Cantares 8
8
1Ti bats'i jchi'iluc jbatic ta voq'uele, ti co'oluc lijchu'un ta xchu' jme'e,
c'alal ta jnupot ta xoraltique, xu' ta jmey ta jts'uts'ot;
mu'yuc boch'o xu' chislabanun ti jechuque.
2Xu' chaquic'ot batel ta sna jme'; te ta xcac' ochan,
jech te chavalbun c'usi ta jpastic.
Chacac'bot avuch' li lequil ya'lel ts'usube
xchi'uc li ya'lel jcaranatoe.
3Ta ats'etc'obe ja' chaq'uechbun o jol;
ta abats'ic'obe ja' chameyun o.
4Tsebetic ta Jerusalén, albicun ta jamal
me mu xatuch'bicun ta be c'alal ta jc'opan jba jchi'uc li jc'upil vinique,
ja' to me jech la sc'an stuque.#Cnt 2.7; 3.5.
Svaccojal q'ueoj
Tsebetic
5¿Boch'o ti le' xtal ta xocol banamil
ti xpech'anoj tal sjol ta snecub sc'upil vinique?
Vinic
Ta yolon jpets mantsano la jtijbot avayel,
vo'ot ti laj ya'ay svocol avu'un li ame'e,
ti lavoc' la'ayin yu'une.
Ants
6Te me comcun o ta avo'nton;
te me oyuc o jsenyail ta ac'ob chava'ay.
Mu stac' pajesel chca'ay ti chajc'anote jech chac c'u cha'al mu stac' pajesel me sta yorail chijchame.
Yu'un jc'anojot o ta jyalel, mu stac' jsutes co'nton jech chac c'u cha'al muquinal ti mu xa xisutesutic tale;
ja' jech stsatsal chca'ay jech chac c'u cha'al tsanal ac'al ti mu xtube.
7Li epal vo' ta nabe mu xu' yu'un tstu'p ta co'nton ti chajc'anote;
li uc'umetique mu xu' yu'unic spajesel.
Me oy boch'o tsc'an ta xac' scotol c'usitic oy yu'un ta sventa tsman li c'anel oy cu'un ta atojole,
ja' no'ox chich' labanel.
Tsebetic
8Li jun cunin muctique biq'uit to, mu'yuc to xchu'.
¿C'usi ta jpastic c'alal yorail chich' q'uelel ta vinique?
9Ti ja'uc coraltone
jnacantic chib q'uelub osil ti pasbil ta saquil taq'uine;
ti ja'uc ti'nae,
jpixtic lec ta ch'ut te' ti jechuque.
Ants
10Vu'un coraltonun, li jchu'e ja' jech chac c'u cha'al q'uelub osiletic;
li jc'upil vinique toj jun yo'nton ti c'alal chiyilune.
11Li Salomone oy ts'usubtic yu'un ta Baal-hamón;
pero laj yac'anan ta yan.
Li jujunique tsc'an chich'ic tal jmil (1,000) ta sep saquil taq'uin ta sventa stojol li sate.
12Li vu'une ta jventain jtuc li ts'usub cu'une.
Li jmil (1,000) ta sep saquil taq'uine ja' avu'un, vo'ot Salomón;
chib ciento (200) ta sep xu' chich'ic li jchabits'usubetique.
Vinic
13Vo'ot ti te nacalot ta ts'unubaltic
achi'uc li tsebetique,
c'opojan tal ca'tic,
tsc'an cha'yic li jchi'iltaque.
Ants
14Jc'anbil vinic, tsotsan me,
anilajan tal jech chac c'u cha'al vaxacq'uelum,
jech chac c'u cha'al yol me' te'tical chij
te ta vitsetic ti bu chloc' tal c'usitic muic yiq'ue.
Currently Selected:
Cantares 8: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.