Luka 10

Ettiyenio ono Laati Atomwana Hattarik

1Ihalu erre huna onyimu Hobu omuk laati atomwana hattarik ette ifahina isi arrihai arrihai ahosyere honyi limisihi daŋ iko imasik hun ojari inyi alari. 2Ojo inyi jihosi, Obolo adyoŋo, ati omutari egyamak. Hamojoti jyo Hobu olo adyoŋo ifahuniere legyamak imatta honyi. 3Ifwatta, efak ni itai ihwa akyoro ihiji lemyo. 4Heyatti omuk akisi kuyya abuteni iko amuha bwo hefonyata obo atulo te ekoi. 5Bwo jyo aji an ijiŋana tai ijatta ahosyere, Ijara nelik tajya hatawana jyo aati hutta haji ania. 6Kuyya owon atulo dia al anyalam ijara nelik tajya hatai odulo jihonyi. Kuyya obeŋ inyi teyya, ocohuno adi nelik tajya jihatai. 7Oŋida irasati jyo aji ania, oŋiyete bwo amatati erre hun isyori isi jihatai nyo osiru aduma jyo legyamani te egyama honyi. Heculata jyo omuk ahaŋitek. 8Kuyya jyo obo amiji an ijiŋana tai bwo ifwotuni isi itai, oŋiyete erre hun iyaŋunie isi jihatai. 9Itaŋidaryete aŋwak hosi bwo ijatta jihosi ilyaha dwo olobye ono Hollum attuna jihatai. 10Ati jyo amisihi omuk hun obeŋi’to ifwotuni itai, iculata to olofirihi hosi bwo ijatta, 11Ara dwadi bu attuduha miji hatai an eryeu hohoi, edidyaŋak hohoi jihatai jo oŋida imijana tai jo ilyaha dwo olobye Hollum attuna jihatai. 12Ati ajo ni jihatai iholoŋ ania obolo adi aŋoco jyo amiji ania agalik ono Sodoma.

Esiŋyo Yesu Aati Hutto Misihi

Mt 11:20-24

13Orroho adi bebe jyo amiji Korasin ati bwo fe orroho adi bebe jyo Beteseda nyo hara nya ihanie edwariti imisihi Turo iko Sidon ihwa hunya ihanie jihatai, nya mana iloiti isi atajya hosi beryen te ejiriŋa on obolo iko atarihita. 14Ati oyyu adi jyo Turo iko Sidon agalik itai iholoŋ ono aŋoco. 15Bwo iye amiji Kapernaum, itadara iye bebe ati ibironi adi iye many Hadese#10:15 Hadeseamaji ono layak.

16Lya al itayiryo’to jihatai itayiryo jihoŋ, bwo lya al iha’to itai iha inyi ani, bwo lya al iha’to ani iha inyi lya al ifahu’to ani.

17Attati hulo atomwana hattarik cohuno ta amuno ojori, Hobu ara dwadi bu ajohin, egalik hohoi isi ta afure hoi. 18Bwo Yesu ette itarraŋ jihosi ojo, egonyu ni Sitan akwaharu ihwa ahilai on odou’to t’edou. 19Imijyete, esyo ni jihatai adwaran iryeyere amunok iko atone bwo fe jyo egoliti daŋ huno amyorok bwo obeŋ adi obo ariŋ iryafu itai jyo ’tuŋ. 20Ati hemunoti jo igalihina tai ajohin ati omunoti jo igyoroni afureta hatai lidou.

Amuno Yesu

Mt 11:25-27; 13:16-17

21Ta nasaa ania, omuno Yesu to Oloyiri ol Olibo ette jaran, Ajo ni jihoi humo Monye Hobu olo edou iko afau nyo te edimana hoi erre huna jyo aati hul ilofyoroji’to iko hul itaniŋuni’to bwo ette itahutana isi jyo odolyo nyo ara ana awahan hoi. 22Isyo Monyoŋ erre daŋ jihoŋ, bwo obeŋ obo atulo omijak Lonyi arari Monye omijak, bwo fe obeŋ obo omijak Monye arari Lonyi iko hya hul itahutak Lonyi.

