1 Tesalonicenses 3
3
1C'alal mu xa sts'ic cu'un ana'elique, la jnopcutic ti xu' jtuc te chicomcutic ta Atenase.#Hch 17.15. 2Jech la jtac tal li quermanotic Timoteoe, ja' li yajtunel Diose, ja' li jchi'il ta xcholel Lequil A'yej ta sventa Cristoe. Yu'un ja' chtal stsatsubtasboxuc avo'ntonic, chtal scoltaoxuc sventa ac'o ach'unic lec li Cajvaltique. 3Yu'un jech mu'yuc boch'o chchibaj yo'nton avu'unic ta scoj li vocol chavich'ique. Yu'un xana'ic lec ti ic'bilutic ta sventa ac'o quich'tic vocole. 4Yu'un c'alal te to'ox oyuncutic ta atojolique, laj ono'ox calcutic ava'yic ti ta xquich'tic vocole. Xana'ic xa ti ja' melele, yu'un ic'ot xa ta pasel ta atojolic. 5Ja' yu'un li vu'une mu xa xcuch cu'un laj ca'ay, jech la jtac tal ta ora li Timoteoe, yu'un jech chca'ay c'u xa'elanic. Yu'un ta jc'an chca'ay me yoquel lec ach'unojic, yu'un naca me la xchibajesboxuc avo'ntonic li banquilal jlo'lavaneje, jech altic ch-ech' li cabtelcutic te ta atojolique.
6Pero li' ta orae isut xa tal li Timoteoe;#Hch 18.5. laj xa yalbuncutic lec ac'oplalic. Laj yalbuncutic ti lec ach'unojique, ti lec chac'anvanique, xchi'uc ti scotol c'ac'al chana'uncutique, ti chac aq'ueluncutic ava'yic ec jech chac c'u cha'al chac jq'uelot ca'icutique. 7Ja' yu'un quermanotac, lec ipat co'ntoncutic avu'unic c'alal laj ca'icutic ti oy lec xch'unojel avo'ntonique, ac'o me oy ep jvocolcutic, ac'o me abul jbacutic. 8Xicuxicutic to jal ya'yel c'alal laj ca'icutic ti staoj yav jun avo'ntonic o ta stojol Cajvaltique. 9Mu xa jna' c'u x'elan ta jtojbecutic ta vocol Dios ta aventaic ta sventa ti toj xcuxet no'ox co'ntoncutic avu'unic ta stojol li Dios cu'untique. 10Ta c'ac'al ta ac'ubal ta jc'anbecutic Dios ta scotol co'ntoncutic ti oyuc c'uxi xu' cu'un chtal jq'uelotcutique, yu'un jech xu' chajcoltaoxuc ti bu sc'an to xach'unique.
11Ja' ac'o stacuncutic tal ta atojolic stuc li Diose, ja' li Jtotique, xchi'uc li Cajvaltic Jesucristoe. 12Ac'o yepajesboxuc slequil avo'ntonic li Cajvaltique, yu'un jech talbat chac'anan abaic, xchi'uc jech xu' chac'anic scotol boch'ouc no'ox, jech chac c'u cha'al lec jc'anojotcutic li vu'uncutique. 13Jech tstsatsub lec avo'ntonic ta stojol Cajvaltic, jech mu'yuc amulic chac'otic ta stojol Jtotic Dios c'alal chtal xchi'uc scotol yu'untac li Cajvaltic Jesucristoe.
Currently Selected:
1 Tesalonicenses 3: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
