Luk 3

1O upuma mua jomu na metano mu‘ ipangiya ja Taibirius Sisa, Pântius Pailat gâven ya Judia, Hěrod titrak ya Galili, mwana nyangwě Filip titrak ya Ituria n‘ indendandenda via Trakonaitis, Lisanias titrak ya Abilini, 2Anas na Kaiafas prist ja meolo, ka ndaga ja Anyambě ja pâ o Jân mwana ua Sakaraias a jadi o nginga. 3Ka mâ‐a viya o indendandenda via Jâdan viěhěpi, a vaka a kalakiya baptisma y‘ iluwa ja melema o ivěngidě ja bobe; 4Panika yâ di lěndwěngo o ejanganangobo ya ndaga j‘ usâki Iseas, na,

Joyi j‘ umbâkâ i yamaka o nginga, na, Kenjakěni megâmbâ mea Jěhova, těkiděni njeya jaju.

5Itaba jěhěpi i ka londwěndi, ukodi na ekandangolo yěhěpi be ka hubudwěndi; bea lěngěměngo be ka tědwěndi, njeya ja potapota i ka pangwěndi věvělě;

6Mehoni meěhěpi me ka yěněndi iyonga ja Anyambě.

7Ka mâ‐a vâ na bebimba be vakidi ka baptaiswě na mâ, na, A! igona ja mbamba, nja a kelevidě inyěni na kweyakiyani malingwa ma vakě? 8Nandi lângâkâni bebuma be di lukango iluwa j‘ ulema, n‘ inyěni o yalakěni o vâ o melema meanyu, na, Ho na hangw’ ahu Ebraham: ikabojana mbi vâki n‘ inyěni, na, Anyambě a te a yâlâkě o ’mudě malale těkama ma bě bana ba Ebraham. 9Nandi ubâki u tepě nangudwěngo o tina ya bele: ovaně vâkâna ele yěhěpi e ha lângâkâ bebuma beyam‘ e kwělěkwěndi, na yâ‐y‘ uhwě o veya. 10Ka bato ba uwa mâ, na, Ho hake lě nde? 11A yavwanakindi ka mâ‐a vâ na bâ, na, A di na ngâi ’bale, a kabake na a ha ’bě ně; a di na beja, a haki tepě nyanga tě. 12Ka bayoli pago ba viya ka baptaiswě, ka bâ ba vâ na ju, na, Paia, ho hake lě nde? 13Ka mâ‐a vâ na bâ, na, O nângâkeni wa na nyanga ’anyu e di langudwěngo. 14Ka sâjě ja uwa tepě mâ, na, Hwě ho hake lě nde? Ka mâ‐a vâ na bâ, na, O hakeni moto njuke, n‘ inyěni o bakanakiděni moto elombo o naně, n‘ inyěni o ka diyakani hwěmiyěngo n‘ ivě janyu.

15O bato ba diyakidi n‘ ipepuwa, na běhěpi ba diyakindi ba yebakiya o melema meabu o pělě ya Jân, n‘ ipě mâ ndi Kraist, ipě a ibě; 16Jân a yavwanakindi ka mâ‐a vâ na bâ běhěpi, na, Pâkwěpâkwě mbi baptaisakandi inyěni na miba; nd‘ Umbâkâ a di ngudi wa n‘ umba a vakandi, mbi ’bě weyango n‘ injuwa j‘ ukâdi mua makogo maju: Mâ nd‘ a ka baptaisě inyěni n‘ Ilina Iyamu na veya: 17a na epepa o ’nâ ’aju, A ka viyândi nděk ’aju, na Mâ‐a yolě hwit o ndabo ’aju; nd‘ A ka dikiděndi behavu na veya vi ha dimaka.

18A kalakiyi bato belombo bepâkwě beitě bea ihâhâlidě jaju. 19Nd‘ o mâ‐a kandakidě Hěrod titrak, o pělě ya Hěrodias mwad‘ a mwana nyangwě Filip, na o pělě ya mabe ma Hěrod ma hakidi měhěpi, 20a badakindi ekabo wa na meěhěpi, ivamě ja Jân o ndabo ya meboka.

