoo deo noo. Nanyôngéô égônigôa metso masundiô me n’Ajuif. 3Endé ti kuanakue gôébégô éwe ôsabômu minongomie mietso miinda Ajuif. Osabômu na ésimee éaô na mavoviame maô. Tambô tsabômu mbe éwe ôngookô éne évovo me.

4Ajuif muetso asabômu môdigédie wami na monyoe wami bandôa g’ônzambue wami. Asabômu dôta gamadigaa me va gatse omee wami gô Jérusalem, bandôa vamabôtu me. 5Ajuif amenya me. Anguene andé na ngudi yegônigôa gameengéa me gô gésôga sagébé na ngeba, te géné sagéômbé sApharisien. 6Deo noo eeséda me gôébégô neetsi môtémami wetso gô éne ématéndéda tétee yasô émavangana Nzambé n’ahngô va mbeego mbe éngeenanô. 7Mabôta metso maIsraël, tôndé nzima na mabôta mabaé, maténdéda éne évigani émavangana Nzambé va mbeego mbe éngaba te nane. Gôténdéda we tôyanzéa Nzambé na pitsi n’omanda na géviovio. Ewe Agrippa môtômi môvôni, menya mbe Ajuif atsundéda me te gô éne éténdéda me éne. 8?Anye Ajuife n’ami nôtsapéô nayee? ?Na nôtsuma paga mbe Nzambé asangoongôa ékundua ane amawani-a?

9Memuene namasema gôégenya ébadi na Jésus, môsi Nazareth mbe inedi édimbana. 10Gô Jérusalem me nameenda te nane. Na va mbenene vane nameetsô na tsesu yadeekedi adigondoku ényangee gôéengéda ayekani ane ameetsa Jésus mitémamie na gô eba atsôgôô. Vameesédu ahngô gôéwa, me namanyôngéô. 11Kuka yetso namakuana ahngô gô yeba yetso yewanyéô. Namatubéda ahngô panda buta mbe eenza Jésus gôémôtôna na anôtôga gô nzéane éadi. Opisa ômeena me ahngô ômakeda me na gô mivo misenge miogenda gôéahkuana.

Paul anigôa gamakoga angô na gôndé Jésus

(Bono na Mayanzame 9:1–19, 22:6–16)

12T’ebandô, nyovo namakea na gô Damas. Tsesu yadeekedi adigondoku ameetsa me ényangee gôéyanza éne émanyôngéô me. 13Vamatsakama kômbéne namabaka te nagébaka gô nzéa. Ah, môtômi ami Agrippa, ti éne émeena me nyoone. Nameena gévede gématana g’ôba na gô tsina. Na sangô gémootéa ôbébayie akômbéne. Gématana va kôbangô ami, wa n’ane amakiaka n’ami gô môtôôe. 14We muetso tômagudama na gô tsina. Namookô ôgie ômavovo n’ami g’ôgi aAraméen ôvovo oma muetso mbe: Saul. ?Saul, ôkuana me gôndé? Vatubéda môkeneyi oo péndéne gôétévéda éwe nzéane, ôatsôkô ômuene gô yangô. Gô kéndéne yoo, ôabévéda te ômuene. 15Me nameevôa angô mbe: ?Kumu, éwe indaa? N’angô amapandôéda me mbe: Oô te me Jésus. Ewe Saul ôndé gôékuana me. 16Timôgaka. Me natsutsugi gôndé éwe gôégôkoa môyanzi ami. Ewe te mbangine éami geeni éwe me deo noo. Onganigôa na mavo mabégô mangeena éwe gô mbene anzéa. 17Nagôkudéga va gatse Ajuif n’avo oma. Agôtsôpeye, me nangagôwata gô mogo maô. 18Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Paul amanigôa éne émayanzangô

19Oôkiô môtômi ami Agrippa. Me tsikina égobeda ôgie ômavovo n’ami na éne ématévédu me émaviga g’ôba. 20Namapanga éékéda te asi Damas n’asi Jérusalem. Vane nameekéda na muetso gô tsenge ééndô mbe Judée, na dôta asi dipo tsenge. Nameekéda angô mbe: koani mitéma mianyô gôéba na wene mônongo amonyo. Géngôgani na gôndé Nzambé. Digaani na yanzani gôétubéda gakoyiô anye mitémamie. 21Vamabaka me gô eba aNzambé, Ajuif amatsôpa me te gô meekédume mane. Amanyôngéô éyôha me. 22Ivô Nzambé amakenea me na ameebakanéda me ngu na deo noo. T’ebandô ôena me éva, na ôôkô me nandé gôénigôa ane ageage n’ane avôni éne émayanza Nzambé gôndé me. Me tsavovo mabégô mayekani. Mane mavovo me te mane mamanigôa Moïse na apandôédi amatasa naNzambé va mbeego mbe éngaba te nane. 23Amavovo mbe: Gôngaba môvo eendô mbe Christ, ône amasevou na Nzambé. Angatubédu maguga. Angô te ône angapanga ékunduga g’ôwa. Na angatévéda Ajuif na oma muetso gô tsenge yetso gévede sedi gétsigéda môma na gô géobogeo.

Paul amavooto Agrippa mbe: Ombiatsuma Jésus paga

24Vamabaka Paul gôénigôa éne émabaka n’edi, Festus amamôsemba mbe: Ewe Paul ?Oka gégiô-ma? Gô géneengage soo gévôni, môtémee woo ôka sagôsagô. Ovétsi môkambô. 25Paul amasiia n’edi mbe: Ewe môtômi ami, menya mbe me tsivétsa môkambô. Nandé ti ékenge. Na éne évovo me éndé ti kuanakue. 26Amuene Agrippa môtômi môvôni, amani éôkô mabégô mema. T’ebandô navovo n’edi gébé na mikebanganô. Metso manigôi me anye deo noo masisuéguku v’esooe ivô mamamenyanganô na mbeego. 27Ewe Agrippa môtômi atsenge ?ôtasa nayee gô mabégô mema? Gô éne émavovo apandôédi amatasa maNzambé ?éwe ôôngôa éétsa môtémee-a? Me namenya mbe éwe ôsoongôa étsuma éangô paga. 28Agrippa amabika mbe: Ewe Paul, ôsanéa ti vipesu gôékoa me môtémee gôéba môma aChrist. 29Paul amavovo n’edi mbe: Me naduka Nzambé mbe buéyé mbe deo noo, buéyé mbe gô mbene, ôngeetsa Jésus môtémee. Ivô kaka éwe môtévo, te na muetso ôôkiô éne évovi me deo noo, nôngakoga gamakoga me. Nanyôngéô mbe anye nôbaké gandé me gô mabégô metso, buétsé te gô ésengo édué.

30Môtômi môvôni Agrippa, na môkedi Festus na Bérénice na muetso ane amadenganôni amatimôga gôékea. 31Vamakusahngô gô tsongo épôni ahmavovo anguene n’anguene mbe: Mômôgôô nône eendô mbe Paul, asaba n’oési ta na pesu mbe ayôhu gô angô, vo eengédu gô tsôgôô gô angô. 32Agrippa amavovo na Festus mbe: Mbeka gakudégi angô ébégoe éedi na gôndé pene gô Rome, éva mbe anzeegediô.

Currently Selected:

Mayanzame 26: TSV

Highlight

Copy