HOSEA 6

Bawipa Hnenah Kirsal An Tum

1Misenpi in, “Bawipa ih hnenah kirsal uhsi. In bauhthlek ṭheh zo naón amah thotho in in damter ding. In tuahmawh zo naón amah thotho in kan hma in tuam sak ding. 2Ni hnih hnuah in thoter sal ding ih ni thumnak ah in nungter sal ding; cule a hmaiah a nung in kan um ding. 3Bawipa cu theih tum uhsi. Amah cu kan hnenah zinglam khawvang bangin a ra ding, a pelh lo ding. Amah cu kan hnenah leilung a toihtu ṭoruah bangin pelh loin a ra thleng ding,” an ti.

4 Bawipa in, “Maw Israel le Judah, nannih hi ziangtinso ka lo tuah ding? In duhdawtnak cu zinglam suumzing bangin zamrang in a hlo; daitla bangin a hul lohli. 5Curuangah ka profet pawl nan hnenah thuṭhennak le siatsuahnak ṭong thawn ka thlah a si. Nan hnen ihsin ka duhmi cu nanmah ih theih lo ding zianghman a um lo; tleunak bangin a fai a si. 6Nan hnen ihsin a ṭunghmun mi duhdawtnak a si ka duh, ramsa ih raithawinak a si lo. Keimah in theih ding a si ka duh, mei-ur thawinak a si lo.

7“Sikhalsehla hi minung pawl, hi tiamkammi ram an thlen vete in annih thawn thukamnak ka tuahmi cu Adam hmun ah an bal ṭheh. 8Gilead cu mi ṭha lo le mi thattu pawl ih khua a si. 9Puithiam pawl cu damiah bangin mi an bawh. Shekhem hmun thianghlim fehnak lamzin hmanah mi an that. Cuih thil ṭha lo pawl cu tumhrim in an tuah! 10Israel ram sungah thil poimawhzet pakhat ka hmu: ka minung pawl in milem biaknak in an baal-awter ṭheh zo.

11“Nannih Judah mi pawl, nan thil tuahmi ruangih hremnak nan tuar ding tikcu ka khiah zo.

Currently Selected:

HOSEA 6: FCL

Highlight

Copy