Salmos 143
143
La sc'an coltael ta stojol Dios li Davide
Q'ueoj yu'un David
1Muc'ul Dios, a'ibun li jc'ope;
tuc'ulanbun li ca'yeje.
Tac'bun me li jc'ope yu'un vo'ot tuc' avo'nton;
mu xana' xajel avo'nton.
2Mu me xachapanun, vu'un li avajtunelune,
yu'un me junuc cristiano mu'yuc boch'o tuc' yo'nton ta atojol.#Ro 3.20; Gá 2.16.
3Chisnutsicun li cajcontrataque,
tsc'an chisyalesicun o ta lum;
tsc'anic ti ac'o naclicun ta ic'al osil
jech chac c'u cha'al animaetique.
4Chilaj xa ta at-o'nton chca'ay;
xlaj xtu'p xa li co'ntone.
5Ta to jna' ti c'u xi'elan ta vo'onee;
ta jnopilan scotol c'u x'elan li avabtel apasoje.
6Ta jbech jc'ob ta atojol;
taquin co'nton ta atojol jech chac c'u cha'al banamil ti toj taquine.#Sal 42.1-2; 63.1.
7Muc'ul Dios, tac'bun ta ora no'ox li jc'ope,
yu'un ch-alub xa li co'ntone.
Mu me xanac' asat ta jtojol;
mu me xic'ot jech chac c'u cha'al li boch'otic chich'ic xa muquele.
8Ac'bun ca'ay ta jujun sob c'u x'elan li c'uxubinel avu'une,
yu'un jpatoj co'nton o ta atojol;
ac'bun jna' lec bu beal xu' chixanov batel,
yu'un cac'oj o co'nton ta atojol.
9Muc'ul Dios, coltaun me ta sventa li cajcontrataque,
yu'un vo'ot no'ox ta atojol ta jsa' li coltaele.
10Chanubtasun ta spasel li c'usi tsc'an avo'ntone,
yu'un vo'ot Diosot cu'un;
ja' ac'o yic'un batel ta tuq'uil be li lequil jtojobtasel avu'une.
11Muc'ul Dios, vo'ot no'ox ta aventa ac'o cuxuc lec banamil chca'ay;
loq'uesun ta sventa li jvocole, yu'un toj tuc' avo'nton.
12Lajesbun sc'oplal li cajcontrataque, yu'un toj ep c'uxubinel avu'un;
tsalbun scotol li boch'otic xti'et yo'ntonic ta jtojole, yu'un vu'un avajtunelun.
Currently Selected:
Salmos 143: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
