Matthaisioi Phrinzangpo 27

1Ni, sngamo, ranmana kohenuni gowaun nang mithsiri chhimi miunis Yoshu saduk zore khoo rshmangeang grabs bas. 2Yang khongunis Kho chingse khyors yang rgyalchos bakhan Pontius Pilatusi laqa tangs.

3Dotsana, Yoshu zunchukkhan Yudas kho sadchi skralcha songmao thongsena khoe gyodluks songse kohenuni gowaun nang chhimi miuni shitia do rshmul sumchu ldzoqso, 4dyu zes : Ngas budthal medkhan chigi khraq hlukpi mingna zunchukpao nyospa bas. Amma, khongunis zes : Ngacha na chi dres ? Khyeres snanga bok. 5Yang khos rshmulun Rtsangma Malsiang phangs, yang bingse songsena rangis rangi skyea thaqpa thaqse shi. 6Ni, kohonuni gowaunis rshmulun laqpoang lene zes : Dyu Rtsangma Malsi sereang tangchao dodcha med, chiazerbana dyu khraq-rin in. 7Yang khongunis grabs basena doa janmi miun kabchi phya chharaq rchokhan jingpo nyos. 8Dophya do jingpoa diring thsaqpa khraqjing taḵẖsha songsed. 9De thoa Yeremias khyenkhani molskhanpo dyu zoron gangrgya song : Yang Israolpi buthsauniangna khachigis rin lcharskhan do rin bacha songskhanpe rinpoo rshmul sumchu ngas lons. 10Yang, khongunis ashipao ngâ skalspao nazomse chharaq rchokhani jingpoo phya tangs.

11Ni, Yoshu rgyalchos bakhanpoe dunla langso yodpin; yang rgyalchos bakhanpos khoa dyu trise zos : khyerang Youdaiapauni rgyalpo ina ? Ni, Yoshus khoa mols : khyeres zospao in, 12Yang kohonuni gowaun nang chhimi miunis khocka snyad bon yodtsana khos chanĝ tamlan chik maldzoqs. 13Ma ldzoqpana, Pilatosis khoa zos : khongunis khyeri luksiang tsâmtsek chhebji phed zere khyeranga goameda ? 14Yang khos khoe tam chikchigiang tamlan maldzoqpao la rgyalchosbakhanpo mangmo rgyal.

15Ni, rgamoe jaqpeang mibongsunla khontanga thadkhan chikchik zgaqkhangeangna phude tangchao rgyalchos bakhanpoo khrims inmin. 16Detsana, mingtaḵẖspo Barabbas zerkhan ngonskhan kaqse yodkhan chikchik yodpin. 17Dokana, khongun malchik damspana Pilatosis khongunla zes : Khyonti phya gangpe phude tanĝchao la khyentang thaded, Barabbas hana Masih zorkhan Yeshu? 18Chiazerbana kho khongunis thsikse laqa tangskhan in zoro khoa rshtaḵẖspa yodpin. 19Ni Pilatos shaḵẖsi khrîka dultso yodtsana khoe aneos khoa zere tangs : Di khadrang mî lasuniang yorang madres, chiazerbana diring nyilama khoe phya ngika qolṯo mangmo hlebsod. 20Amma, Barabbas phudo tangchi phya juso yang Yeshu sadchuk zore kohenuni gowaun nang chhimi miunis mibongsunla ltsabs. 21Amma, rgyalchosbakhanpos khongunla tamlaniang zes : Khyenti phya ngas di nyiskooangna gangpo phude tangchaola khyontang thadod ? Dokana khongunis zes : Barabbas (phude tong!) 22Pilatosis khongunla zos : Ni, Masih zerkhan Yeshu na ngas chi ba ? Khong jungis khoa zes : kho kaṯo shinga spyorang! 23Dekana rgyalchosbakhanpos zes : Chi, Khos chi rtsoqpo baspin ? Amma, khongunis shadang baso kustabon zes : kho kaṯo shinga spyor! 24Ni, Pilatosla khoranga chang michhodchao dobasang hilingpo mangmo chhachao thongmana khos chhuik khyongso miuni dunla dyu zorcn laqpa krus : Di khadrang mî khraqpoe shitiana nga buthal medkhan in. Khyentes snanga bashik! 25Yang tamlaniang mibongs jungis zored : Khoo khraqpo ngachi nang ngachi phruni jingmeang (yongshik) ! 26Dekana khos Barabbas phude tangs; amma, Yeshuika rshtalchaqs tangso kho kaṯo shinga spyarbi mingna laqa tangs.

27Dokana rgyalchosbakhanpoo rshmaqi miunis Yeshu khari anggonpeang khyere rshmaqpo jung khoe kridskhorla skors. 28Yang khoe gonchasun phudo marpo gonchek khoa skons. 29Yang thsermi thod chikchik hlase khoe goeka kals yang dambui bergok khoo trangi laqpeang tangs; yang khoo dunla phuksmo thsukse khoa jargatiang bon zes : Wa, Yudaiapauni rgyalpo ! Ju he ! 30Yang khongis khoa thu tangso khoekana bergao ṯhang thens, yang khoo gooka rdungs. 31Yang, khongis khoa jargad base gonchao khoekana koqs yang khongunis rangi gonchaun skons, yang kaṯo chingika spyarba khyors.

