Mareko 7
7
1Parisea a’a, kikiria a’a varomo Ierusalema mere, oro kiripai U ai kaupukinave.
2Oro inamu‐eiaka’ane Una aivara varomo eve upu pei na’anave, uku omo eve pei pani paku ai oro ere kikiriakape.
3Uku Parisea a’a, Iudea a’a uriria ane, anea’anea omo eve oro ere kikiriane, oro pei a‐na’anakea; omo a’e mai ane enu opara ioure.
4Oro iaki mere anea’ane, anea’anea omo eve oro ere kikiriane oro pei a‐na’anakea. Opara e e aila uakeina omo a’e mai ane mere oro miane euna, koiri, vana ane, auri pani ane, pakara ane, ei aru oro urupu eivirina.
5Parisea a’a, kikiria a’a ane, erau voa veve’enave, Uku oiana Ni aivara a’e mai ane opara oro a‐eivirinakea, a omo eve upu oro pei na’anake?
6U erau voa kuruenave, Isaia laikorava voa miki kuruane euna noro eiai ewaea a’a e, kurua voa erau voa kikiriakeina, ei a’a omo ane epo mere avi’i’ina, omo umu Nai amai mere keia’ane.
7A omo avioia eria keina, oro a’a anu opara ipawkiane.
8Iehova anu vupu noro inaka‐elauna, a’a anu opara noro kamaia‐ekana, vana, koiri ane, enu ere kikiria opara orau: opara e aila oro mikirina noro li’ina.
9U erau voa kuruenave, Iehova anu vupu noro inaka‐elauna kapoi nomo a’a anu vupu noro kamaia‐ekava’?-?ane‐iai.
10Uku Mose erau voa kurunave, Ni mekai, ni mei ane, avieine; ei voa ane, A’a una mekai naea, mei naea, anakaia voa kuruane, u a’?-?anamoki.
11A noro erau voa kuruna, A’a una mekai naea, mei naea, erau voa kuruane, Kawbani; u erau voa kuruna, kurua awku iaa keiaka livilia, nai nikuaka;
12Kurua a’a anu lai noro evere’eapea una mekai naea una mei naea, paiokavai;
13Uku nomo a’e mai ane vupu eiai Iehova anu vupu noro eria‐ekana: opara aila orau noro li’ina.
14U a’a uriria U ai aneai laea‐elauaka’ane, U erau voa kuruenave, Noro uriria virine, ipali’ine ane:
15Awku eria a’a iki mere u laru ai ikirina iva mi’ina a’a upu‐awkavai: a awku a’a larua mere elemanena oro upu‐awkana.
16Keporo‐mia a’a u virinamoki.
17U a’a aruru ave’eiaka’ane, marea ikiriaka’ane, Una aivara voa veve’enave uku aipo voa anu miki eiai.
18U erau voa kuruenave, Noro awku pauapaua ana? noro ipapeana awku a’a iki mere u laru ai ikirina iva miape a’a upu‐awkavai;
19Uku kurua awku a’a anu umu laru ai a‐ikirinakea, a una nemo laru ai ikirina, u mere upuakeina ane?
20U erau voa kurunave, Awku a’a larua mere elemanena a’a upu‐awkana.
21Uku larua mere, a’a anu umu mere, lai lipi elemanena, eve’eve, eiri ane, avé ane,
22Avapu, iawmia ane, namea ane, ewaea ane, i’ima ane, namani, mai‐voa, kauakaua, avuavu ane:
23Ei lipi awku uriria larua mere elemanena, a’a upu‐awkana ane.
24Ou mako mere U enanave, Tura, Sidona ane, U elenave, iou ai U marea ikirinave a’a Una pokoia mako ipali’inavaia: a U inamu‐oiakei’inave.
25A’e monou unu paka mau’u avaea‐upu miaka, ei a’e Iesu unu uru virinave, U ai emoki anenave, Una paku ai are epo ai’inave.
26U lai unuku a’e, Suro?-?penesia kaki a’a anu a’e. Avaea‐upu una paka mere laoiai u Iesu nawki‐awkanave.
27Iesu erau voa kurunave, Ukua mere pinai pei ekunameki, oro lai aukia?-?keia’ane: uku opara anana peo ukua‐mere enu pei miai, oroko ekuai.
28A’e erau voa kurunave, Mikio, Amua e, a oroko pakara arau ai ukua‐mere enu pei kakai nana.
29Iesu erau voa kurunave, Uku ni voa eiai ni enara; avaea‐upu ni paka mere eleane euna.
30U marea ai vairuaka’ane, u inamu‐oinave avaea‐upu eleaka, paka ane kile upa mere keimakei’inave.
31Tura, Sidona ane, ave’emakei’inave, pai’iri 10 inu eiei awpemakei’inave, Galilaia anu Ururu ai U anenave.
32Keporo namau a’a U ai oro oravaka‐anenave, u aiai‐kuru vaki ane; oro Iesu nawki‐awkanave Una eve ei vaki upa mere aiai.
33A’a aruru mere Iesu keporo namau a’a vauavaua ora’anave, Una eve uru a’a anu keporo laru ai U ai’inave, Una kaunere U a’a anu anai nekenave ane;
34Pani muku i U inamu‐ekimakei’inave, i’i‐limakei’inave, U erau voa kurunave, Epata, ou voa anu miki, aunamoki.
35Una keporo emoki auakei’inave, una anai ururuakei’inave ane, u voa kurunave kapoi.
36A’a kapeo awkiai U ekinave, a ei awku unu uru amai amai oro upurukinave;
37Omo varuava ovara kei’inave, oro erau voa kurunave, Awku uriria U ima liane euna: keporo namau a’a viriai U evere’ena, momoa a’a voa kuruai ane.
Currently Selected:
Mareko 7: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