21E diyakindi, o bato běhěpi ba diyakidi baptaiswěngo, na Jisus tepě na baptisakwě A ka kalakiya, oba e dubwanakiyendi, 22Ilina Iyam‘ i hubakind‘ o Mâ‐a jadi na ehini ya nyolo ka mbenga, ka joyi ja viya oviya ’ba, na, O Mwan‘ ’amě a tândâkě; o tândâkidi ’mba bwamu.

23Jisus mětě a diyakindi a ka ’mbaka o pâ mabo ma mepuma malalo utodu, (pani ka yâ e piviyakudwě, na,) a diyakindi mwan‘ ’a Josěf, a diyaki mwan‘ ’a Hilai, 24a diyaki mwan‘ ’a Matat, a diyaki mwan‘ ’a Livai, a diyaki mwan‘ ’a Mělkai, a diyaki mwan‘ ’a Jana, a diyaki mwan‘ ’a Josěf, 25a diyaki mwan‘ ’a Matataias, a diyaki mwan‘ ’a Emâs, a diyaki mwan‘ ’a Neum, a diyaki mwan‘ ’a Eslai, a diyaki mwan‘ ’a Nagi, 26a diyaki mwan‘ ’a Maat, a diyaki mwan‘ ’a Matataias, a diyaki mwan‘ ’a Sěmiai, a diyaki mwan‘ ’a Josěf, a diyaki mwan‘ ’a Juda, 27a diyaki mwan‘ ’a Joana, a diyaki mwan‘ ’a Risa, a diyaki mwan‘ ’a Sorobaběl, a diyaki mwan‘ ’a Salatiěl, a diyaki mwan‘ ’a Nirai, 28a diyaki mwan‘ ’a Mělkai, a diyaki mwan‘ ’a Adai, a diyaki mwan‘ ’a Kosam, a diyaki mwan‘ ’a Elmodam, a diyaki mwan‘ ’a Ěr, 29a diyaki mwan‘ ’a Josi, a diyaki mwan‘ ’a Eliisěr, a diyaki mwan‘ ’a Jorim, a diyaki mwan‘ ’a Matat, a diyaki mwan‘ ’a Livai, 30a diyaki mwan‘ ’a Simiân, a diyaki mwan‘ ’a Juda, a diyaki mwan‘ ’a Josěf, a diyaki mwan‘ ’a Jonan, a diyaki mwan‘ ’a Eliekim, 31a diyaki mwan‘ ’a Milia, a diyaki mwan‘ ’a Minan, a diyaki mwan‘ ’a Matata, a diyaki mwan‘ ’a Netan, a diyaki mwan‘ ’a Devid, 32a diyaki mwan‘ ’a Jěsi, a diyaki mwan‘ ’a Oběd, a diyaki mwan‘ ’a Boos, a diyaki mwan‘ ’a Salmân, a diyaki mwan‘ ’a Neasân, 33a diyaki mwan‘ ’a Aminadab, a diyaki mwan‘ ’a Eram, a diyaki mwan‘ ’a Esrâm, a diyaki mwan‘ ’a Ferěs, a diyaki mwan‘ ’a Juda, 34a diyaki mwan‘ ’a Jekâb, a diyaki mwan‘ ’a Aisak, a diyaki mwan‘ ’a Ebraham, a diyaki mwan‘ ’a Tera, a diyaki mwan‘ ’a Nekâr, 35a diyaki mwan‘ ’a Seruk, a diyaki mwan‘ ’a Regâ, a diyaki mwan‘ ’a Felěk, a diyaki mwan‘ ’a Hibir, a diyaki mwan‘ ’a Sala, 36a diyaki mwan‘ ’a Kainan, a diyaki mwan‘ ’a Arfaksad, a diyaki mwan‘ ’a Syěm, a diyaki mwan‘ ’a Noi, a diyaki mwan‘ ’a Leměk, 37a diyaki mwan‘ ’a Matusela, a diyaki mwan‘ ’a Inâk, a diyaki mwan‘ ’a Jerěd, a diyaki mwan‘ ’a Malilil, a diyaki mwan‘ ’a Kainan, 38a diyaki mwan‘ ’a Inâs, a diyaki mwan‘ ’a Sět, a diyaki mwan‘ ’a Adam, a diyaki mwan‘ ’a Anyambě.

Currently Selected:

Luk 3: BNG1895

Highlight

Copy