Salmos 142
142
Ja' no'ox la xch'un ti chcoltaat yu'un Dios c'alal oy svocol li Davide
Q'ueoj yu'un David. Ja' jech la sc'opan Dios ti c'alal ja'o te snac'oj sba ta nailch'ene.#1 S 22.1; 24.3.
1Xi'avet no'ox ta sc'anbel vocol li Muc'ul Diose;
xi'avet no'ox ta sc'anel li c'uxubinele.
2Ta jambe scotol li slo'il co'ntone;
ja' no'ox chcalbe c'usi jvocol
3ti c'alal mu xa xcuch cu'un.
Muc'ul Dios, vo'ot xavotquin li jbe jxanebe;
aviloj ti laj yaq'uic ch'ojon ti bu chixanove.
4Ta jq'uel sutel ta jbats'ic'ob, mu'yuc boch'o chtal sq'uelun;
mu'yuc boch'o chiscoltaun, mu'yuc boch'o oyun ta yo'nton.
5Ja' yu'un vo'ot xivocolet ta atojol, Muc'ul Dios;
chacalbot ti vo'ot jnac'ubbailote,
ti vo'ot no'ox Diosot cu'une, ti vo'ot j'ac'cuxlejalot cu'une.
6A'ibun li jc'ope yu'un mu xa xcuch chca'ay li jvocole.
Coltaun ta sventa li boch'o chisnutsune,
yu'un ja' ech'em xu' yu'un; mu xa xu' cu'un li vu'une.
7Coltaun loq'uel ti li' chuculun ta scoj vocole,
yu'un jech xu' chcal alequilal;
jech chtal set sbaic ta jtojol li boch'otic tuc' yo'ntonique,
yu'un chilic ti chac'uxubinune.
Currently Selected:
Salmos 142: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
