Š. Matéu 25
25
Krie XXV.
1Aχíerθin gjitet rregjería e kjíelvet δiét vírgjerave: tše mârr χiljneret e tire dúaltin perpara δẽ́nderrit.
2E pes nder to išen te špéita, e pes ndrola:
3E ndrolat, mârr χiljneret e tire, ẽng múartin valje bašk me to:
4Te špéitat pra múartin valje te rrogjêt e tire bašk me χeljneret e tire.
5E si δẽ́nderri menói, u‐kjelúan te gjiθta e fiéjen.
6E nde mes nátese kje nje θírreme: Njô vién δẽ́nderri, díljni perpara atîje.
7Aχíerna u‐ngrên gjiθ ató vírgjera, e dertúan χeljneret e tire.
8E ndrolat θân te špéitravet: Ẽna neve ka váljete tâje: se χeljneret tân jân e šuχen.
9U‐pergjégjetin te špéitat, tue θẽn: Jo, mos ẽng errefte neve e juve, étseni mê špéit tek atá tše e šesen, e biénie per ju.
10E si ató vejen te biéjen, errû δẽ́nderri: e ató tše ndóδešin te ndrékjura, χíjetin me té te dársemet, e u‐mbulî dera.
11E vĩnjen pestana eδé te tiérat vírgjera, tue θẽn: Zot, Zot, χape neve.
12E aí pergjegjur θa: Per vertét ju θom, nẽng ju njoχ.
13Mandái rrini sgjúar, se nẽng dini diten, ne χeren, tše vién i Biri njeríut.
14Pse si njeríu tše niset largu δeut, θerriti šerbetoret e tîje, e i lja nder dúar petkat e tîje.
15E njerit i δa pes talente, e jetrit di, e jetrit nje, nganjéje si fukjía e tîje, e u‐nis mbiátu.
16E vatur aí tše kiš pes talente, šerbéu me atá, e beri njeter pes talente.
17Keštú eδé aí tše pat di, e gavenjéi njeter di.
18Aí prana tše pat nje, vatur beri nje grop te δeu, e fšeχu regjẽndet e te zotit tîje.
19E pas šûm mot vién i zoti atire šerbetóreve, e χeljkje kundin me atá.
20E kjasur aí tše múar pes talentet, i vû perpara te tiéret pes, tue θẽn: Zot, ti me δê pes talente; šiχ, ú gavenjeva njeter pes talente mbi atá.
21E i θa i zoti tîje: Mîr bere, šerbetúar i mîr e i besem, mbi te pákete kjeve i besem, ú te vê mbi te šumat: χîr te χaréa zotit tẽnte.
22E kjasur eδé aí tše múar di talente, θa: Zot, di talente me δê; šiχ, njeter di talente ú gavenjeva mbi atá.
23I θa atîje i zoti tîje: Mîr bere, šerbetúare i mîr e i besem, mbi te pákete kjeve i besem, ú te vê mbi te šúmat: χîr te χaréa zotit tẽnte.
24E kjasur eδé aí tše pat nje talente, θa: Zot, te dija se jê njerî i nguret, tše kúaren tek se mbole, e mbiéθ tek se špriše:
25E se u‐trẽmba, vatur fšeχa talentin tẽnte te bota: šiχ, kê tẽndin.
26E pergjegjur i zoti atîje, i θa: Šerbetúar i ljik, e i varesur, dije se ú kúarenje tek se mbola, e mbiéθ tek se špriša?
27Duχej andái te ljeje ti regjẽndin tim atire tše nderronjen turrés, e arδur ú kiša mârr timin me nderés.
28Ndzirni andái talentin ketîje, e jípenia atîje, tše kâ δiét talentet.
29Pse atîje tše kâ i jipet, e i mburonet: po atîje, tše se kâ, eδé até tše kâ, i mirret.
30E šerbetúarin tše se veljén štínie nde t’ érretit te jašem: atié kâ te jêt te kjâr, e ngersima δẽmbeš.
31Kûr prana te vĩnje i Biri njeríut nde δokse te tîje, e gjiθ šéitrat ẽ́ngjelj me té, aχíera uljet mbi θronin e δokses tîje:
32E mbjiδen perpara atîje gjiθ gjindet, e ndân atá njeri ka jetri, si pekurari ndân deljet kâ katsíkjete:
33E vê deljet kâ e diáθta e tîje, e katsíkjete kâ e mandžinta.
34Aχíerna rregji θot atire, ka ana e diáθte: Ngani, ju te bekúamit e Tátese tim, trašigoni rregjerîn dertúar juve tše kûr u‐bê jeta.
35Se pata û, e me δât te χaja: pata et, e me δât te pîja: iša i χúaje, e me mbióθtit:
36I džešur, e me veštit: u‐semurta, e érθetit e me pât: iša nde filjakjî, e érθetit tek ú.
37Aχíerθin i pergjégjen te dréitit, tue θẽn: Zot, kûr te pâm me û, e te δâm te χaje: o me et, e te δâm te pije?
38E kûr te pâm te χúaje, e te mbióθtim: o džešur, e te veštim?
39E kûr te pâm semûr: o nde filjakjî, e érθetim tek ti?
40E pergjegjur rregji, θot atire: Per vertét ju θom, sâ χêr ja bête njei nder kta vlézerit e mî te vígjeljit, e bête mua.
41Aχíerna θot eδé atire te ana e mandžinte: Ikni ka ú, ju tše jini te malkúar, te ziárri pâ‐fernúam, i dertúar per diálin, e ẽ́ngjeljit e tîje.
42Se pata û, e nẽng me δât te χaja: pata et, e nẽng me δât te pîja:
43Iša i χúaje, e nẽng me mbióδetit: džešur, e nẽng me veštit: semûr, e nde filjakjî, e nẽng érθetit te me šíχejet.
44Aχíerna i pergjegjen eδé atá, tue θẽn: Zot, kûr te pâm me û, o me et, o te χúaje, o te džešur, o te semûr, o nde filjakjî, e nẽng te šurbíem?
45Aχíera i pergjegjet atire, tue θẽn: Per vertét ju θom: Sâ χêr nẽng ja bête njei nder kta te vígjeljit, eδé mua nẽng me bête.
46E kta vên nde te pesúarit pa‐fernúam: te dréitit pra nde gjelet pâ‐fernúam.
Currently Selected:
Š. Matéu 25: AAE1869
Highlight
Share
Copy
Want to have your highlights saved across all your devices? Sign up or sign in
Përktheu nga greqishtja 1869.
Free Reading Plans and Devotionals related to Š. Matéu 25
The Way of Suffering: A Journey to Easter
The Gospels in 30
Rediscovering the Christmas Season
