Josué 13

Ja' sc'oplal banamiletic ti muc to'ox spoj li Josuee

1C'alal mol xa'ox li Josuee, jech i'albat yu'un li Muc'ul Diose: “Li vo'ote, molot xa, ep xa ajabilal. Pero yepal to li banamil sc'an pojel avu'une. 2Ja' sc'an to pojel avu'un scotol li yosilal filistaetique xchi'uc li gesuretic 3ti te xlic ta uc'um Sihor ta stuq'uil sloq'ueb c'ac'al#13.3 C'ac'al - Oy boch'o chalic jtotic. yu'un Egiptoe, c'alal to ta sts'aquil yosilal Ecrón ta stuq'uil norte. Li banamil le'e albil sc'oplal ti ja' yosilal canaanetique. Ja' te oy li vo'ob lum ti ja' mero banquilaletic yu'un li filistaetique, ja' li Gazae, li Asdode, li Ascalone, li Gate, xchi'uc li Ecrone. Xchi'uc te to icom avu'un noxtoc li yosilal avetic 4te ta sur, xchi'uc scotol li yosilal canaanetic xlic ta lumetic yu'un sidonetique c'alal to ta Afec ta sts'aquic xchi'uc li amorretique. 5Xchi'uc comen to avu'un noxtoc li yosilal gibletique, xchi'uc scotol li osil te ta Líbano ta stuq'uil sloq'ueb c'ac'al#13.5 C'ac'al - Oy boch'o chalic jtotic. ti te xlic ta Baal-gad te ta yoc vits Hermón c'alal to ta yochebal lum Hamate. 6Scotol li boch'otic te nacajtic ta vitsetic xlic ta Líbano c'alal to ta Misrefot-maime#Jue 3.3-4. xchi'uc scotol li sidonetique, vu'un jtuc ta jnuts loq'uel ta stojol li achi'iltac ta israelale; ta xculesic o scotol. Li vo'ote, ja' xa no'ox xavoc'be yosilic scotol li achi'iltaque,#Nm 33.54. ja' ti bu xloc' ta canal tajimol yu'unique. Ja' yu'unic chcom o jech chac c'u cha'al calojbot ono'oxe. 7Scotol li banamil le'e ja' xavoc'be li balunchop achi'iltaque xchi'uc li yan o'lol jchop sts'unubal Manasese”, xut.

Sc'oplal yosilic Manasés, Rubén, xchi'uc Gad

8Yu'un li boch'otic liquemic ta Rubén, ta Gad, xchi'uc li o'lol jchop liquemic ta Manasese ja' i'ac'batic yu'un Moisés scotol li banamil te ta sloq'ueb c'ac'al#13.8 C'ac'al - Oy boch'o chalic jtotic. yu'un Jordane.#Nm 32.33; Dt 3.12. 9Ja' laj yich'ic scotol li osil xlic ta Aroer ta ti' uc'um Arnón, xchi'uc li lum te ta o'lol stenlejaltique, xchi'uc scotol li banamil ti lec lamal xbat te ta Medeba c'alal to ta Dibone. 10Laj yich'ic scotol li lumetic yu'un Sehón, ja' li ajvalil yu'un amorretic ti te to'ox nacal ta Hesbone, xchi'uc c'alal to ta sts'aquil yosilal amonetic. 11Ja' laj yich'ic noxtoc li Galaad banamile, xchi'uc li yosilal gesuretic xchi'uc maacaetique, xchi'uc scotol li banamil te ta vits Hermón xchi'uc ta Basán c'alal to ta Salcae. 12Xchi'uc ja' laj yich'ic noxtoc ti c'u smuc'ul sventainoj li ajvalil Og te ta Basane, ja' li Astarot xchi'uc Edrei ja' li scomelal sts'unubal refaetic ti la smil, la snuts loq'uel li Moisese. 13Yan li Gesur xchi'uc Maacae muc snutsic loq'uel li israeletique. Te la xchi'inic ta naclej; te xchi'uquic o ta naclej c'alal to tana.

14Li jchop liquemic ta Levie mu'yuc i'ac'bat yosilic yu'un li Moisese, yu'un li stuquique ja' yu'unic c'otem li smoton Muc'ul Dios chaq'uic israeletic jech chac c'u cha'al yaloj stuc li Muc'ul Diose.#Dt 18.1; Jos 13.33.

