Ai Vola I Isaia, na Parofita 46
46
Sa vakabobulataki na kedrau matakau na kalou ni Papiloni, 1, 2. Sa vakabulai ira tiko na nona tamata na Kalou, 3, 4. Sa ka vakalialia sara na matakau, a sa kaukauwa ka vuku sara na Kalou, 5-13.
1SA cuva sobu ko Peli, sa vakaroko ko Nipo; a kedrau matakau sa no e na daku ni manumanu, kei na daku ni karavau; sa vakavodoki tu na nomudoui kaukau, nai colacola bibi ki na manumanu sa oca. 2Erau sa vakaroko, erau sa cuva sobu vata; erau sa sega ni Vakabula rawa nai colacola bibi, a rau sa vakabobulataki lako koi rau.
3Dou vakarorogo mai vei au, na mataqali i Jekope, kei kemudou kece na vo ni mataqali nei Isireli; e kemudou sa keveti voli mai na kete, ka roqoti voli mai na sucu: 4ia kaʼu sai koyakoya tikoga ka yacova na gauna dou na qase kina; kaʼu na keveti kemudou mo dou sa sika mada ga: kaʼu a cakava, ia kaʼu na ia tikoga na veikeveti, kei na veiroqoti, kei na veivakabulai.
5Dou na vakatautauvatataki au, ka vakarauvatani au, ka vakatauvatani au kei cei, me keirau tautauvata? 6Era sa sova loa na koula mai na taga, ka vakarauta na siliva e nai vakatovotovo; era sa volia e dua na matai ni koula, a sa cakava me kalou: era sa cuva sobu, io, era sa sorova: 7efa sa laveta ki domodra, era sa colata voli; era sa viritura e na kenai tutu, a sa tu ga; ena sega ni lako tani mai na kenai tutu: io, e dua sa kacivi koya, ka sa sega ni rogo mai; se vakabulai koya mai na nona rarawa.
8Dou vakananuma na ka o qo, kai valavala vakatagane; dou vakasara ki na lomamudou, oi kemudou na dauvuki tani. 9Dou vakananuma na ka makawa eliu: ni sai au na Kalou, ka sa sega e dua tale: sai au na Kalou, ka sa sega e dua me keirau tautauvata kaya, 10kaʼu sa dautukuna na kenai vakataotioti mai na kenai vakatekivu, ia mai na gauna eliu na ka sa sega ni caka; kaʼu a kaya, Na noqu lewa ena tu ga; ia na ka kece kaʼu sa vinakata kaʼu na cakava ga: 11kaʼu sa kaciva na ikeli mai na tu i cake, ia mai na vanua vakayawa na tamata kaʼu sa lesia: kaʼu sa cavuta, kaʼu na vakayacora talega: kaʼu sa bukia, kaʼu na cakava talega.
12Dou vakarorogo vei au, oi kemudou sa yalokaukauwa, ka veiyawaki kei na cakacaka dodonu: 13au sa kauta voleka mai na noqu cakacaka dodonu, ena sega ni yawa; kei na veivakabulai kaʼu sa ia, ena sega ni berabera; ia kaʼu na tauca na bula mai Saioni vei ira na Isireli na noqui ukuuku.
Currently Selected:
Ai Vola I Isaia, na Parofita 46: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