23Attati inyi yito jyo leyiyanak honyi ette jaran jihosi hama, Imunoti adi itai bebe nyo igonyuna tai erre huna. 24Eramak ni itai jo olwaji eyak sayyo iko hobwok hul awahi’to igonyuna erre hun igonyuna tai ati obeŋi isi igonyuni. Awahi isi itayiruniere erre hun itayiruna tai ati obeŋi isi itayiruni.

Asamaritanani ol Oyyu’to

25Attati lobo al ara’to ahaŋotoni hirre dyoto jihosi ette ikem inyi ojo, Hettiyanani, ?anyo adi ehanio ni inyuraniere nesu on osyo fur? 26Itarraŋ Yesu jihonyi jo, ?Anyo igyoroni lifahita? ?Ihenio iye anyo? 27Bwo inyi ette itarraŋ ojo, “Oŋida imunoti Hollum Hobu hatai ta atajya hatai daŋ, ta nesu hatai daŋ, ta agolon hatai daŋ, iko te egigilita hatai daŋ,” bwo fe, “Oŋida imunoti hutto lonyihari hatai ihwa ahwattek hatai.” 28Ojo Yesu jihonyi, Itarraŋ iye on oyyu, ihanie ihwania bwo isu adi iye.

29Ati awak inyi itahutana ayiji honyi jyo aati ette jaran jyo Yesu, ?Haŋai hutto lonyihari hoŋ? 30Ojo Yesu jihonyi ojo, Olo nya obo atulo to Yerusalem many Yeriko ette irwaŋanio iko ahahalak ette isi houna aboŋojin honyi bwo fe ette ibibahyo inyi bwo ette idyaharu inyi al ataragaŋa. 31Attati obo ehumani ruboro awor te ekoi ania. Al igonyu inyi atulo odwo icul inyi aŋati tole. 32Ottu bwo fe obo olo Levitahyen jyo amaji nya ette mijo inyi ette bwo fe icul aŋati tole. 33Attati obo Asamaritanani ’tuna jyo amaji ania ette igonyuna inyi ette mehino jihonyi. 34Ottu inyi jihonyi ette iyal atoŋos honyi te eyali iko ta aari ajalaŋi ette luronia ta arubat ette kafana inyi ihide sigirya honyi ette iyaro inyi jyo obo aji on ojotorik laati bwo irrirrya inyi. 35Nya motye isyo inyi arobia jyo monye haji ojo, Irrirryai inyi bwo fe to omuk erre daŋ hun inyyaŋak iye inyi attu adi ni dumana iye al acohuno ni. 36Tania ifiyo Yesu aŋotoni hirre ojo, Jyo aati hulo hunihoi, ?ŋai adi al ijo iye jo ara olonyihari ol oyyu jyo atulo olo al abahye ahahalak? 37Bwo inyi ette jaran, Lya al itahutak’to amehino jihonyi. Attati Yesu jaran jihonyi, Ilo ihanie ihwo nya.

Awanan Yesu Ihaji Marta iko Maria

38Ati lafwoi Yesu iko leyiyanak honyi ojiŋak Yesu jyo obo amiji attati obo aŋotte an anya Marta ette iloŋuna inyi lihaji honyi. 39Owon inyi iko hanie an anya Maria an itoŋo iger hejek Hobu itayiryere ekyana honyi. 40Ati ottohoro nya Marta egyama aŋiyo ette ’tuna jyo Yesu ette jaran? Hobu, ibeŋ iye igonyu hanioŋ abusaro ani egyama abotye? Ifahu inyi hetettu ani lwak. 41Ati itarraŋ Yesu jihonyi ojo, Marta, Marta, ihawwa iye bwo fe igigilo te erre arryai. 42Owon ariŋ abotye on oyyu’to agalik bwo onyimu Maria ariŋ ania on obeŋ adi ohoro jihonyi addi.

Currently Selected:

Luka 10: LOT1969

Highlight

Copy