Јован 11

Смртта на Лазар

1 # Мт 21,17; Лк 10,38-39 Некој Лазар од Витанија, од селото на Марија и сестра ѝ Марта, беше болен. 2#12,1-8; Лк 7,36-50А Марија, чиј брат Лазар боледуваше, беше онаа што Го помаза Господа со миро и ги избриша Неговите нозе со својата коса. 3#11,36Тогаш сестрите испратија кај Него за да Му кажат: „Господи, ете, оној што го љубиш е болен.“ 4#1,14; 7,39; 17,1-5Штом чу Исус, рече: „Таа болест не е за умирање, туку за Божја слава – за да се прослави Синот Божји преку неа.“ 5#5 Мојс 33,3; Мк 10,21А Исус ги љубеше Марта и нејзината сестра и Лазар. 6Кога, пак, чу дека е болен, тогаш остана уште два дена во местото каде што се наоѓаше. 7Потоа им рече на учениците: „Да отидеме пак во Јудеја!“ 8#8,37.40.59; 10,31Учениците Му рекоа: „Рави, сега Јудејците сакаа да Те убијат со камења, и пак ли таму ќе одиш?“ 9#9,4.12; 12,35Исус одговори: „Нели има дванаесет часови во денот? Ако некој оди дење, не се препнува, зашто ја гледа светлината од овој свет; 10#13,30; Мт 6,23; Лк 11,35; 1 Јн 2,11ако, пак, некој оди ноќе, се препнува, зашто светлината не е во него.“ 11#Мт 9,24; 27,52; Дела 7,60; 1 Кор 11,30Ова им го кажа, а потоа им рече: „Лазар, нашиот пријател, заспал; но одам да го разбудам.“ 12Тогаш Неговите ученици рекоа: „Господи, ако заспал, ќе стане.“ 13Исус, пак, го рече тоа за неговата смрт, а тие мислеа дека говори за заспивање со сон. 14Тогаш Исус рече отворено: „Лазар умре! 15#2,11И се радувам заради вас што не бев таму, та да поверувате; но, да отидеме кај него.“ 16#14,5.31; 20,24-29; Рим 6,8Тогаш Тома, наречен Близнак, им рече на останатите ученици: „Да отидеме и ние да умреме со него.“

Исус е воскресение и живот

17Кога дојде Исус, дозна дека тој веќе четири дена е во гробот. 18#Мт 21,17; Мк 10,32А Витанија беше близу до Ерусалим, околу петнаесет стадии#11,18 3 километри.; 19#11,45; Јов 2,11и мнозина Јудејци беа дошле кај Марта и Марија за да ги утешат за нивниот брат. 20#Ез 8,14Кога чу Марта дека доаѓа Исус, излезе да Го пресретне; а Марија седеше дома. 21#11,32Тогаш Марта Му рече на Исус: „Господи, да беше тука, брат ми немаше да умре. 22Но и сега знам дека што и да посакаш од Бога, Бог ќе Ти даде.“ 23Исус ѝ рече: „Твојот брат ќе воскресне!“ 24#5,28-29; 6,39-40; Дан 12,2; 2 Мак 12,44; Дела 24,15Марта Му рече: „Знам дека ќе воскресне при воскресението, во последниот ден.“ 25#1,4; 20,31; Кол 3,4; Откр 1,18А Исус ѝ рече: „Јас сум воскресението и животот. Оној што верува во Мене, и да умре, ќе живее. 26#5,24; 8,51; Мт 22,23И секој што живее и верува во Мене, нема да умре довека. Го веруваш ли тоа?“ 27#6,14.69Таа Му одговори: „Да, Господи, јас поверував дека Ти си Христос, Синот Божји, што треба да дојде во светот.“

