Salmos 138
138
La stojbeic ta vocol Dios ta sventa ti icoltaatique
Q'ueoj yu'un David.
1Ta jtojbot ta vocol ta scotol co'nton;
ta jq'uejinta alequilal ta stojol li yantic diosetique.
2Ta jquejan jba ta stuq'uil li ach'ulnae;
ta xcal alequilal ta sventa ti toj ep c'uxubinel avu'une,
xchi'uc ta sventa ti mu xana' xajelilan o atalele,
yu'un laj avac' ich'atuc ta muc' li abie xchi'uc li c'usi avaloje.
Mu'yuc c'usi yan ti jech ich'bil ta muq'ue.
3C'alal xivocolet ta atojole, laj atac'bun li jc'ope;
laj avac'bun lec stsatsal co'nton yan velta.
4Scotol li ajvaliletic ta banamile ta xalic alequilal,
yu'un cha'yic ti toj lec c'usitic avaloje.
5Ta sq'uejintaic scotol ti c'u x'elan atalele,
yu'un toj ech'em li avutsilal alequilale.
6Ac'o me toj ech'em amuc'ul, vo'ot li Muc'ul Diosote,
pero oy ta avo'nton li boch'o biq'uit ch-ilatique;
yan li jtoybaetique chaq'uel tal ta nom li c'usi tspasique.
7C'alal ta jta tsots jvocole, li vo'ote mu xavac' chamcun;
chavac' tal avu'el, jech colem chicom ta sventa li cajcontra ti ch-ilinic ta jtojole.
8Yu'un chats'acubtas scotol c'usi oy ta avo'nton sventa chacoltaun,
yu'un li vo'ote Muc'ul Dios, sbatel osil atalel chac'uxubinvan o;
mu me xaquechan li avabtel chapase.#Fil 1.6.
Currently Selected:
Salmos 138: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
