Cantares 7
7
Vinic
1Toj c'upil sba c'otemic avacan yu'un li axonobe, stseb ajvalil;
li sca'ca'il sjol acube xco'laj xchi'uc c'usi lec loc'tabil ta c'anal taq'uin ti spasoj boch'o lec chanem ta spasele.
2Li amixaq'ue ja' jech chac c'u cha'al bis ti oy sbele;
Li xchucbenal ach'ute ja' jech chac c'u cha'al jchuc trigo ti joybil ta lirio nichime.
3Li xchibal achu'e xco'laj xchi'uc loin;
ja' jech chac c'u cha'al sloin-ol te'tical me' chij.#Cnt 4.5.
4Li anuq'ue ja' jech chac c'u cha'al q'uelub osil pasbil ta sts'uts'up tsemen;
li asate ja' jech chac c'u cha'al stanqueal vo' ta Hesbón te ta nopol ti'coralton Bat-rabim;
li ani'e ja' jech chac c'u cha'al q'uelub osil ta Líbano ti lec sq'ueloj batel lum Damascoe.
5Li ajole lec tuc' va'al jech chac c'u cha'al vits Carmelo;
li stsotsil ajole lec q'uiil, xco'laj xchi'uc yax x'elan c'u'il.
Li ajvalile lo'labil yo'nton yu'un.
6Toj ven c'ac'al tsebot, toj ven alac' aba cunin elub;
spajebal xa no'ox jech alequil.
7Ti c'u x'elan va'alote ja' jech chac c'u cha'al teq'uel jpets xan;
li achu'e ja' jech chac c'u chal jchoj sat xan.
8Jech laj cal: “Ta ximuy ta xan ta xcu'uninbe li sate”, xichi.
Li achu'e ac'o c'otuc jech chac c'u cha'al jujuchoj sat ts'usub;
li yic' avee ja' jech chac c'u cha'al smuil yic' mantsano.
9Li ya'lel avee ja' jech chac c'u cha'al lequil ya'lel ts'usub
chbelij yalel ta sti' ave,
ach'emic yu'un li stanal avee.
Ants
10Yu'unun xa li jc'upil vinique,
vu'un no'ox li' oy yo'nton ta jtojol.
11La' me jc'upil vinic, batic ta paxal;
te xijvayutic ta tsobtsobnaetic.
12Ta sob yoc'omal xijbat ta ts'usubtic;
te chquiltic me chch'ian xa tal li ts'usube,
xchi'uc me ta xa xnichinan li caranatoetique,
jech te xa chcac' jba o ta ac'ob.
13Li sat mandrágora te'etique ta xloc' smuil;
oy xa ep ta chop sat te'etic te ta ti'na ti toj chi'ic ta lo'ele.
Oy vo'one xa la jtsob, oy ach' to la jtsob li sat te'etic ti jq'uejojbot alo'e, jc'upil vinic.
Currently Selected:
Cantares 7: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.