Marko 8

Etaŋiyo Yesu Aati Esiha Atomwana Aŋwan

Mt 15:32-39

1Jyo oŋitek hwa al attubanie eluluŋ wati bwo fe obeŋ naŋiyo jihosi, iloŋo Yesu leyiyanak honyi jihonyi ette jaran jihosi, 2Omehino ataji hoŋ jyo laati hulo nyo itoŋoi isi ihwania jihoŋ oŋitek hunihoi bwo fe atuho naŋiyo hosi. 3Kuyya efak ni isi ihaŋitek hosi hobeŋi isi oŋiye oniamai adi isi ka ahure nyo alamaji amisihi omuk. 4Ati itarraŋi leyiyanak honyi jihonyi ojori, ?Orumani ’tadi emunio aja hun oremehini ta aati hulo jyo edyofo ana? 5Attati inyi ifiyo isi ojo, ?Omukaja emunio jihatai? Bwo isi itarraŋi, Arai hattarik. 6Tania ette inyi iramana eluluŋi wati hetetoŋohi ifau. Attati inyi iduhuna emunio hattarik ette jaran humo jyo Hollum. Ibibeny inyi isi ette isyo jyo leyiyanak honyi hataharaniehe jyo aati attati isi harana. 7Bwo fe owoni isi iko omuk aham hul omutari, attati inyi jaran humo jyo Hollum, ette inyyak harana jyo leyiyanak isyaraniere jyo aati. 8Oŋiye isi ette ifoŋ. Attati isi iddudduhuna ofitot hun oremehini ta afejin hattarik hun ifuti. 9Aati hul oŋiye’to arai isi esiha atomwana aŋwan. 10Attati inyi ifahina isi addi. Teyya teyya attati Yesu dahina itwa togol iko leyiyanak honyi ette ’laŋan aari many jyo afau Dalamanuta.

Awahan Farisei Etamijani

Mt 16:1-4; Lk 12:54-56

11Ette omuk Farisei fwanna jihonyi ette ifiyo inyi itahutaniere etamijani on ottu’to t’edou oŋida okemyerek inyi. 12Attati Yesu yirita bebe ta ataji honyi ette jaran, ?Nyo ottifyai laati to oŋitek huna etamijani? Ahode ahode eramak ni itai obeŋ obo etamijani an itahutani jyo laati to oŋitek huna. 13Attati Yesu busana Farisei ette inyyak dahina itwa togol ette ’laŋan aŋati hari tole.

Etahutana Yesu Awoyo Hiram ono Emunio jyo Leyiyanak

Mt 16:5-12

14Attati leyiyanak gworo eyaro emunio ati owon emune abotye ijai itwa togol. 15Attati inyi ittittoyo isi ojo, Ihumata mijo. Heruhoto abula Farisei bwo fe huno Erode. 16Attati isi ikikyana ta ahwattek hosi ojo, Obeŋ emune jihohoi. 17Attati Yesu mijana ana ette ifiyo isi ojo, ?Nyo ikikyanati tai jo obeŋ emune jihatai? ?Hebyaŋata tai itaniŋuna? ?Odwari atajya hatai? 18?Iwanata tai iko ayyaha ati ibyaŋata tai itayiriete? ?Ibyaŋata tai igotyete? 19Ninya abenyere ni emunio miet jyo aati esiha atomwana miet, ?omukaja afejin huno ebenyiti munio hun iduhuna tai? Ojori isi, ’Tomon harrihai. 20Bwo fe emunio hattarik jyo aati esiha atomwana aŋwan, ?omukaja afejin huno emunio hunya iduhuna tai? Ojori isi, Hattarik. 21Attati inyi ifiyo isi ojo, ?Ibyaŋata tai itaniŋuna?

Etaŋidaryo Yesu Oloŋodo Imiji Beteseda

22Attati isi fanyan imiji Beteseda ette laati iyaŋuno atulo oloŋodo’to jyo Yesu ette ilolya jihonyi ijara hotottiro inyi. 23Attati Yesu rihoro inyi ta naani ette iyaro inyi iler miji. Attati mico ihoŋite honyi ette itafana ahas honyi ihoŋite loŋodo attati ifiyo inyi ojo, ?Igonyu iye obo ariŋ? 24Attati inyi ibonno ette itarraŋ ojo, Egonyu ni aati hul adahai ati oleye isi ihwa ayyanio. 25Ati inyyak Yesu itafana ahas honyi ihoŋite loŋodo attati inyi ŋidari ette itteryo mijo bebe. Oremik inyi igonyuna erre daŋ. 26Tania ette Yesu ifahina inyi ihaŋ ette iramana inyi ojo, Oŋida ibeŋ iye idaha jyo obo amiji ihwania.

Elyet Petro Neruk Honyi

Mt 16:13-20; Lk 9:18-21

27Attati Yesu iko leyiyanak honyi busana Galilea ette fwatan imishihi iger fau Cesarea Filipi. Hadahai isi ifiyo inyi leyiyanak honyi ojo, ?Ojori laati ani ŋai? 28Ette isi itarraŋ jihonyi, Ojori omuk iye Yoane Batista. Bwo omuk ojori iye Elija. Ojori omuk ira iye eyani sayyo. 29Attati inyi inyyak ifiyo isi ojo, ?Ati ijatta tai ta ahwattek hatai ani ŋai? Attati Petro itarraŋ jihonyi ojo, Ira iye Kristo.#8:29 KristoAn ojo onyimoto olo Hollum. 30Ati iramak inyi isi hotobyaŋahi iramani eram ana jyo omuk aati.

Ekiluna Yesu Naye Honyi

Mt 16:21-28; Lk 9:22-27

31Attati inyi itteryo ittiyenio isi ojo, Odyaha adi ahwan Lonyi tulo te ettigemita wati bwo fe ihari amarwak iko ehumak eleittaha bwo legyorok inyi. Ottohori adi aati inyi bwo fe ihalu oŋitek hunihoi ibuhu adi inyi. 32Bwo fe obeŋ inyi omwanak obo eram. Attati Petro iyaro inyi alamarai kai ette itteryo isiŋyo inyi ta nekyana ania. 33Ette Yesu yito attati mijo jyo leyiyanak honyi hul omuk ette isiŋyo Petro ojo, Ihuto tehalu hoŋ addi Sitan nyo negigilita hoi obeŋi ofwonni jyo Hollum ati arai ihwa huno aati.

34Attati inyi iloŋuna neluluŋ wati jihonyi iko leyiyanak honyi ette jaran, Al awak obo ijifatyo ani ijara inyi hetehai ahwan honyi, hotolororo akruce honyi, hetejifatye ani. 35Al awak obo atulo italahuna nesu honyi italitohi adi inyi. Ati lya al isyo nesu honyi te eram hoŋ bwo fe ta asayyo hun oyiji, italahuni adi inyi fur. 36?Anyo adi ayiji honyi al opocou obo atulo erre daŋ hutto fau bwo nesu on osyo fur olitohi? 37?Ta anyo itinyyaŋak obo atulo nesu honyi? 38Atulo al iloriri’to jihoŋ bwo fe jyo nekyanita hoŋ ihiji wati hul orrohoji’to, iloriri adi Lonyi tulo jihonyi al ottu inyi iko anjelohyen honyi hul olibori ta nakwatan ono Monye.

Currently Selected:

Marko 8: LOT1969

Highlight

Copy