Cantares 6
6
Tsebetic
1¿Bu ibat li ac'upil vinic, vo'ot ti atuc no'ox c'ac'al tsebot ta scotol yantic antsetique?
¿Bu xloc' x'ech' batel xana', yu'un jech xu' chbat jchi'in jbatic ta st'unel?
Ants
2Li jc'upil vinique li' talem ta ts'unubaltic yu'un, ja' li ts'unubaltic yu'un ti toj lec mu yiq'ue,
tal yac' ve'uc xchijtac, xchi'uc tal xtuch' lirio nichim.
3Yu'unun xa li jc'upil vinique, xchi'uc ja' xa cu'un ec;
ja' te chac' ve'uc xchijtac ta o'lol lirio nichimaltic.#Cnt 2.16.
Yo'cojal q'ueoj
Vinic
4Cunin elub tseb, toj c'upil aba jech chac c'u cha'al lum Tirsa;#1 R 15.21.
toj c'upil aba jech chac c'u cha'al lum Jerusalén.
Chch'ay co'nton avu'un jech chac c'u cha'al soldadoetic ti c'alal lec jmoj chchan yacanique.
5Mu xa xaq'uelun, yu'un laj xa slo'laun li asate.
Li stsotsil ajole xco'laj xchi'uc me'tentsunetic
ti lec jmoj stsaletic yalel tal ta vitsetic te ta Galaade.
6Li stanal avee ja' jech chac c'u cha'al saquil chijetic
ti ja' to ilaj tal yo'ntonic ta atimole,
ti lec jmoj ta chab-chab chanovique,#Cnt 4.1-2.
ti mu jcotuc chanov stuque.
7Li xocon asate ja' jech chac c'u cha'al javbil caranato
ti macal ta aveloe.
8Ac'o me oy oxvinic (60) me' ajvaliletic cu'un, ac'o me oy chanvinic (80) yantic antsetic cu'un,
xchi'uc ac'o me mu xlaj ta atel li yantic tsebetique,
9pero jun no'ox li cunin tsebal stsumute, li cunin tuq'uil tsebe;
c'ajumal jun ivoq'uesat yu'un li sme'e, lec c'anbil yu'un li boch'o i'ayintasat yu'une.
C'alal laj yilic li tsebetique, laj yalic ti staoj lec bendicione;
li me' ajvaliletic xchi'uc yantic antsetique lec laj yalbeic sc'oplal.
Tsebetic
10Boch'o le'e ti xco'laj xchi'uc yibel vinajel c'alal chacpojan xae,
ti lec c'upil sba jech chac c'u cha'al u,#6.10 U - Oy boch'o chalic jme'tic. ti xojoban no'ox jech chac c'u cha'al c'ac'ale,#6.10 C'ac'ale - Oy boch'o chalic jtotique.
xchi'uc ti chch'ay co'ntontic yu'un jech chac c'u cha'al soldadoetic ti c'alal lec jmoj chchan yacanique.#Cnt 6.4.
Ants
11Te libat ta nogaltic,#6.11 Nogaltic - Ja' ts'unbil te'etic ti lec ta c'uxbel sbeq'ue.
bat jq'uel c'usitic lec ch'iem te ta stenlejaltic;
bat jq'uel me ta xch'ian tal ts'usubetic,
xchi'uc me ta xa xnichinan caranatoetic.
12Ta jliquel muc xca'ay c'uxi ic'ot ta pasel, ja' to ca'ay ti te xa'ox tiq'uilun ta scareta jchi'uc li ajvalil cu'une.
Tsebetic
13Sutan tal, sulam ants, sutan tal;
sutan tal, sutan tal, yu'un ta jc'an ta jq'uelotcutic.
Ants
¿C'u yu'un ti chac'an chaq'uelic li sulam ants
ti te ch-ac'otaj ta carpanaetique?
Currently Selected:
Cantares 6: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
