Luka 4

Esusuyo Sitan Yesu

Mt 4:1-11; Mk 1:12-13

1Ifut nya Yesu iko Oloyiri ol Olibo inya lattu inyi to hari Yordano bwo fe orihoro nya Oloyiri inyi itwa mur. 2Ette inyi itoŋo dia oŋitek atomwana aŋwan hun okemyere etisyahani inyi. Obeŋ nya inyi oŋiyo omuk erre to oŋitek hwa bwo fe al isidi oŋitek hwa oniama inyi. 3Attati etisyahani al anya’to Sitan jaran jihonyi jo, Kuyya ira iye Lonyi Hollum iloito amorwo ana hetera aŋirya. 4Attati Yesu itarraŋ jihonyi ojo, Igyoroni ojo, “Obeŋ atulo isu ta aŋirya hama.” 5To obo asaa attati etisyahani iyaro inyi ihide doŋe ette itahutana inyi olobyehyen hutta fau. 6Attati jaran jihonyi, Esyo adi ni jihoi eleittok itoŋori ahobu hosi bwo fe ifwotuniere akwatan hosi, nyo isyori nya isi jihoŋ, bwo fe aremik ni isyo jyo lya al awak ni isyo. 7Kuyya itahabuyo iye ani arai adi isi daŋ ahunohoi. 8Attati Yesu itarraŋ jihonyi ojo, Igyoroni jojo,

“Oŋida iye itahabuyo Hobu hoi Hollum,

Bwo igyama jihonyi hama.”

9Attati inyi iyaro Yesu Yerusalem ihide haji imojit eneittok ette jaran jihonyi, Kuyya ira iye Lonyi Hollum itakwahai ahwan hoi tene, 10nyo igyoroni igyerita jo,

“Ifak adi Hollum anjelohyen honyi irrirryari iye.”

11Igyoroni bwo fe jo,

“Itarrauni adi isi iye ta ahas hosi

Jo oŋida iye ibeŋ isyak eju hoi imorwoi.”

12Attati Yesu itarraŋ jihonyi ojo, Igyoroni jo, “Oŋida ibeŋ iye ikemyo Hobu hoi Hollum.” 13Latohu etisyahani akemyo inyi te erre daŋ ette inyi leten do addi.

Etteryo Yesu Ettiyenio Honyi

Mt 4:12-17; Mk 1:14-15

14Ocohuno Yesu ta agolon ono Oloyiri ol Olibo many Galilea bwo fe asayyo honyi ette isarrahina ifauhyen daŋ. 15Attati inyi itteryo ittiyenio ihasik imojiti bwo itakwace isi daŋ afure honyi.

Ehara Wati Nasaret Yesu

Mt 13:53-58; Mk 6:1-6

16Attati inyi ’tuna Nasaret ninya obolorori inyi, bwo fe olo inyi ihaji imojit to sabato#4:16 sabatoAra inyi neyom ono laati Yudea, oloŋ ono ayiri. ihwa ara nya emohit honyi. 17Attati inyi wotya iheniere abuk ono eyani sayyo Isaya. Aŋa inyi abuk ette nyurana amaji an igyoroni dia ojo,

18“Owon Oloyiri olo Hobu jihoŋ,

Onyimu inyi ani ittiyeniere asayyo hun oyiji jyo alocaŋak.

Ifahu inyi ani iramaniere ahohina jyo hul ifitani,

Bwo fe itamijyere aŋodok,

Ihohiniere hya hul ittigemye,

19Iramaniere neŋa ono amehino ono Hobu.”

