Matteyo 14
14
Naye ono Yoane Batista
Mk 6:14-29; Lk 9:7-9
1To oŋitek hunia itaniŋu Hobu Erode eram ono Yesu, 2ette iramana legyamak honyi jo, Inyi alya Yoane Batista al ibuhu’to to ye tania oleye edwariti arryai tenyi. 3Nyo inefu nya Erode Yoane ette ifitana inyi ibabus, nyo awak inyi itamuno Erodia ŋorwoi illanyi Filipo. 4Nyo ojo nya Yoane jyo Erode jo, Obeŋ oyyu jihoi imanyari iko aŋotte ania. 5Tania awak Erode ’tohoro Yoane, ati abaŋ inyi eluluŋ wati nyo ojori isi ara inyi eyani sayyo. 6To oloŋ an ihanierek isi akarama igiluniere esiuna ono Erode, ohya ŋarri Erodia ihiji wati, attati Erode muno. 7Attati inyi coronia ettuŋo isyoryere jyo odwoti erre daŋ hun awak inyi. 8Ette inyi jaran ihwa itahutak dwo honyonyi jihonyi jo, Isyarak ani ahou Yoane Batista itwa sahan. 9Attati hobu jiriŋa, ati ifak inyi isyoryere jihonyi nyo acorok dwo bu inyi te ettuŋo bwo atamonok itaniŋuni. 10Teyya attati inyi ifahina obo ibabus iŋotuniere ahou Yoane. 11Attati inyi iyaŋuno ahou honyi itwa sahan attati isyo jyo odwoti bwo odwoti ette yaro jyo honyonyi. 12Teyya ofwonni leyiyanak hulo Yoane iyari ahwan honyi ette nuhana inyi. Ette isi fwatan iramana Yesu.
Etaŋiyo Yesu Aati Esiha Atomwana Miet
Mk 6:30-44; Lk 9:10-17; Yn 6:1-14
13Al itaniŋu Yesu erre huna idyaharu inyi amaji ania ette leten ta atogol jyo amaji on oyur’to. Itaniŋuni eluluŋi wati to misihi jo alo Yesu, ette isi ijifaru inyi te ejek hosi. 14Al isuru inyi ilotifor hari igonyu inyi eluluŋ wati arryai, attati ataji honyi mehino jihosi ette inyi itaŋida aŋwak hosi. 15Ojo nya otoryai ofwonni leyiyanak honyi jihonyi ette jaran, Amur ana bwo fe ilyaha noloŋ eddorro. Ifak eluluŋ wati imisihi inyyaŋari aŋiyo. 16Itarraŋ Yesu jihosi jo, Hefuhara isi addi, isyatta jihosi aŋiyo. 17Ati ojori leyiyanak jihonyi, Ewon hohoi iko emunio miet hama iko aham arrihai. 18Ette inyi jaran, iyaŋuniete emunio hunia jihoŋ. 19Attati inyi iramana laati hetetoŋohi ifau. Attati inyi duhuna emunio miet bwo aham arrihai ette bonno ahide ette jaran humo jyo Hollum, attati bibeny emunio ette isyarana jyo leyiyanak bwo leyiyanak isyarani jyo eluluŋ wati. 20Oŋiye isi daŋ ette ifoŋ. Attati isi iddudduhuna ofitot imunio hun oremehini ta afejin ’tomon harrihai hun ifuti. 21Oŋiye isi daŋ. Arai alyawa hama esiha atomwana miet bwo fe owoni aŋorwo iko aduri.
Adaha Yesu ta Ahide Hari
Mk 6:45-52; Yn 6:16-21
22Teyya teyya ifak inyi leyiyanak honyi hatadahiniehe itogol hatallaŋahi aari ahosyere honyi, attati inyi ifahina eluluŋ wati hototturorohi. 23Ihalu efahina honyi isi addi olo inyi idoŋe hama imojori. Nya attari owon inyi dia hama. 24Ette atogol wanan ihiji hari an ifolyahita folyak folyak. Ittigemyo inyi atogol nyo ohuco oyyami bebe. 25Ninya ilyaha ataŋatyo motye ette Yesu leten jihosi al adaha ta ahide hari. 26Ati al igonyuni leyiyanak inyi adaha ihide hari, abaŋi isi ette ilulwo, ululululu, aŋarri jok ania. 27Ati ojo inyi jihosi ojo, Itagoloto atajya hatai. Ani alya, hebaŋata.
28Ojo Petro jihonyi, Hobu, al ara iye alya ahode, ikejara ani attu jihoi ihide hari. 29Attati Yesu jaran, Waŋ. Attati Petro ’luuna to togol ette daharo ta ahide hari ajyo Yesu. 30Ati ninya igonyu inyi oyyami ette itteryo abaŋi ette dyodyoro ihari, attati lwaha ojo, Hobu etalwahu ani. 31Teyya kokwak ihalamak Yesu aani honyi ette inefuna inyi nefuna ette jaran, ?Nyo ikuyya iye? Omuta neruk hoi. 32Al ojiŋani isi itogol ette oyyami dwa. 33Bwo fe origoŋi hya huttotwa togol ette jaran, Ahode, iye Lonyi Hollum.
Etaŋidaryo Yesu Aati Arryai Ifau Jenesaret
Mk 6:53-56
34Ninya allaŋi isi aŋati hari tole afany isi ifau Jenesaret. 35Ette laati hutto maji ania mijana Yesu ette isi ifahina nekyana imisihi daŋ heteyaŋuniehe aŋwak daŋ jihonyi. 36Omojoi isi inyi hataŋatak aŋwak ittiryere eger boŋo honyi bwo fe oŋidari aati daŋ hul ottiri’to aboŋo honyi.
Currently Selected:
Matteyo 14: LOT1969
Highlight
Share
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
