Na Sailm 11
11
Salm 11.
In Domino confido.
1Is sa tiarna a ċuirim mo ḋóċas: conas adeir siḃ lem anam teiṫeaḋ ċun an ċnoic mar éan?
2Óir siúd luċt an oilc ag lúbaḋ a mboġa, agus ag ullṁú bolgán na saiġead: go scaoile siad os íseal le luċt an ċroí ḟír.
3Óir leagfar na buna atá fúinn: agus cad é is féidir leis an ḃfíréan a ḋéanaṁ?
4Tá an Tiarna ina ṫeampall naofa: tá caṫaoir an Tiarna ar neaṁ.
5Breaṫnaíonn a ṡúile na boċta: scrúdaíonn a roisc Síol Áḋaiṁ.
6Proṁann an Tiarna na fíréin: aċ is fuaṫ anama leis fear an oilc, agus an té a mbíonn dúil aige i ndroċġníoṁarṫa.
7Fearfaiḋ sé dola ar luċt an oilc, tine agus ruiḃ, gaoṫ ṁór agus doineann: sin an deoċ a ḃeas acu le n‑ól.
8Óir bíonn grá ag an Tiarna fíréan ar an ḃfíréantaċt: ní ḟeicfiḋ a ġnúis aċ an ní atá ceart.
Currently Selected:
Na Sailm 11: OC1965G
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
