SEEMTIRNAK 36

Esau Ih Tesinfa Pawl

(1 San. 1.34-37)

1Esau ih tesinfa pawl cu a hnuailam bangtuk in an si. (Esau cu Edom ti tla-in an ko.) 2Esau cu Kanaan nunau pawl nupi ah a nei. Hit mi Elon ih fanu Adah, Hiv mi Zibeon ih fapa Anah ih fanu Oholibamah, le 3Ishmael ih fanu Nebaioth ih farnu Basemath tla an si. 4Esau ih nupi Adah in Elifas a hring; Basemath in Reuel a hring ih, 5Oholibamah in Jeush, Jalam le Korah a nei. Hi pawl cu Esau in Kanaan ramih a neihmi fapa pawl an si.

6Cun Esau in a nupi pawl, a fanu le a fapa pawl, a sungkhat pawl le a cawrual le Kanaan ram a um sungih a neihmi hmuahhmuah a lak ih a nau Jakob thawn an umtlangnak ihsin a ṭhawn ih hmun dangah a feh. 7Ziangah a ceer tile Jakob thawn an umnak loram in a daih hai lo ruangah a si. Ṭilva tamtuk an nei ih curuangah hmun khatah an umtlang thei nawn lo. 8Esau cu a feh ih tlangpar ram Seir ah a um. Esau cu Edom ti a si.

9Cun Edom miphun ih pa Esau cu tlangpar ram Seir ahcun a um ih tesinfa tampi a nei. 10Esau ih fapa pawl cu Adah ih hrinmi Elifas le Basemath ih hrinmi Reuel tla an si. 11Elifas ih fapa panga pawl cu Teman, Omar, Zefo, Gatam, le Kenas an si. 12Esau fapa Elifas ih nusun pakhat cu Timna a si ih amah in Amalek a hring. Hi pawl cu Esau nupi Adah ih faate pawl an si.

13Reuel ih fapa pali pawl cu Nahath, Zerah, Shammah le Mizzah tla an si. Hi pawl cu Esau nupi Basemath ih faate pawl an si.

14Cule Zibeon ih fapa Anah fanu Esau ih nupi Oholibamah in fapa pathum a neihmi tla cu Jeush, Jalam le Korah an si.

15Esau ih tesinfa sung ihsin cithlahtu pawl cu hihi an si. Esau ih fapa upa bik Elifas ih fapa pawl cu Teman, Omar, Zefo, Kenas, 16Korah, Gatam le Amalek an si. Edom ramih Elifas sungsuak ih cithlahtu pawl cu hihi an si. Anmah tla cu Adah ih tesinfa pawl an si.

17Esau ih fapa Reuel ih hrinmi fapa, cithlahtu pawl cu Nahath, Zerah, Shammah, le Mizzah tla an si. Edom ramih Reuel sungsuak ih cithlahtu pawl cu anmah hi an si. Anmah tla cu Esau nupi Basemath ih tesinfa pawl an si.

18Cun Esau nupi Oholibamah ih fapa, cithlahtu pawl cu Jeush, Jalam le Korah tla an si. Anmah cu Anah ih fanu Esau ih nupi Oholibamah ih hrinmi an si. 19Hi pawl cu Esau ih tesinfa, Edom ih phunhnam tla an si.

Seir Ih Tesinfa Pawl

(1 San. 1.38-42)

20Hihi Hor miphun Seir ih fapa pawl, a ramih rak um ciami an si. Lotan, Shobal, Zibeon, Anah, 21Dishon, Ezer le Dishan tla an si. Annih cu Edom ramih ummi Seir fapa an si ih Hor miphun ih cithlahtu pawl an si. 22Lotan ih fapa cu Hori le Heman an si. Timna cu Lotan ih farnu a si. 23Shobal ih fapa pawl cu Alvan, Manahath, Ebal, Shefo le Onam an si. 24Zibeon ih fapa pahnih tla cu Aiah le Anah an si. Hi Anah cu a pa Zibeon ih laak pawl a khalh laiah ramcaar lakih cirhti hlum a hmu suaktu kha a si. 25Anah ih faale pawl cu Dishon le a fanu Oholibamah an si. 26Dishon ih fapa pawl cu Hemdan, Eshban, Ithran le Kheran an si. 27Ezer ih fapa pawl cu Bilhan, Zaavan le Akan an si. 28Dishan ih fapa cu Uz le Aran an si. 29Cun Hor miphun ih cithlahtu pawl cu Lotan, Shobal, Zibeon, Anah, 30Dishon, Ezer le Dishan tla an si. Anmah cu Seir ramah Hor miphun pawl ih cithlahtu an si.

Edom Ram Ih Siangpahrang Pawl

(1 San. 1.43-54)

31Israel siangpahrang pawl in an uk hlanih Edom ram a uktu siangpahrang pawl cu hihi an si. 32Beor fapa Bela in Edom ram a uk ih a khawpi hmin cu Dinhabah a si. 33Bela cu a thi ih a ai ah Bozrah khuami Zerah ih fapa Jobab in Edom ram cu a run uk. 34Jobab a thi ih a ai ah Teman miphun pawl ih ram sungih ummi Husham in a uk. 35Husham cu a thi ih a ai ah, Moab ramih Median mi a nehtu Bedad ih fapa Hadad in a uk. A khawpi hmin cu Avith a si. 36Hadad cu a thi ih a ai ah Masrekah khua ih Samlah in a uk. 37Samlah cu a thi ih a ai ah Eufrates tiva kap Rehoboth khuami Shaul in a uk. 38Shaul cu a thi ih a ai ah Akbor ih fapa Baal Hanan in a uk. 39Cun Akbor ih fapa Baal Hanan cu a thi ih a ai ah Hadad in a uk. A khawpi hmin cu Pau a si. A nupi hmin cu Mehetabel a si ih Matred ih fanu a si. Matred cu Mezahab ih fanu a si.

40Hi pawl cu an hnam le an umnak khua ciarih lal an si ih Esau ih tesinfa pawl an si: Timna, Alvah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel le Iram an si. Anmah tla cu an umnak ciarah ram neitu le lal an si ih Edom ram sungah hotu an si. Edom miphun ih pa cu Esau a si.

Currently Selected:

SEEMTIRNAK 36: FCL

Highlight

Copy