Š. Matéu 28
28
Krie XXVIII.
1E te štûn mbrema, mbe te díjeturit e se pares dit e javes, erθ Maríeja Maddalena, e jatra Maríe, te šíχien varrin.
2E njô kje nje terremót i maθ. Pse nj’ ẽngjel i Tinzoti kalartur ka kjíela, si u‐kjas prúar gurin ka dera, e u‐ulje mbi até:
3E iš fákjia e tîje si škeptîm, e e véšura e tîje e bârδ si bôr.
4E per trẽmbsîn tše pátetin ka aí u‐droθtin atá tše e rúajen, e u‐bẽ̂n si te vdekur.
5E pergjegjur ẽ́ngjeli i θa grâvet: Mos trẽ́mbeni ju: pse dî se kerkoni Džesúin, tše kje vẽn mbe krikje:
6 Ẽng ê ktu: pse u‐ngre, si e θa: Ngani, šiχni vendin, tek iš vẽn Zoti.
7E mbiátu vatur θoni δišípuljevet e tîje se u‐ngre ka te vdékurit: e njô ešt e vete perpara juš Galilê: atié e šiχni. Njô ju e θaš.
8E nisur mbiátu ka varri me trẽmbsî, e χarê te maδe, rrankartin te ja rrefíejen δišípuljevet tîje.
9E si vejen te ja rrefíejen δišípuljevet tîje, njô Džesúi i dúal perpara, tue θẽn: Ju faljem. E ató kjasur, i rrembíen kẽmbet e tîje, e e aδorartin.
10Aχíerθin θa atire Džesúi: Mos trẽ́mbeni. Étseni, θoni vlézervet tim te vên Galilê, e atié me šoχen.
11E si vejen ató, njô tsa te guárdies arδur te χora, rrefíejetin kréravet e príftravet gjiθ ató tše kjên.
12E po tše u‐mbióθtin bašk me piékjete, mârr kundzilje, δân te regjẽnda mburúame suljdetvet,
13Tue θẽn: θoni se δišípuljit e tîje arδur naten, e kalúan, si na fiéjem.
14E nde u‐dzefte kî šurbés ka krei vendit, na i mbiónjemi trût, e bẽ́njemi ju te mos kini gjê.
15E atá, mârr te regjẽndat, bẽ̂n si kišen kjẽn te mesúar. E kejó fiâlje u‐špriš nder Juδît, njera sot.
16E te njembeδiét δišípuljit vân Galilê te malji, ku Džesúi kiš kumandúar atire.
17E pâr até e aδorartin: po ditsá e kišen e s’ e kišen bes.
18E kjasur Džesúi i folji atire, tue θẽn: Me kje δẽn mua gjiθ putiri nde kjíel e mbi δê.
19Andái vatur ju mesoni gjiθ gjindet: tue pakzúar nd’ émerit te Jatit, e te Birit, e te Špirtit šéit:
20Tue mesúar ató te rúanjen gjiθ sâ ju kumandova: e eši ú jam me ju gjiθ diten e dítese, njera nde te fernúarit e jetes. Aštú kjofte.
Currently Selected:
Š. Matéu 28: AAE1869
Highlight
Share
Copy
Want to have your highlights saved across all your devices? Sign up or sign in
Përktheu nga greqishtja 1869.