20Ihyanak inyi abuk ette isyo jyo hul itayirye’to ette itoŋo ikurus bwo fe aati daŋ huttotwa haji ette ikikorihina jihonyi. 21Attati inyi jaran jihosi ojo, Ahana itasiruni ekyanita huno abuk ana ihwa itayiruna tai. 22Ikyanai isi daŋ on oyyu tenyi bwo fe illillihai te ekyanita hun ikyana inyi te etuk honyi ette ifiyo ojori, ?Lonyi Yosefo olo? 23Attati inyi jaran jihosi, Ahode ijatta adi itai jihoŋ jo, Akim, itaŋida ahwan hoi. Etaniŋu hohoi erre hunya ihanio iye to Kapernaum. Ihanie bwo fe dini erre ihwo nya. 24Ati ajo ni jihatai obeŋ etahabuyo jyo eyani sayyo imiji hosi. 25Ahode eramak ni itai jo owoni nya nobiloŋi ŋorwo hun oyei habiak hosi arryai ifau Israele to oŋitek huno Elija ninya obyaŋari ahide asayere ta aŋasi hunihoi iko ayafajin ille, bwo fe attu ahure lifau daŋ. 26Obeŋ nya Hollum ifak Elija jyo aŋorwo hunia ati ifahini inyi imiji Sarefata lifau Sidon jyo obo aŋotte on oye habi honyi. 27Olwaji nya aati ’tallulu ifau Israele ta aŋasi huno eyani sayyo Elisa, ati obeŋ nya itaŋidari obo olosi arari Namana olo Sirya. 28Ninya itaniŋuni laati itwa haji imojit erre huna, ifuti nya isi daŋ iko eloŋojita. 29Attati isi dyoto daŋ ette iyaro inyi to miji addi ette rihoro inyi ihide doŋe ninya oduhorik isi amiji hosi jo oŋida isi esulu inyi tohide ’walaŋ. 30Ati ojiŋu inyi tehiji hosi ette leten addi.

Atulo ol Owon iko Ajok on Orroho’to

Mk 1:21-28

31Ette inyi leten Kapernaum amiji ono Galilea. Bwo ittiyenio inyi laati to sabato. 32Illillihai isi te ettiyenita honyi, nyo arai ekyanita honyi ihwo huno eleittok. 33Bwo fe ihaji imojit owon obo atulo ol owon iko ajok on orroho’to, ette inyi lwaha on okwat ette jaran, 34Aii Yesu Anasaratanani, ?anyo hiram iwak iye jihohoi? ?Ittu iye itarrohojyere hohoi? Amijak ni iye, iye Aliboroni olo Hollum. 35Ette Yesu iŋere ojo, Odwai, obusak inyi. Ilo addi. Attati ajok ania ihanana ahwe jihonyi ette ’tuna totwa honyi addi ati obeŋ itarroho inyi. 36Illillihai laati daŋ ette hahaya ta ahwattek hosi ojori, ?Anyo hiram ana? Ta adwaran iko agolon ifuha inyi ajok ette inyi jiŋuna addi totwa tulo. 37Bwo itisarrahini eram honyi jyo amisik daŋ hun onyihai’to dia.

Etaŋidaryo Yesu Hamoni Simone

Mt 8:14-15; Mk 1:29-31

38Odyoto inyi ette dyaharo aji imojit ette leten jiŋana ihaji Simone. Oŋwai hamoni Simone iko anahan hwan bwo isi ette mojo Yesu oŋida olwak inyi. 39Attati inyi wotya iger ijotit honyi ette ifuhara anahan hwan bwo anahan hwan honyi ette ’turoro ette inyi dyoto kwak ette igyama aŋiyo jihosi.

Etaŋidaryo Yesu Aŋwak Arryai

Mt 8:16-17; Mk 1:32-34

40Liddorro oloŋ, iyaŋunie aati daŋ aŋwak jyo Yesu, hul oŋwai’to iko eŋwati hun olufaji bwo iyyabak inyi ahas honyi jihosi itaŋidaryere isi daŋ. 41Bwo ajohin hun orrohoji’to ette fwanna addi to wati ette lwahatyo ojori, Iye Lonyi Hollum. Ifuhak Yesu isi daŋ bwo fe iyimo inyi isi ikyanai nyo omijani isi daŋ jo inyi Kristo.

Adaha Yesu Ittiyeniere

Mk 1:35-39

42Afaŋ amotye hanyik ette inyi leten ihidyofo. Ottifyai aati daŋ inyi attati nyurana inyi bwo iyimoi isi inyi aleten addi. 43Ati ojo inyi jihosi, Oŋida ani ettiyenio asayyo hun oyiji huno olobye ono Hollum jyo amisik omuk nyo inyi eram an ifahunierek ani. 44Bwo fe ittiyenio inyi ihasik imojiti huno Galilea.

Currently Selected:

Luka 4: LOT1969

Highlight

Copy