2 Samuel 20
20
La scontrain ajvalil li Sebae
1Oy jun chopol vinic liquem ta jchop yu'un Benjamín, Seba sbi; ja' xnich'on Bicri te nacal ta Gilgal. Li Sebae lic stijbe sjol li viniquetique jech laj yalbe: “Li vu'utique mu xu' ta jtic' jbatic ta stojol li David, xnich'on Isaie. Ja' lec sutcutic batel ta jnatic jujunutic”,#1 R 12.16; 2 Cr 10.16. xut.
2Jech scotol li viniquetic ta Israele la scomtsanic li ajvalile; ja' la xchi'inic batel li Seba, xnich'on Bicrie. Pero li judaetique la xchi'inic batel li ajvalile; te iliquic batel ta uc'um Jordán c'alal to ta Jerusalén.
3C'alal isut batel ta spasubmantal te ta Jerusalén li Davide, c'ot yic'an li lajuneb antsetic yu'un#2 S 16.22. ti scomtsanoj ta xchabiel li na bu tspas mantale. Laj yac'be jbej snaic, pero lec chabibilic. La sventain lec, pero mu'yuc la xchi'in sba xchi'uc. Icomic o jech chac c'u cha'al me'on antsetic; te no'ox macalic o ta na c'alal to ichamic.
4Ts'acal to li ajvalile jech laj yalbe li Amasae:
—Tacbun ta iq'uel li viniquetic ta Judae; cha'ej co'ol xatal achi'uc scotolic —xut.
5Li Amasae ibat stsob li viniquetique, pero ijalij; muc xc'otic ti c'usi ora albile. 6Li Davide jech lic yalbe li Abisaie:
—Li Sebae ja' toj ep chijyac'butic jvocoltic, ja' mu sta jech li Absalone. Ja' lec tsobo scotol li cajsoldadotaque, bat nutsic ta ora. Naca me oy bu la staic junuc lum ti lec setbil ta tsatsal coraltonetique, jech xu' chcolic o cu'untic —xut.
7Li svinictac Joab xchi'uc li ceretetic, peletetic, xchi'uc li soldadoetic ti lec tsots yo'ntonique bat xchi'inic li Abisaie. Iloq'uic batel ta Jerusalén, bat snutsic li Sebae. 8C'alal te xa oyic ta nopol jbej muc'ta ton ta Gabaone, te ital nupaticuc yu'un li Amasae. Li Joabe lec slapoj scotol li smaque, xchi'uc te xchuquinoj jun yespada xchi'uc sna. Jech ivu' yu'un ta anil la snit loq'uel. 9Li Joabe jech la sjac'be li Amasae:
—¿Me lec oyot, quits'in? —xut.
La stsacbe yisim ta sbats'ic'ob yu'un tsts'uts'.
10Pero li Amasae muc xil ti yich'oj yespada ta sc'ob li Joabe. Jech lec ipajbat ochel ta xch'ut; iloc' scotol sbiquil. Toj chamel ic'ot o; muc xa persauc laj yich' cha'milel. Ts'acal to li Joab xchi'uc yits'in Abisaie ibat snutsic batel yan velta li Seba xnich'on Bicrie. 11Oy jun svinic Joab te iva'i ta sts'el bu telel li Amasae, jech laj yal:
—Li boch'o oy ta stojol Joab xchi'uc Davide ac'o bat xchi'in li Joabe —xi.
12Li Amasae te telel ta o'lol be; te chatin li xch'ich'ale. C'alal chilic li boch'otic chjelovique, te chpajic. Li svinic Joab te va'ale laj yil ti te chpajic scotolique, ja' yu'un la sq'uej batel jutuc ta xocon be li sbec'tal Amasae; la smac ta poc'. 13C'alal q'uejbil xa batel ta xocon bee, ijelovic scotol li svinictac Joabe, bat snutsic yan velta li Seba xnich'on Bicrie.
14Li Sebae ijelov batel ta scotol yosilal li jaychop israeletique; ic'ot c'alal to ta lum Abel-bet-maaca. Scotol li yalab xnich'nab Bicrie la stsob sbaic scotolic, bat xchi'inic li Sebae. 15C'alal ic'otic ta lum Abel-bet-maaca li svinictac Joabe, laj yac' stec'ubic sventa chmuyic ta sba li coraltone; scotolic tsots i'abtejic sventa tsvuq'uesic li coraltone. 16Oy jun ants toj bij; tsots i'avan batel te ta yut lum jech laj yal:
—¡A'yo ava'yic! ¡A'yo ava'yic! Avocolicuc albeic li Joabe, ac'o taluc yu'un ta jchi'in ta lo'il —xi.
17C'alal inopaj batel li Joabe, jech laj yal li antse:
—¿Me vo'ot li Joabote? —xut.
—Vu'un —xi.
Jech laj yal li antse:
—A'ibun li ca'yeje —xut.
—Alo tal ca'tic —xi li Joabe.
18Jech lic yal li antse:
—Ta vo'onee jech chalic: “Li boch'o oy c'usi tsc'an tsna'e, ac'o bat sjac' ta Abel”, xiic. Ja' no'ox jech chchapanic o li a'yeje. 19Yu'un li jlumalcutique ja' jun lum yu'un Israel ti mu'yuc c'op, ti jun co'ntoncutic, xchi'uc ti lec ich'bil ta muq'ue. Pero li vo'ote chac'an chavules. ¿C'u yu'un chac'an chavules li c'usi oy ta sventa Muc'ul Diose? —xi.
20Itac'ov li Joabe:
—¡Le'e mu'yuc jech jnopoj! Mu'yuc ta co'nton ta xcules, ta jyavnaijes o. 21Mu'yuc jech jchapanoj. Ja' no'ox oy jun vinic liquem tal ta vits ta yosilal Efraín, Seba sbi. Yu'un ja' lic scontrain li muc'ta ajvalil Davide. Ja' no'ox ac'bun ta jc'ob li vinic le'e; xu' chiloc' batel ta alumal —xut.
Itac'ov li antse:
—Lec oy, xu' chacac'bot yalel tal li' ta coralton li sjole —xut.
22Jech ibat ta anil li antse, bat sc'opan ta sventa sbijil li yajvaltac lume. Jech lic sc'ocbeic sjol li Sebae; la sjipbeic yalel li Joabe. Li Joabe la sjupan li yoq'uese, jech iloq'uic batel ta lum scotol li svinictaque; ta jujuntal isutic batel ta snaic. Yan li Joabe tuc' ibat ta Jerusalén, bat sc'opan li ajvalile.
Sc'oplal j'abteletic yu'un David
(2 S 8.15-18; 1 Cr 18.14-17)
23Li Joabe ja' icom o ta banquilal yu'un scotol li israel soldadoetique. Jech ec li Benaía xnich'on Joiadae ja' la sventain li boch'otic chchabiic ajvalile, ja' li ceretetic xchi'uc li peletetique. 24Li Adorame ja' la sventain li abtel ti oy sujelal chich' pasele. Li Josafat xnich'on Ahilude ja' jts'ibajom yu'un li ajvalile. 25Li Sevae ja' la sts'iba li c'usitic chc'ot ta pasele. Li Sadoc xchi'uc Abiatare ja' paleetic. 26Li Ira liquem ta lum Jaire ja' pale yu'un David noxtoc.
Currently Selected:
2 Samuel 20: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.