Marko 2

Etaŋidaryo Yesu Atulo ol Ogolyo Hwan

Mt 9:1-8; Lk 5:17-26

1Ihalu omuk oŋitek acaharu Yesu limiji Kapernaum ette laati itayiruna jo inyi atta haji honyi. 2Teyya ette laati arryai ’tubanio jihonyi dia, tania ette amaji byaŋan jyo hul omuk, dwadi hutteger ikat haji. Ittiyenio inyi ettiyenita honyi, 3attati omuk aati aŋwan fwanna hul akafunie atulo ol ogolyo hwan. 4Ta nalwaji wati obeŋi isi iyarai atulo alya many jyo Yesu tania ette isi ’tulonia ettulit tohide haji, tohide maji an itoŋori Yesu, ette isi ililyofonia ekafit iko atulo ol ogolyo hwan. 5Al igonyu Yesu neruk hosi ojo inyi jyo atulo ol ogolyo hwan, Illaŋ, ahohinie eyyata hoi. 6Owoni bwo fe omuk egyorok dia hul igigiloi ta atajya hosi jo, 7?Nyo ikyana atulo alya ihwania? Omoryo inyi Hollum. Obeŋ tulo oremik hohina eyyata arari Hollum fe abotye. 8Teyya ette Yesu mijana egigilita hosi ette ifiyo ojo, ?Nyo igigiloti tai ihwania ta atajya hatai? 9?Anani an ilyaha’to, ajaran hoŋ jyo atulo ol ogolyo hwan jo, Ahohinie eyyata hoi, kuyya ajaran hoŋ, Totte, obubunak ejotit hoi, tadahai? 10Ati oŋida itai imijana jo owon nadwaran jyo Lonyi tulo ihohiniere eyyata wati hutta fau. Tania ojo inyi jyo atulo ol ogolyo hwan, 11Ajo ni jihoi, totte, obubunak ejotit hoi, ilo ihaŋ. 12Teyya ette inyi dyoto kwak ette bubunana ejotit honyi ette leten tohosyere hosi alet. Tania ette isi daŋ illilliha, ette itahabuyo Hollum ojori, Ebeŋ nya hohoi egonyu obo ariŋ ihwa ana.

Eloŋuna Honyi Levi

Mt 9:9-13; Lk 5:27-32

13Obusak inyi amiji ette caharu ilotifor hari Galilea. Ofwonni aati jihonyi bwo inyi fe ittiyenio isi. 14Hadaha inyi ette inyi igonyuna Levi lonyi Alufayo. Itoŋo inyi lihaji on odumarik amusuru ette Yesu jaran jihonyi, Ijifunie ani. Ette inyi dyoto ette jifaru inyi.

15Lihalu oŋiyo Yesu ihaji Levi iko leyiyanak honyi. Owoni fe dia latamonok arryai iko lamojok musuru bwo leyyak hul ijifatye inyi. 16Al igonyuni legyorok hulo Farisei Yesu oŋiye iko leyyak bwo fe iko lamojok musuru ojori isi jyo leyiyanak honyi jo, ?Nyo oŋiyo inyi iko lamojok musuru bwo fe iko leyyak? 17Itayiru Yesu ana ette jaran jihosi, Laati hul oŋidari’to obeŋi awahi afwatan jyo akim, ati hul oŋwai’to ofwoi isi jyo akim. Abeŋ ni attu iloŋori ayijok, ati attu ni iloŋori eyyak.

Eram ono Aferuna#AferunaObeŋi isi oŋiye to omuk oŋitek nyo igigiloi isi itamuno ana Hollum.

Mt 9:14-17; Lk 5:33-39

18Teyya oferutai leyiyanak hulo Yoane iko Farisei ette omuk aati fwanna ette fiyo Yesu, ?Nyo oferuni leyiyanak Yoane iko Farisei bwo hulohoi obeŋi oferuni, nyo? 19Itarraŋ Yesu jihosi ojo, ?Oferutai mottyarak hayamani al itoŋoi isi ikonyi? Obeŋi isi oferutai al itoŋoi isi iko layamani, obeŋ. 20Ofwonni adi oŋitek hun iyarik layamani t’ehiji hosi addi, bwo to noloŋ to nya ette adi isi feruna. 21Obeŋ obo orifak ettafit boŋo aŋejuk jyo egwasit boŋo imarwani. Kuyya ihanio obo ihwo nya ogwasaru adi ettafit aŋejuk to boŋo amarwani addi ette egwasit bolori agalik odwo. 22Obeŋ obo ijuhok abalu aŋejuk itwa ihulo amarwani. Kuyya ihanio inyi ihwania obor adi abalu ehulo ette abalu iko ehulo byaŋan. Abalu aŋejuk oŋida ijuhoni itwa ihulo aŋejuho.

Agila Heyiyanak Ema to Sabato

Mt 12:1-8; Lk 6:1-5

23Teyya to noloŋ sabato addaddaharai Yesu iko leyiyanak honyi ta atwa matta hima. Hadahai isi itwa matta ette leyiyanak itteryo gila nema. 24Teyya ette Farisei jaran jihonyi, Imijye, ?nyo ihanie isi ariŋ on odwa’to ihaniere to noloŋ sabato? 25Itarraŋ inyi jihosi, ?Ibyaŋata tai ihenuna erre hunya ihanio Davide iko laati laniamai isi? 26Alo nya inyi lihaji Hollum hara Abiatara ehumani ol obolo’to ette inyi ŋiyo emunio hun odwari’to hun obeŋ tulo oŋiyo arari ehumak hama oŋiye, bwo fe isyo Davide nomuk jyo laati honyi. 27Ette inyi iramana jihosi, Isyori nya sabato jyo laati, ati obeŋi isyori laati to sabato. 28Ihwania ara Lonyi tulo Hobu dwadi olo sabato.

Currently Selected:

Marko 2: LOT1969

Highlight

Copy