Yohanni 15
15
Me hom ko čačo drakengro rouk
1“Me hom ko čačo drakengro rouk. Oun miro dad hi ko harho, kay boudrell an koy baar#15:1 baar garta , kay i drakengre rouka tardo hi. 2Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake. 3T'mer han djoudjo. Mire laba, hoy penom t'menge, kran t'men djoudjo.
4Ačenn an mande oun me ačau an t'mende! Te ačenn t'mer gar an mande, vell kek lačo koova dran t'mende, yaake har ko kasht nay anell dran peste kek drake. Yob hounte ačell ap o rouk. 5Me hom ko drakengro rouk. Oun t'mer han kol kashta. Koon ačell an mande oun me an leste, dran koleste vell boud lačepen. T'mer te han gar mantsa khetne, nay krenn t'mer či. 6Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.
7Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer. 8Te vell boud lačepen dran t'mende, vell miro dad sharedo. Oun t'mer venn mire mala. 9Har miro dad man o djiyestar kamella, yaake kamau me t'men ninna o djiyestar. Ačenn an miro kamlepen! 10Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.
11Kova penom me t'menge, te vell miri barht an t'mende yaake baro, har djal gar bareder.
12Kova kamau t'mendar, te kamell yek o vavares o djiyestar yaake har me t'men kamau o djiyestar.
13Kekes hi bareder kamlepen har kova, kay merell peskre malenge.
14Te krenn t'mer, hoy me t'menge penom, han mire mala.
15T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala. 16T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”
I menshe kamenn o Yezouses gar
17“Krenn, hoy me t'menge penau: Kamau, te kamell yek o vavares o djiyestar! 18Te kamenn t'men i menshe ap kay phoub gar, ma bistrenn, kay yon kaman man vitar gar.
19Te hans t'mer menshe kay phoubyatar, palle kamans le t'men. Yon kamenn kolen, kay hi yaake har yon. T'mer han gar kolendar. Me rodom t'men dran lende vin. Doleske kamenn le t'men gar. 20Rikrenn an t'maro shero, hoy me t'menge penom: I boudepaskro hi gar bareder har leskro ray. Lan man yon palla, lenn yon t'men ninna palla. Te shounan yon ap kova, hoy me lenge penom, shounenn yon ninna, hoy t'mer lenge penenna. 21T'mer han miro. Doleske hi yon čilačo ap t'mende. Yon prindjrenn koles gar, kay bičras man. 22Te voms me gar pash lende, oun penoms lenge gar halauter, lans le kek doosh#15:22 doosh faute, péché ap pende. Kanna nay penenn yon gar: Mer djinam gar, kay kova, hoy kram, čilačo hi. 23Koon man gar kamella, kova kamell vitar gar miro dades. 24Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste. 25Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.#15:25 dik: Debleskri gili 35:19
O Debleskro Dourho vella
26Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande. 27Ninna t'mer, kay hans o tselo tsiro pash mande, penenn i menshenge mandar, hoy t'mer dikan oun shounan.”
Currently Selected:
Yohanni 15: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
