Na Sailm 10
10
Salm 10.
Ut quid. Domine?
1Cad ċuige a seasann tú i ḃfad uainn, a Ṫiarna: cad ċuige a gceileann tú do ġnúis in am an riaċtanais agus an ḃuarṫa?
2Cuireann luċt an oilc géarleanúint ar na boċta mar is mian leo: ceaptar iad sa ḃfeallḃeart a ċumadar.
3Óir ċuaiġ an droċḋuine ag maíoṁ as mian a ċroí: agus molann sé an duine santaċ, a mbíonn fuaṫ ag Dia air.
4Bíonn an droċḋuine ċoṁ huaiḃreaċ sin, naċ mbíonn aird aige ar Ḋia: níl aon smaoineaṁ ar Ḋia ina ċeann.
5Is niṁneaċ de ṡíor a ṡlite: bíonn do ḃreiṫiúnas i ḃfad as aṁarc os a ċionn, agus dá ḃrí sin cuireann sé dúṡlán a naiṁde.
6Óir dúirt sé ina intinn féin, Is cuma liom, ní ċuirfear de mo ċosa mé ċoíċe: ní ḃeiḋ caill ar biṫ orm.
7Bíonn a ḃéal lán de ṁallaċtaí, de ḃréaga agus de ṁealltóireaċt: bíonn an éagráifeaċt agus an díoṁaointeas faoina ṫeanga.
8Suíonn sé i ḃfolaċ mar ġadaí i gcúil na sráideanna: agus dúnṁaraíonn an neaṁċiontaċ os íseal ina ċró ḟolaiṫe; bíonn sé ag faire na faille ar an mboċtán.
9Óir fanann sé i luíoċán, fanann sé faoi ċeilt mar leon ina uaiṁ: go gcreaċa sé an duine boċt.
10Cuireann sé an ċreaċ ar an duine boċt: nuair a ġaḃann sé ina líon é.
11Caiṫeann sé é féin síos, agus uṁlaíonn sé é féin: go dtite slua na mboċt i láṁa a ċeannurraí.
12Dúirt sé ina intinn féin, Is cuma, rinne Dia dearmad air: tá sé ag folaċ a ġnúise, agus ní ḟeicfiḋ sé ċoíċe é.
13Éiriġ, a Ṫiarna Dia, tóg do láṁ: nárḃ iad do ḋearmad iad na boċta.
14Cad ċuige a gcuirfeaḋ an droċḋuine masla ar Ḋia: agus é á rá ina intinn féin, Is cuma liom, is cuma leat a Ḋia ina ṫaoḃ.
15Naċ cinnte go ḃfaca tú é: de ḃrí go n‑aṁarcann tú ar an éagóir agus ar an diansmaċt;
16Ionas go nglacfá an ċúis idir láṁa: cuireann an boċtán é féin ar do ċoimirce; ós tú cúntóir an té atá gan ċara.
17Bris cuṁaċt luċt an oilc agus an droċ‑ċroí: bíoḋ a n‑urċóid á scrúdú agat, go naċ raiḃ fuílleaċ ann.
18Is é an Tiarna is Rí go saol na saol: agus dʼéag na págánaiġ as an tír.
19A Ṫiarna, ċuala tú aċainíoċa na mboċt: tógann tú a gcroí, agus tugann tú cluas dóiḃ.
20Lena gceart a ṫaḃairt don dílleaċta agus don dearóil: ionas naċ n‑éireoḋ an duine talṁaí ina n‑éadan.
Currently Selected:
Na Sailm 10: OC1965G
Highlight
Share
Copy
Want to have your highlights saved across all your devices? Sign up or sign in
© Cumann Gaelach na hEaglaise (Irish Guild of the Church) 1965