15Li jchop liquemic ta Rubene ja' jech yepal i'ac'bat yosilic yu'un Moisés ti c'u yepal oyic ta jujuchop sbiique. 16Li yosilalique xlic ta Aroer ta ti' uc'um Arnón, xchi'uc ta lumetic ti te oy ta o'lol stenlejaltique, xchi'uc scotol ti c'u smuc'ul stenlejal te ta Medebae. 17Xpaj c'alal to ta Hesbón xchi'uc scotol li lumetic te ta stenlejaltique, ja' li Dibón, Bamot-baal, Bet-baal-meón, 18Jahaza, Cademot, Mefaat, 19Quiriataim, Sibma, xchi'uc Zaret-sahar ti te oy ta slajeb xa vits ta soplejaltique, 20xchi'uc Bet-peor, xchi'uc ch'utch'ut vits Pisga, xchi'uc Bet-jesimot; 21ja' scotol li lumetic te ta stenlejaltique xchi'uc scotol ti bu to'ox sventainoj li Sehone, ja' li ajvalil yu'un amorretic te ta Hesbone. Yu'un li Moisese la stsal li Sehone xchi'uc li banquilaletic te ta Madián banamil ti chtunic yu'un li Sehone, ja' li Evi, Requem, Zur, Hur, xchi'uc Rebae. 22Li israeletique te capal la smilic ta espada ec li Balaam xnich'on Beore, ja' li jtuch' orae. 23Li yosilalic jchop liquemic ta Rubén ti laj yich'ic voc'bel ti jayib oyic ta jujuchop sbiique, te to xc'ot sts'aquil ta uc'um Jordán. Te capal laj yich'ic scotol li muc'tic lumetique xchi'uc li tsobtsobnaetique.

24Li jchop liquemic ta Gade i'ac'bat yosilic yu'un Moisés ti c'u yepal oyic ta jujuchop sbiique. 25Ja' laj yich'ic li Jaser, xchi'uc scotol li lumetic yu'un Galaade, xchi'uc j'o'lol yosilal li amonetique c'alal to ta lum Aroer ta stuq'uil Rabá. 26Xchi'uc laj yich'ic noxtoc li osil te xlic ta Hesbón c'alal to ta Ramat-mizpa, xchi'uc Betonim, xchi'uc noxtoc li osil te xlic ta Mahanaim c'alal to ta sts'aquil yosilal Debire. 27Xchi'uc ja' laj yich'ic scotol li stenlejaltic te ta Bet-nimra, Sucot, xchi'uc Zafón, ja' li scomelal bu to'ox sventainoj li Sehón, ajvalil ta Hesbone. Li yosilalique te xlic batel ta jot uc'um Jordán ta stuq'uil sloq'ueb c'ac'al,#13.27 C'ac'al - Oy boch'o chalic jtotic. c'alal to ta xocon sur ta Nab Cineret. 28Scotol le'e ja' yosilalic icom li boch'otic liquemic ta Gade; ja' laj yich'ic scotol li lumetic tee xchi'uc li tsobtsobnaetique. Ja' jech yepal laj yich'ic ac'bel ti c'u yepal oyic ta jujuchop sbiique.

29Jech noxtoc li o'lol jchop liquemic ta Manasese laj yich'ic ac'bel yosilic yu'un Moisés ec ti c'u yepal oyic ta jujuchop sbiique. 30Ti bu laj yich'ique, ja' ti bu to'ox sventainoj li Og, ajvalil ta Basane. Ja' laj yich'ic scotol li Basane; xlic ta Mahanaim xchi'uc li oxvinic (60) lumetic ti sventainoj lum Jaire. 31Xchi'uc ja' laj yich'beic o'lol yosilal li Galaade, xchi'uc scotol li muc'tic lumetic te ta Astarot xchi'uc ta Edrei ti sventainoj to'ox li ajvalil Og ta Basane. Scotol le'e ja' yosilalic ic'ot li j'o'lol xnich'nab Maquire, ja' li xnich'on Manasese, ja' ti c'u yepal oyic ta jujuchop sbiique.

32Scotol li banamil le'e ja' ti la svoc' Moisés c'alal te oy ta stenlejaltic yu'un Moab ta jot uc'um Jordán ta stuq'uil sloq'ueb c'ac'al#13.32 C'ac'al - Oy boch'o chalic jtotic. ta stuq'uil Jericoe. 33Yan li jchop liquemic ta Levie, mu'yuc laj yich'ic yosilic, yu'un jech ono'ox yaloj li Diose: “Li Muc'ul Dios, ja' li Dios yu'un Israele, ja' yosilic chc'ot li levietique”,#Nm 18.20; Dt 18.2. xi yaloj.

Currently Selected:

Josué 13: TZE97

Highlight

Copy