32Ni, khong phyista bingmana michik, Sinon zorkhan kurenaiospa na thuks; Yeshui kaṯo shingpo khurba khongunis kho wangika khyongs. 33Yang khongun Golgotha zerkhan malseka, chizosna gorus toḵẖskhan soka hlobana, 34khongunis khoa qanṯe skrimskhan rgunchhangchik thungma tangs; yang kho doa spaltasona thungma magad. 35Ni, khongunis kho kaṯo shinga spyarena : Nga gonchasun zgos yang ngi gonohaola khongis shingbu tangs : khyonkhanuni lches molcha songkhanun gangrgya chha khoo gonchasunla shingbu tangso rere nang rerea zgos. 36Yang khong soka dukse deka kho strungs. 37Yang, Dyu Yudaiapauni rgyalpo Yeshu in zere kho sadpi mingna phingskhan snyadpo zbrise khoe go nagyonla spyars. 38Dotsana lamchadkhan rshkunma nyisang chikchikpo trangljongsla o chikchikpo yonljongsla kho nanyarabo katoshing-chigika spyars.

39Ni, des or der drulkhanunis go skore khoeka rshmunmo taben, 40dyu zes: Wa, Rtsangma Malsao rshtibse phangse yang jaq sumi jaqa rchokhan khyores khyerang khomchuk ! Taqdir khyerang Ashipi Rshras in na, kaṯo shingpokana yoqa bob ! 41Dya zosteka kohenuni gowaunisang chhos zbrikhanun nang chhimiun nadrese khoa ukhan tangen zes : 42khos eun khomchuks amma khoranga khorang khomchukpa khyud med. Taqdir kho Israelpauni rgyalpo in na dare kaṯo shingikana yoqa babchuk, yang ngachas khoeka chhesluks bok. 43Khos Ashipika rdyang jaqspin, taqdir khocka Ashipa thado yodna dare khos khorang phude tangchuk, chiazerbana khos : "Nga Ashipi Buthsao" in zersed. 44Dya zostekâng kho nanyambo kaṯo shinga spyare yodkhan de koqkhanunisang khoa ukhan tangs.

45Detsana dusthsod trugikana rgu thsaqpa miyul gangmeang ṯhup songse duk. 46Ni, dusthsod rgutseka Yeshus thonmo skadika kustabso mols : Eli, Eli, lammaa sabakhthani ? Chizesna : Kasa ngi Ashipa, kasa ngi Ashipa, Yeres nga chia phangse jaqsed ? 47Ni, der langse yodkhanuniangna khachigis dyu goana zes : Dyus Elyas la kus tabed. 48Yang, dyanabangs khurika douniangna chikchik rgyugen songse chhuthcn chikchik khyongso yang deang skyurmo rgunchhang skangso yang dambui bergi goa juse khoa thungma tangs.

49Amma, eunis zes : detsuga joqang Elyas kho khomchukcha yongeda med zere ngantanga ltachugang!

50Yang Yeshus, yang thonmo skadika kustabsena stroqpo tangs. 51Yang, misto, chhoskhangpoe yolao gyenikana yoq thsaqpa ḏanḏa po nyis chhads; yang sanggul song; yang braqun jaq; 52yang rongkhangun bes; yang nyid yongse yodkhan rtsangmauni rgo mangmo sone langs. 53Yang, kho some langspi jaqi jukna khong rongkhanguniangna bingse rtsangma yuliang songsena mangmoeka ngons.

54Amma, rgyarshpon nang kho nanyambo Yeshu strungen yodkhanunla sanggulpo nang e songkhanun thongmana mangmo jikse dyu zes : Mantaḵẖsika dyu Ashipi Rshras insuk!

55Ni, Galilayeangna Yeshui jukna jabsthoqiang ben yongskhan ane mangmoek der thaqringsna lten yodpin. 56Douniangna Magdalapa Mariam yang Yakobos nang Yosesi ama Mariam yang Zebedaiosi buthsauni amao yodpin.

57Dekana rgongs ranmana michik; Arimathiapa Yoseph zerkhan norzan yodkkan yongs; khosang Yeshuikana lobskhan inmin. 58Kho Pilatosi shitia songse Yeshui mendoqpo tong zere jus; yang Pilatosis Yeshui mendoqpo tong zere mols. 59Yang, Yosephis mendoqpo khyongse karka rasgosiang tumsena? 60khores braqeang borskhan rangi soma durkhangpeang bor; yang hyamangshik durkhangpoe kheka zdrile tangsena song. 61Ni, der Magdalapa Mariam nang e Mariampo durkhangpe thannyâ dukse yodpin.

62Ni, chetaq be jaqi ejaqa kohenuni gowaun nang Pharisiapaun Pilatosi shitia damse yongse jus: 63Kasa skumdun ju, de lamstorla tangkhanpos sontea yodtsana: : jaqsumi jukna sone langsuk zere zespao ngacha itu phingma yongs. 64Dephya jaq sum thsaqpa durkhangpo strung zere yeres skalchukpa zadang, medna khoe lzadrulbakhanun yongse kho rshkuse khyerena mithsounla zeruk: De, kho shiskhanuniangna sone langskhan in; yang jugi lamstorun snani lamstorpo basang zomed chhok. 65Pilatosis khongunla zes: Khyenti der strungkhan miuni thso duk; songse gatsuga rshanṯe bacha khyentanga shesed. 66Dekana khong songse durkhangpeka kale yodkhan hyamangspoa rshtaḵẖs tangsena strungkhan miuni thso jaqse durkhangpo rshanṯe bas.

Currently Selected:

Matthaisioi Phrinzangpo 27: SOMA

Highlight

Copy