Matthaisioi Phrinzangpo 28
28
1Dekana Dalbi jaqi jugika rdunchigi snani jaqa od juksen Magdalapa Mariam nang e Mariampo durkhanga lta yongs.
2Yang, misto, rshanṯe sanggulchik song; chiazerbana Ashipas tangskhan-chik rshnamna yoqa babse yongse durkhangpekana hyamangs po zdrile phangs; yang deka duks. 3Yang khuri rdongzo hloq natsoḵẖs yodsuk yang khoe gonchao kha natsoḵẖs karpo yodsuk. 4Doa strungkhanun jikse dar, yang shimi natsoḵẖs song. 5Amma, skokhanpos aneunla tamlaniang zes : khyentang majikshik; chiazerbana kaṯo shingika spyarskhan Yeshu khyentes tsalchao nga rshtaḵẖspa yod. 6Kho dir med, chiazerbana khores molspao nazomse sone ltsangskhan in! Ashipi zims-saola lta yongshik! 7Yang, kho shiskhanu-niangna sone langskhan in zere rtsomse songse khoe lzadrulbakhanunla spera bashik, yang, kho khyentang basang snanla Galilayeang skyoded, der khyentanga kho thongnuk. Snanga jaqshik ngas khyentanga hagochuksed. 8Yang de aneun rtsomse durkhangpekana songse jiksen yang mangmo thaden khoe lzadrulbakhanunla spera bacha bang khyes. 9Yang, misto, Yeshu khong na thukse dyu mols : khyentang thade dukshik! Yang, khong shitia songse kang-maunla thamse kho rchors. 10Dekana Yeshus khonga mols : khyentang jiks majikshik; songshik, ngi phonounla khong Galilayeang chha (rgosuk zere) zershik! yang der khonga nga thongnuk.
11Ni, de aneun chhatsana strungkhan mî thsoeangna khachik rgyalseang yongse songkhanun jung kohenuni gowaunla shads. 12Yang khongun chhimiun nadrese damse grabs basena rshmulchik mangmoek rshmaqi miunla tangse, 13dyu zes : khyentes thsanla ngachâ nyid yongse yodtsana khoe lzadrulbakhanun yongse kho rshkuse khyes zere zershik! 14Yang taqdir dyu rgyalchos bakhani rshneka kaṯo hlebna ngachas khoa chhesshukse yang khyentang qolṯo medkhan chha chuktuk. 15Ni, dounis rshmulun khure songse khontanga ltsabspao nazomse bas; yang dya tampo diring thsaqpa Yudaiapauniang khyede yod.
16Amma, lzadrulbakhan chukshikpo Yeshu khontang nathukchi mingna jaqskhan malsa Galilayeang de rîka song. 17Yang khongunla kho thongmana kho rchors. Amma, khachiga thethom song. 18Yang, Yeshu shitia skyode khong na skad graq base dyu mols : Rshnam nang se wangpo gangma ngâ tangcha songsed. 19Dephya khyentang songse janmi mithsirun junga ltsabse Ata nang Rshras nang Rtsangma Semsi mingtaḵẖspeka khongunla chhurkyal tangse, 20ngas khyentanga molskhanun jungika khongunla drulchao ltsabshik! Yang, misto : Miyul loqloq thsaqpa jaqtang nga khyentang nanyambo duged!
[A M E N]
(Matthaiosi Laqkhas Phrinzangpo)
Currently Selected:
Matthaisioi Phrinzangpo 28: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève
