1 Samoela 10
10
1Dia nandray tavoahangy kely feno diloilo i Samoela ka nandraraka izany teo an-dohan’i Saoly. Ary nanoroka an’i Saoly izy sady nanao hoe:
–Ny TOMPO mihitsy no nanokana anao ho filohan’ilay vahoakany. 2Anio, rehefa tafasaraka isika, dia hihaona amin’ny lehilahy anankiroa ianao, eo akaikin’ny fasan’i Rahely ao Tselitsà#10.2 Tselitsà: toerana tsy fantatra mazava ny misy azy. amin’ny faritanin’i Benjamîna; ary izy ireo hiteny aminao hoe: «Efa hita ireo borikivavy izay notadiavinao; ary ankehitriny dia tsy ny borikiny intsony no mampanahy ny rainao, fa ianareo indray. Koa dia nanontany ny amin’izay tokony hataony hahitany an-janany izy.» 3Hanohy ny lalanao ianao ka ho tonga eo akaikin’ny hazo ôakan’i Tabôra, ary hahita lehilahy telo ho any amin’Andriamanitra any Betela#10.3 Tabôra: toerana tsy fantatra mazava ny misy azy; (tsy ny tendrombohitra Tabôra no voalaza eto). –Betela: jereo 7.6 sy nta.: ny voalohany mitondra zanak’osy telo, ny faharoa mofo telo ary ny fahatelo siny hoditra feno divay. 4Hiarahaba anao izy ireo ary hanome mofo roa izay horaisinao amim-panajana. 5Rehefa izany dia ho tonga ao Gibehà-Elôhima misy andia-miaramila filistinina ianao#10.5 Gibehà-Elôhima (indraindray Gibehà fotsiny): tanàna tokony ho 6 km any avaratr’i Jerosalema.. Rehefa tonga ao an-tanàna ianao, dia hifanena amin’ny andiana mpaminany izay midina avy eny amin’ny Toeramasina, ka ialohavan’ny mpitendry lokanga sy valiha ny mpively amponga tapaka ary ny mpitsoka sodina. Efa tsindrian-daona haminany avokoa izy ireo. 6Hilatsaka aminao ny Fanahin’ny TOMPO, ka haminany miaraka amin’izy ireo ianao ary ho tonga olom-baovao. 7Rehefa tanteraka aminao ireo famantarana ireo, dia ho fantatrao fa Andriamanitra tokoa no momba anao koa ataovy izay fantatrao fa mety. 8Tsy maintsy midina mialoha ahy any Gilgàla#10.8 Gilgàla: jereo 7.16 sy nta. anefa ianao, ka ho tratrako tsy ho ela, any ny hanatrarako mba hanolotra sorona dorana manontolo sy sorom-pihavanana. Fito andro no hiandrasanao ahy ao; ka rehefa tonga aho, dia hambarako anao izay tokony hataonao.
9Raha vao nihodina i Saoly ka dify an’i Samoela, dia novan’Andriamanitra fo, ary tanteraka taminy androtrizay ihany ireo zavatra rehetra voalazan’i Samoela. 10Koa rehefa tonga tany Gibehà i Saoly sy ny mpanompony, dia indreo andiana mpaminany nifanena taminy; dia nilatsahan’ny Fanahin’Andriamanitra i Saoly, ary niara-naminany tamin’izy ireo. 11Ary izay rehetra efa nahalala azy hatramin’izay, raha nahita azy tsindrian-daona miaraka amin’ny mpaminany, dia nifampanontany hoe: «Fa inona no nanjò ity zanakalahin’i Kisy? Lasa mpaminany koa angaha i Saoly#10.11 Jereo 19.23-24.?» 12Dia hoy koa ny iray tamin’izy ireo: «Fa mba iza no rain’ireto mpaminany hafa ireto#10.12 Tsy mazava avy hatrany ny hevitr’ilay fanontaniana. Mety milaza hagagàna eo am-pahitana fa toa tsy misy filoha izany andiana-mpaminany izany na mety fisokajiana ireo ho ambany laharana satria tsy fantatra izay mpitarika azy. Kanefa dia gaga ny olona mahita an’i Saoly eo anivon’ireo mpaminany ireo.?» Izany no nahatonga ilay ohabolana hoe: «Mba tonga anisan’ny mpaminany koa ve i Saoly?»