Исус просолзува

28Штом го рече тоа, отиде и тајно ја повика својата сестра Марија, велејќи: „Учителот е овде и те вика.“ 29Таа кога чу, стана бргу и отиде кај Него; 30зашто Исус уште не беше дошол во селото, туку беше на местото каде што Го пресретна Марта. 31А Јудејците, што беа со неа дома и ја тешеа, кога видоа дека Марија стана бргу и излезе, отидоа и тие по неа, мислејќи дека ќе оди на гробот за таму да плаче. 32#11,21 Марија, пак, кога дојде каде што беше Исус и кога Го виде, падна пред Неговите нозе, велејќи Му: „Господи, да беше тука, немаше да умре брат ми!“ 33#12,27; Мк 3,5Исус, пак, кога ја виде како плаче, и Јудејците што беа дошле со неа како плачат, се натажи во духот и се вознемири, 34па рече: „Каде сте го положиле?“ Му рекоа: „Господи, дојди и види!“ 35#Лк 19,41Исус просолзи. 36Тогаш Јудејците рекоа: „Гледај, колку го љубел!“ 37#9,6-7А некои од нив, велеа: „Не можеше ли Овој, што ги отвори очите на слепиот, да направи и овој да не умре?“

Воскреснувањето на Лазар

38 # 20,1; Мт 27,60; Лк 23,53; 24,2 А Исус, сѐ уште нажален во Себе, дојде до гробот; тоа беше пештера и камен навален на неа. 39Исус рече: „Кренете го каменот!“ Марта, сестрата на умрениот, Му рече: „Господи, мириса веќе; има четири дена откако е умрен!“ 40#1,14; 2,11Исус ѝ рече: „Не ли ти реков дека ако веруваш, ќе ја видиш Божјата слава?“ 41#17,1; Мт 14,19; Мк 6,41; Лк 18,13; Дела 7,55Тогаш го кренаа каменот каде што лежеше умрениот. А Исус ги подигна очите нагоре и рече: „Оче, Ти благодарам што Ме послуша. 42#6,29; 12,30; 17,8.21; 3 Цар 18,36-37; 1 Јн 5,14-15Јас знаев дека Ти секогаш Ме слушаш; но ова го реков заради народот што стои наоколу, за да поверуваат дека Ти си Ме пратил.“ 43Кога го рече ова, извика со силен глас: „Лазаре, излези надвор!“ 44#19,40; 20,6-7Умрениот излезе, обвиткан со погребни повои по нозете и по рацете; а лицето завиено со крпа. Исус им рече: „Разврзете го и оставете го да оди!“

Заговор против Исус

(Мт 26,1-5; Мк 14,1-2; Лк 22,1-2)

45 # 7,31; 8,30; 12,11.42 Тогаш мнозина од Јудејците, што беа дошле кај Марија и видоа што направи Исус, поверуваа во Него. 46#5,15А некои од нив отидоа кај фарисеите и им кажаа што направи Исус. 47#Мт 26,3-5Тогаш првосвештениците и фарисеите го собраа Синедрионот и рекоа: „Што да правиме? Овој Човек прави многу чуда. 48#Дела 4,16Ако Го оставиме така, сите ќе поверуваат во Него и ќе дојдат Римјаните, па ќе ни ги одземат и земјата и народот.“ 49#18,13; Лк 3,2Еден, пак, од нив, Кајафа, кој таа година беше првосвештеник, им рече: „Вие ништо не знаете, 50#18,14; 2 Кор 5,14ниту разбирате дека за нас е подобро еден човек да умре за народот, отколку сиот народ да пропадне.“ 51#1 Мојс 50,20; 4 Мојс 27,21Но ова не го рече сам од себе, туку, бидејќи беше првосвештеник таа година, прорече дека Исус ќе умре за народот; 52#10,16; 1 Јн 2,2и не само за народот, туку и за да ги соедини растурените Божји чеда. 53#5,18; 7,1.25; 8,37.40; Мт 12,14Од тој ден се согласија да Го убијат. 54#3,22Поради тоа Исус веќе не одеше јавно меѓу Јудејците, туку оттаму отиде во еден крај близу пустината, во градот наречен Ефрем, и таму се задржа со Своите ученици. 55#2,13; 13,1; 18,28; 2 Мојс 19,10-15; 4 Мојс 9,9-14; 2 Лет 30,1-3.17-20; Дела 21,24-26А се наближуваше јудејската Пасха и мнозина од тој крај отидоа во Ерусалим пред Пасха, за да се очистат. 56#7,11Тогаш Го бараа Исус и, стоејќи во храмот, си разговараа меѓу себе: „Што мислите? Зар нема да дојде на празникот?“ 57А првосвештениците и фарисеите веќе беа издале заповед, ако некој дознае каде е, да јави, за да Го фатат.

Currently Selected:

Јован 11: MAK2023

Highlight

Copy