Na Sailm 26
26
Salm 26.
Judica me, Domine.
1Go mba tú mo ḃreiṫeaṁ, a Ṫiarna, ó ṡiúil mé go neaṁċoirṫeaċ: bíoḋ mo ṁuinín as an Tiarna, agus ní ṫitfiḋ mé dá ḃrí sin.
2Proṁaiġ mé, a Ṫiarna, agus féaċ mé: breaṫnaiġ mʼáranna agus mo ċroí.
3Óir bíonn do ċarṫanaċt os coṁair mo ṡúl de ṡíor: agus siúlfaiḋ mé de réir dʼḟírinne.
4Níor ċónaiġ mé le daoine díoṁaoine: agus ní ċoinneoiḋ mé cuideaċta le luċt na bréige.
5Ṫug mé fuaṫ do ċoṁṫionól luċt an oilc: agus ni ṡuífiḋ mé i measc na ndroċḋaoine.
6Nífiḋ mé mo láṁa i neaṁċoirṫeaċt, a Ṫiarna: agus is aṁlaiḋ a ṫarraingeoiḋ mé ar dʼaltóir;
7Go gcluintear mo ġlór ag altú duit: agus ag insint dʼoibreaċa iontaċa.
8A Ṫiarna, ṫug mé grá do dʼáras tí: agus dʼáit cónaiṫe dʼonóra.
9Ná cuir mʼanam faoi ġlas i measc na bpeacaċ: ná mo ḃeaṫa le luċt doirtiṫe na fola;
10A mbíonn an ċoir ina láṁa: agus a láṁ ḋeas lán de ḃreabanna.
11Aċ is aṁlaiḋ a ṡiúlfaiḋ mise go neaṁċoirṫeaċ: go mbʼáil leat mʼḟuascailt agus ḃeiṫ trócaireaċ liom.
12Is daingean seasaṁ mo ċoise: molfaiḋ mé an Tiarna ar na coṁṫionóla.
Currently Selected:
Na Sailm 26: OC1965G
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