13Rehefa tony tsy naminany intsony i Saoly, dia nankeo amin’ny toeram-panasinana. 14Ary hoy ny rahalahin-drainy taminy:
–Fa taiza ianao sy ny mpanomponao?
Dia hoy ny navaliny hoe:
–Nitady ny borikivavy izahay, nefa tsy nahita, ka dia nankany amin’i Samoela.
15Ary hoy ilay dadatoany hoe:
–Tantarao amiko àry izay nambaran’i Samoela anareo.
16Ka hoy i Saoly taminy:
–Nambarany taminay fotsiny fa efa hita indray ireo borikivavy.
Voatendry ho mpanjaka tamin’ny antsapaka i Saoly
17Nampiantso ny vahoaka israelita hankeo anatrehan’ny TOMPO any Mitsepà#10.17 Mitsepà: jereo 7.5 sy nta. i Samoela, 18ka nanao tamin’izy ireo hoe:
–Izao no lazain’ny TOMPO Andriamanitr’i Israely: «Izaho no nampiakatra anareo Israelita hiala avy tany Ejipta; Izaho no namonjy anareo tamin’ny vahoakan’ny Ejiptianina sy ny fanjakana rehetra izay namoritra anareo.» 19Fa ankehitriny kosa ianareo dia efa nandà ny Andriamanitrareo Izay namonjy anareo tamin’ny andro mahory sy fijaliana rehetra, ka hoy ianareo taminy: «Omeo mpanjaka izahay#10.19 ianareo dia efa nandà ny Andriamanitrareo: fampahatsiahivana ny 8.7.!» Noho izany, dia mankanesa ianareo eo anatrehan’ny TOMPO araka ny fokonareo sy fianakavianareo avy.
20Nasain’i Samoela nandroso tsirairay ny fokon’i Israely, ka ny fokon’i Benjamîna no voatendrin’ny antsapaka. 21Dia nampanatoniny isam-pianakaviana ny fokon’i Benjamîna, ka ny fianakavian’i Matrỳ no voatendrin’ny antsapaka. Ary farany, tamin’io fianakaviana io dia i Saoly zanakalahin’i Kisy no voatendrin’ny antsapaka. Rehefa izany, dia nitady azy ny olona nefa tsy nahita azy mihitsy. 22Dia nanontanian’ny olona indray ny TOMPO hoe:
–Mba efa tonga teto ve iny lehilahy iny?
Ka novalian’ny TOMPO hoe:
–Eny, andeha jereo ao amin’ny entana fa ao izy no miafina.
23Dia nilomay naka azy tao ny olona, ary niseho tamin’izay izy sady nitsangana teo afovoan’ny vahoaka, ka nanatombo halavana amin’ny olon-drehetra.
24Ary hoy i Samoela tamin’ny vahoaka rehetra:
–Indro ilay nofidin’ny TOMPO; jereo fa tsy misy tahaka azy amin’ny vahoaka rehetra.
Dia nihoby azy ny olon-drehetra, ka nihiaka mafy hoe: «Ho ela velona anie ny mpanjaka!» 25Ary nohazavain’i Samoela tamin’ny vahoaka ny zo aman’andraikitry ny mpanjaka#10.25 Ampit Deot 17.14-20., ary nosoratany tamina boky izany ka napetrany teo anatrehan’ny TOMPO tao amin’ny Toeramasina. Farany dia nasain’i Samoela nody any an-tranony avy ny vahoaka rehetra. 26I Saoly koa mba nody tany aminy any Gibehà, niaraka tamin’ireo vatan-dehilahy izay nentanin’Andriamanitra ho mpomba azy. 27Fa nisy kosa ireo olona ratsy fanahy izay nanao hoe: «Ahoana tsara? Io ve no mba hamonjy antsika?» Notebahin’ireo i Saoly ary tsy nitondrany fanomezana. Nefa tsy noraharahain’i Saoly akory izany.
Currently Selected:
1 Samoela 10: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
