Salmos 144
144
Li Davide la stojbe ta vocol Dios ti c'alal icoltaate
Q'ueoj yu'un David.
1Ich'biluc ta muc' li Muc'ul Dios ti ja' jech chac c'u cha'al muc'ta ton c'otem cu'une;
ja' la xchanubtasbun lec jc'ob, la sbijubtasun lec sventa pleito.
2Ja' jc'uxubinvanej cu'un, ja' jnac'ubbail c'otem;
ja' jtsatsal c'otem, ja' jcoltavanej cu'un;
ja' jnac'ubbail c'otem, ja' jpatoj o co'nton ta stojol;
ja' laj yac'bun ta jc'ob li lumetique.
3Muc'ul Dios, ¿c'usi stu li cristianoetic ti chana'ilane?
¿C'usi stu li yalab xnich'nab cristiano ti tsots sc'oplal ta avo'ntone?#Job 7.17-18; Sal 8.4.
4Li cristianoetique ja' jechic jech chac c'u cha'al ic';
li yorailique ja' jech chac c'u cha'al yaxinaltic ti chjelov no'ox batele.
5Muc'ul Dios, jamo li vinajel avu'une, yalan tal;#2 S 22.8-17; Sal 18.7-16.
pico li vitsetique, ac'o loc'uc xch'ayilal.
6Taco tal li sacsevuletique, ac'o jatovicuc batel li avajcontrae;
t'ileso batel li flechaetic avu'une jech tsalbil ac'o comicuc.
7Ac'o yalel tal ac'ob te ta vinajel;
coltaun, loq'uesun ti li' ts'ajalun ta natil nabe;
loq'uesun ta sc'ob li yanlum cristianoetique.
8Yu'un mu'yuc stu li c'usi chloc' ta yeique;
tstoy sbats'ic'obic ta stojol Dios ta yalel li epalc'ope.
9Dios cu'un, ta jq'uejinta ach' q'ueoj ta aventa;
ta jq'uejinta q'ueojetic ta arpa.
10Yu'un vo'ot chavac' ti ac'o tsalvanuc li ajvaliletique;
vo'ot laj acoltaun ta milel ta espada, vu'un li avajtunelune.#Sal 18.50.
11Coltaun me, loq'uesun me ta sc'ob li yanlum cristianoetique,
yu'un puru nopbil li c'usi chloc' ta yeique;
tstoy sbats'ic'obic ta stojol Dios ta yalel li epalc'ope.
12Li jqueremcutique ac'o ch'iicuc jech chac c'u cha'al
nichimetic ti toj c'upilic sba chch'ie;
li tsebetic cu'uncutique ac'o jechicuc jech chac c'u cha'al
yoyal ch'ulna ti toj lequique ti ja' te yich'oj o lec yip li ch'ulnae.
13Li snail jtrigocutique ac'o nojuc ta sventa ep ta chop ve'liletic;
li jchijcutique ac'o epajuc, ac'o boluc;
ac'o snojesic scotol li stenlejaltique.
14Li sme' jvacaxcutique ac'o ayinuc lec yolic;
ac'o mu'yucuc j'elec', ac'o mu'yucuc boch'o tsloq'ues batel;
ac'o mu'yucuc boch'o ch-avan ta xi'el ta xoraltic cu'uncutic.#Lv 26.3-6.
15Xcuxet no'ox yo'ntonic li jun ta lum ti staojic xa jech chac le'e;
xcuxet no'ox yo'ntonic li jun ta lum ti ja' Dios yu'unic li Muc'ul Diose.#Sal 33.12.
Currently Selected:
Salmos 144: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
