Salmos 149
149
Taq'uiel ta sventa ac'o sq'uejintabeic slequilal Muc'ul Dios li israeletique
1Quich'tic ta muc' li Diose.
Q'uejintaic ta ach' q'ueoj li Muc'ul Diose;
ac'o yich' q'uejintabel slequilal te yo' bu tsobol li yu'untaque.
2Israeletic, cuxetuc avo'ntonic ta stojol li Boch'o la spasoxuque;
jnaclumetic ta Sión, cuxetuc avo'ntonic yu'un li Ajvalil avu'unique.
3Q'uejintabeic sbi ta ac'ot;
q'uejintaic ta arpa xchi'uc ta vobetic.
4Yu'un li Muc'ul Diose toj xcuxet yo'nton ta stojol li steclumale;
li boch'otic biq'uit ch-ilatique chac' ta ich'el ta muc' yu'un chac'be stsal li yajcontrae.
5Vo'oxuc li steclumaloxuque, cuxetuc no'ox avo'ntonic ta sventa ti apasojic canale;
cuxetuc no'ox avo'nton q'uejinanic, ac'o me mocholoxuc ta avayabic.
6Albeic slequilal Dios ta aveic;
toyo ta ac'obic li avespadaic ti lec cha'jot yee.
7Yu'un jech ac'o yich'beic spacol li yantic banamiletique
jech ac'o stoj smulic li lumetique.
8Jech xu' avu'un chachuquic ta tsatsal taq'uin li ajvaliletic yu'unique,
jech xu' chachuquic lec ta tsatsal cadena li jpasmantaletic yu'unique.
9Jech xu' chc'ot ta pasel chich'ic li stojol mulil yaloj Diose.
Le'e ja' sventa chich' ich'el ta muc' li yu'untaque.
Ich'biluc ta muc' li Diose.
Currently Selected:
Salmos 149: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
