Marc 4
4
Jésus achakole bokonchi b’ikolo o cha bikoko, Adimize may m’èdiba.
1Jésus aphotaki bodikize bato mawò mboli n’èdiba dyòkò. Ebuliki a bato ekama ekokanaki ma wango, echoko wango akolaki o bwato yango, adyaki bwa o bwango, ko bato bachò batèmèki chu òkbòlòkò a ediba.
2Na wango adikizaki bango mawò makama o bikoko.
3Wango alobaki na bango bwe: ”Bokieka, mophiki akièki tonga n’iphika mboto.
4Etubaki kobona o wango aphikaki mboto. Dina mboto ikwaki mboli na manè, na banyoli bayakaki badyaki dyango.
5Dina mboto ikwaki na che yango ebèki ikolo na maboko, manyetu mabodyala makama ka, na mboto itèzèki dyolo, tonga che ebèki kiènèngè.
6O bucha botombamaki bwango bolekuzaki mboto, tonga dyango ibèki tina twa, dyango inyitaki.
7Dina mboto ikwaki o enongo a biyèmbu ba milò, na biyèmbu bitoki biyikaki mboto, kobona dyango ibobota mombuka nyò mò ka.
8Dina mboto ikwaki o che enyòngò dyango itèzèki na dyango ikataki a ibotaki mbuka, muna mako machato, muna mako machamano, muna kama.
9Na wango alobaki bwe: ”Koncha wango edi na matwe m’iwoka, awokaka mawò.”
10O wango alangwaki ma bato, bayekoli dyomu na babale na bakoncha bango balòndòki wango, bayangaki wango tonga n’èkoko yango.
11Wango alobaki na bango bwe: ”Baphèki beni bolengi b’iyeba beka ba yiche ba bokonchi b’ikolo, ko bakoncha bango badi o dindo, mawò machò machakwibe na bango o bikoko.
12Echoko bango tayènè na michò ko tadyala okònya ka yango, bango tawoka na matwe, ko bango tiyebi eyeka nyò yò, ta bango bayencha mitema tonga n’iyamba pardon.”
13Chima wango alobaki na bango bwe: ”Mo beni bodi oyeba ekoko ye ka, beni tòyeba bikoko bakbwi bichò bwe?
14Eyeka yango mophiki aphike edi mawò ma Nzambe.
15Mboto dyango iphikibaki mboli na manè ebilobiba tonga na bakoncha bango bayambaki mboto o cha mye ma bango, ko o bango bawokaki mawò, Satana aya dyolo, amiche mawò mango maphikibaki o cha mitema ma bango.
16Edi elenge ko yango na mboto dyango iphikibe o che yango edi ikolo na maboko, ebilobiba na bakoncha bango bawoke mawò ma Nzambe, bachingane dyolo na moni.
17Ko bango badi tina o cha mye ma bango twa, bango babike bobiko boki; chima o kièlèlè eya, na boluphachane tonga na mawò ma Nzambe, bango babèchè dyolo.
18Yengu edi dyango iphikibaki o enongo a biyèmbu ba milò; ebilobiba tonga na bakoncha bango bawoke mawò ma Nzambe,
19ko, tonga n’iphanu a beka ba che, na bwanya b’idwa, na phocha beka bakbwi, byango bikole o cha mye ma bango na biyike mawò, kobona mango obota mbuka ka.
20Dyango iphikibaki o che enyòngò, ebilobiba tonga na bakoncha bango bawoke mawò ma Nzambe na bayambe mango, na bango babote mbuka muna mako machato muna mako machamano na muna kama.
21Na wango alobaki na bango bwe: ”Moto adi otubiza mwenda tonga n’itika mwango o cha muka nyò o cha tange ka, batubize mwango tonga n’itika mwango o mecha ma mwenda.
22Tonga eyeka nyò yò edi o yiche tiyichi bobombame babobomba eyeka nyò yò tonga n’iyicha botenele o yiche ka, ko yango tetuba o phololo.
23Koncha wango edi na matwe m’iwoka, awokaka mawò.
24Wango alobaki na bango bwe: Bokiekaka n’ikièngu o beka byango beni bowoke. Na momeko mwango beni bomeke, tameka na beni mwango dyòkò, na tayaka beni mabobe dyòkò.
25Koncha wango edi na beka taphè wango beka bakbwi dyòkò, ko koncha wango edi beka twa, takatula nà beka byango bidi na wango.
26Na wango alobaki bwe: Bokonchi ba Nzambe bodi ko moto wango ephike mboto o che bona,
27wango alè bilò na wango awumwe na mikolo, na mieche milekane, na mboto itèzè na dyango itombame ikolo wango adi oyeba ekatele a dyango ka.
28Che yango koncha ebote mbuka, bocho mobiyèmbu, chima ikiele na chima momboto mokoke o cha mwè.
29O momboto mochil’òkoke, wango atinde batòli bakiè na minapha dyolo, tonga bobiko bitòlò bukoka.
30Na wango alobaki bwe: Bèni towula bokonchi ba Nzambe na nde? na bèni tòyènche byango n’èkoko ephe?
31Bwango bodi ko mboto a moutarde bona, o dyango iphikibaki o che, dyango ileki dina mboto ichò boki.
32Ko o chima dyango ibiphikiba, dyango itèzè na dyango ileki matono moto elenge elenge bonè, na dyngo itozè mataki mananè, o cha eyilingi a mango banyoli b’ikolo bayiche botonge myumbu ma bango.
33Wango achakolaki mawò ma Nzambe o bina bikoko bikama, ko bango bayichaki bowoke mango bona.
34Wango abochakola bango mawò bwabona ka, ko o cha bikoko. Okomo ebèki bango na bayekoli ba wango phencha, wango achakolaki bango mawò machò.
35Bucha bwango na mbelokolo, wango alobaki na bayekoli ba wango bwe: ”Boyukiènane ediba, bokiè o mokièngata ma ndo muna.”
36Na bango baphincholaki bato bwe, bakiè balòndòki wango o bwato bwango wango abiè; na mana mato malòndòki wango dyòkò.
37N’ènguchi ekuli etubaki dyolo, na bachokela bakolaki o cha bwato kobona bwango bophotaki botonde na may.
38Ko wango koncha abèki o yenda a bwato, alaki bilò, abèki nywa ikolo na eyika a mutu. Komoyena bango bawumuzaki wango balobaki na wango bwe: ”Mokonchi, mo bowe, k’òdi kacha twa?”
39O wango awumwaki, wango achimbaki enguchi, alobaki n’èdiba bwe: ”Dya myo, dyala myo!” N’ènguchi edimelaki myo, n’èchoko yango ebèki ti.
40Chima wango alobaki na bango bwe: ”Beni botile, mbekende? Kokoko ncho kinòwa, beni ochaka echingane twa.
41Na bango babèki n’ichimo ikama, balobanaki bwe: ”Wo moto kombo nda? tonga enguchi na may m’èdiba biwoke wango.”
Currently Selected:
Marc 4: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
