Luka 3

Nettittoyo ono Yoane Batista

Mt 3:1-12; Mk 1:1-8; Yn 1:19-28

1Ihiŋa etattomoni homiet ono elohobu Tiberio Cesare, owon nya Ponto Pilato amandir olo Yudea, bwo Erode ara eleittok olo Galilea, bwo illanyi Filipo ara eleittok olo afau Iturea iko Trakonito, bwo fe ara Lisania eleittok olo Abilene. 2Anas iko Kaifa arai ehumak hul obolori’to attati nekyana ono Hollum ’tuna jyo Yoane lonyi Sakaria lowonari inyi imur. 3Attati Yoane leten jyo amasik hutteger Yordano ittiyeniere aati jo oŋida isi iloiti atajya hosi ette ifwotuna batisimo ette Hollum busana eyyata hosi. 4Ihwa igyoroni libuk ono eyani sayyo Isaya ojo,

“Iloŋo obo atulo to mur,

Ette jaran, Ihuhumana nekoi Hobu,

Itabisana ekota honyi ’tor.

5Itarryamahini adi awudorita daŋ,

Bwo fe itosotonie adi adoŋyok,

Itabisani adi nekota hun okukudoi’to,

Bwo fe italiboroni adi nekota hun ogoŋye’to,

6Ette adi laati daŋ igonyuna netalahuna ono Hollum.”

7Tania ikyana inyi jyo eluluŋ wati hul ofwonni’to jihonyi ifwotuniere batisimo ojo, Irata tai ihwa amunok. ?Ŋai ojo jihatai ofuhoti ajore ono hottu’to? 8Oŋida ehanita hatai itahutani jo iloitoto tai ahode atajya hatai. Hejatta ta ahwattek hatai jo, Ara Abramo hohonyi hohoi, nyo eramak ni itai jo oremik Hollum ’yeuna lonyirok Abramo jyo amorwoi huna. 9Bwo fe ihwania ihanani atolu ihadde ’yanio. Oyefuni adi ayyanio daŋ hun obeŋi’to oŋijuni aŋer hun oyiji ette rwoŋonia lihima.

10Attati eluluŋ ifiyo inyi ojori, ?Anyo ’tadi an ehanio hohoi? 11Attati inyi jaran jihosi ojo, Lya ol owon’to iko aboŋojin arrihai ijara hataharak lobo ol obeŋ iko obo aboŋo, bwo fe ol owon’to iko naŋiyo oŋida bwo fe inyi ihanio ihwo nya. 12Ofwonni bwo fe amojok musuru jihonyi ifwotuniere batisimo ette isi ifiyo inyi ojori, Hettiyanani, ?anyo adi ehanio hohoi? 13Bwo inyi ette jaran jihosi, Hemojuna amusuru hun allaŋi aŋoco ono okuma. 14Ette bwo fe oseŋer ifiyo inyi ojori, Ara bwo hohoi, ?anyo adi ehanio hohoi? Bwo inyi ojo jihosi, Hehorotyete aati te efiriwa kuyya ta netisyaha bwo fe heŋuŋunitati ta aduma hatai.

15Igigiloi aati ette isi ikikyana ta ahwattek hosi to Yoane ojori kuyya ara inyi Kristo. 16Ikyana Yoane jihosi daŋ ojo, Ebatisyo ni itai ta aari ati ottu adi lobo leittok al agalik’to ani al abeŋ ni asiru houna amuha honyi. Ibatisyo adi inyi itai to Oloyiri ol Olibo iko ta neema. 17Owon ayyani lihani honyi italiboryere ema honyi ette fyehina limugu honyi, ati oswahini adi acono lihima on obeŋ’to oremik dunyari.

18Bwo fe ta nettittotya arryai ittittohi inyi asayyo hun oyiji’to jyo laati. 19Ati isiŋyo nya Yoane Erode te eram Erodia ŋorwoi illanyi bwo fe te erre arryai hun orrohoji’to hun ihanio inyi. 20Attati Erode inyyak fwanana obo arrohoji jyo erre huna daŋ te efitana honyi Yoane ibabus.

Batisimo ono Yesu

Mt 3:13-17; Mk 1:9-11

21Ninya atuk Yoane ebatisyo wati ottu Yesu bwo fe jihonyi attati Yoane ibatis inyi. Homojo inyi ette edou bwanya, 22attati Oloyiri ol Olibo isuruna jihonyi ihwa awolo attati nekyana ’tuna t’edou on ojo, “Iye Lonyi hoŋ al amuno ni bebe.”

Hohonyok Yesu Kristo

Mt 1:1-17

23Inya itteryo Yesu ittiyenio arai aŋasi honyi atomwana hunihoi. Igigiloi laati jo inyi lonyi Yosefo, al ara lonyi Eli, 24al ara lonyi Matata, al ara lonyi Levi, al ara lonyi Meleki, al ara lonyi Yana, al ara lonyi Yosefo, 25al ara lonyi Matatia, al ara lonyi Amosa, al ara lonyi Nahama, al ara lonyi Eseli, al ara lonyi Naga, 26al ara lonyi Mata, al ara lonyi Matatia, al ara lonyi Simi, al ara lonyi Yoseke, al ara lonyi Yoda, 27al ara lonyi Yoana, al ara lonyi Resa, al ara lonyi Serubabele, al ara lonyi Salatiele, al ara lonyi Neri, 28al ara lonyi Meleki, al ara lonyi Adi, al ara lonyi Kosama, al ara lonyi Elemadama, al ara lonyi Ere, 29al ara lonyi Yose, al ara lonyi Eliesere, al ara lonyi Yorima, al ara lonyi Natata, al ara lonyi Levi, 30al ara lonyi Simeona, al ara lonyi Yuda, al ara lonyi Yosefo, al ara lonyi Yonama, al ara lonyi Elayakima, 31al ara lonyi Melea, al ara lonyi Mena, al ara lonyi Matata, al ara lonyi Natana, al ara lonyi Davide, 32al ara lonyi Yese, al ara lonyi Obede, al ara lonyi Boasa, al ara lonyi Salamone, al ara lonyi Nasona, 33al ara lonyi Aminadaba, al ara lonyi Aruni, al ara lonyi Eserome, al ara lonyi Perese, al ara lonyi Yuda, 34al ara lonyi Yakobo, al ara lonyi Isako, al ara lonyi Abramo, al ara lonyi Tera, al ara lonyi Nahora, 35al ara lonyi Seruga, al ara lonyi Ru, al ara lonyi Pelege, al ara lonyi Ebere, al ara lonyi Sela, 36al ara lonyi Kanana, al ara lonyi Arufakasada, al ara lonyi Seme, al ara lonyi Noa, al ara lonyi Lemeke, 37al ara lonyi Metusela, al ara lonyi Enoka, al ara lonyi Yerede, al ara lonyi Malelele, al ara lonyi Kanana, 38al ara lonyi Enosa, al ara lonyi Sete, al ara lonyi Adam, al ara lonyi Hollum.

Currently Selected:

Luka 3: LOT1969

Highlight

Copy