Luukas Injiil Luukasti Orbeena
Injiil Luukasti Orbeena
Ta Injiil, Luukas akah yarhxeekah, Yeesus Masiix aniina caddoyisha affara Kitaab Cusub Cahdedde geytimayaako kinni. Ten-ten migac lel “Injiil” kinni. Injiil yarhxiinim lel: “Mece ware”, hido “Bissiraata” yarhxiinim kinni. Yeesus rabek sarrah ta Kitob tuktubem lel Maatiyos, Markos, Luukas kee Yohannis kinon.
Luukas Yeesus aniinah zanta bisa akkekkah yuktubem, kaa raba kee kaa rabaakohi ugutko sarrah kaa katattaynit abeenimhi sabbatah yakkeedo, Fartottit hi Abittot migacah le lamma kitaab yuktube. Luukas akah yarhxeekah ta Injiil yunkuttubem Yeesus yoobokemko 60 iggidiyak sarrah akkekkah miraaca.
Yuktubeti hido wanna lel xaakim kuuk yine Luukas kinni. Kaa kataabah agalgul kee yatneefece luqhaako lel maarhaga kuuk yinem tambulluwe. Luukas Yeesus aniinah gondo meceetih caddoysheh yaktabo farhem, tamaa abittot akah yekkeekah warishak, aki mari yiqhriinih yatnaafacoona ciloh kinni (Curfa 1:1-3). Usuk Yahuuddo kuuk miyine (Kollossayti xiyaw 4:10-14), Yahuud akkinnixe mari akah yafhimiiniikah lel yuktube. Tayim lel Yahuud cayda (labcad) akah caddoyishaakah yambulluwe (Curfa 1:8).
Yallih kaxani umman tiyah kinni! Yeesus ta caalamalle yemeetem umman xiyawhi Gargeereena yakko kinni. Ta kitaabadde yane naba lamma xisaab lel tayim kinni. Ta Injiil, Luukas akah yarhxeekah, inkoh inki xaaja inki xibarah caddoyshaanamhi sabbatah Maatiyos kee Markosti kitoblih mangum yammeseesele. Ta adooxa kitaabko, Luukas ziyaada soddom iggidiyadde Yeesus aniinahi gondo ta caalamalle Yaythimmiqhe Yohannis ubka meceetih caddoyisha. Luukas zambi-xabbot (Curfa 3:3, 11:4, 17:3-4, 23:34, 24:47) kee salaat (Curfa 3:21, 5:16, 6:12, 11:1-12, 22:32) gantah meceetih caddoyisha.
Urhurh kuluuxa ta kitaabadde
Luukas ta kitaab aymih yuktube? 1:1-4
Yaythimmiqhe Yohannis kee Yeesus ubka 1:5 — 2:52
Yaythimmiqhe Yohannis farto 3:1-20
Anthammaq kee Yeesus cakana 3:21 — 4:13
Yeesus ciyyo Galiilalle 4:14 — 9:50
Yeesus Galiilaako Yerusaalem yadiye 9:51 — 19:27
Yeesus sarroorimat baxuuro: kaa firde kee raba 19:28 — 23:56
Yeesus rabaakohi ugut 24:1-12
Yeesus yambulluwe. Carshelle kaa beyen 24:13-53
Currently Selected:
Luukas Injiil Luukasti Orbeena: SCC
Highlight
Share
Copy
Want to have your highlights saved across all your devices? Sign up or sign in
©2024 Wycliffe Ethiopia