Josué 12
12
Ja' sc'oplal li ajvaliletic ti la stsal li Moisese
1Li ajvaliletic ti la stsalic li israeletic ta stuq'uil sloq'ueb c'ac'al#12.1 C'ac'al - Oy boch'o chalic jtotic. yu'un uc'um Jordane, xchi'uc ti laj yich'beic comel c'alal ta yosilalic xlic ta uc'um Arnón c'alal to ta vits Hermón, xchi'uc scotol li stenlejaltic te ta stuq'uil sloq'ueb c'ac'al yu'un uc'um Jordane, ja' jech li sbiique:
2Ja' li Sehón, ajvalil yu'un amorretic ti te to'ox nacal ta Hesbone. Ti bu to'ox c'alal sventainoje, te xlic ta Aroer ta ti' uc'um Arnón, xchi'uc ta o'lol stenlejaltic, xchi'uc ta o'lol yosilal Galaad c'alal to ta uc'um Jaboc yo' bu xlic batel yosilal amonetique. 3Xchi'uc ja' sventainoj to'ox li Arabá c'alal to ta Nab Cineret ta stuq'uil sloq'ueb c'ac'al,#12.3 C'ac'al - Oy boch'o chalic jtotic. xchi'uc c'alal to ta Nab Muerto ta stuq'uil Bet-jesimot, xchi'uc ta stuq'uil sur c'alal to ta yoc vits Pisga.
4Li yane ja' li ajvalil Og ti te to'ox nacal ta Basán xchi'uc ta Edreie, ja' li scomelal refaetique. 5Ti bu to'ox c'alal sventainoje, te xlic ta vits Hermón, ta Salca, xchi'uc ta scotol yosilal Basán c'alal to ta sts'aquil yosilal Gesur xchi'uc Maaca, xchi'uc c'alal to ta o'lol yosilal Galaad ti ja' to'ox sventainoj li Sehone, ja' li ajvalil ta Hesbone.#Nm 21.21-35; Dt 2.26—3.11.
6Scotol le'e ja' la stsal li Moisés xchi'uc israeletique. Li yosilalique ja' laj yac' comel ta c'abal li Moisese. Ja' laj yac'be comel li jchop liquemic ta Rubén, ta Gad, xchi'uc li o'lol jchop liquemic ta Manasese.#Nm 32.33; Dt 3.12.
Ja' sc'oplal ajvaliletic ti la stsal li Josee
7Li'i ja' li ajvaliletic ti la stsalic Josué xchi'uc li israeletic te ta smaleb c'ac'al#12.7 C'ac'al - Oy boch'o chalic jtotic. yu'un li uc'um Jordane. Li yosilalic ti laj yich'beic comele xlic ta Baal-gad ta stenlejaltic yu'un Líbano c'alal to ta vits Halac ti xmuy batel ta stuq'uil sure. Ja' laj yich'beic o comel scotol li yosilalique. Li Josuee ja' la svoc'be scotol li jaychop israeletique, jech j'ech'el laj yich'ic o. 8Ja' laj yich'ic scotol li toyolaltique, li stenlejaltique, xchi'uc li soplejaltic yu'un uc'um Jordane, xchi'uc li ch'utch'ut vitsetique, xchi'uc li xocol banamile, xchi'uc li Negueve. Li banamil le'e ja' to'ox yu'unic li hetetique, li amorretique, li canaanetique, li ferezetique, li hevetique, xchi'uc li jebusetique.
9Li ajvaliletic ti laj yich'ic tsalele ja' li'i: Ja' li ajvalil ta Jericoe, ta lum Hai ta nopol Betele, 10xchi'uc li ajvalil ta Jerusalén, ta Hebrón, 11ta Jarmut, ta Laquis, 12ta Eglón, ta Gezer 13ta Debir, ta Geder, 14ta Horma, ta Arad, 15ta Libna, ta Adulam, 16ta Maceda, ta Betel, 17ta Tapúa, ta Hefer, 18ta Afec, ta Sarón, 19ta Madón, ta Hazor, 20ta Simrom-merón, ta Acsaf, 21ta Taanac, ta Meguido, 22ta Cedes, ta Jocneam te ta Carmelo, 23xchi'uc ta Dor te ta Dor banamil, xchi'uc ta Goim te ta Gilgal, 24xchi'uc ajvalil ta Tirsa. Ja' buluchib xcha'vinic (31) ajvaliletic ta scotol.
Currently Selected:
Josué 12: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
