Mareko 5
5
1Ururu iou ane mekai oro pai’inave, Gerasene a’a anu pani va’au ai.
2U mapea mere piaka’ane, avaea‐upu mia a’a lauoi mere emoki au‐awkunave,
3Ei a’a lauoi ai pokoinave; arekapu piriai a’a kapeo liai li’inave:
4Uku pani aila arekapu, auri naw ane, u piriakeiaka, i u auri naw vepeakeiaka, arekapu ane kokoravakeia?-?ka: kekepe‐eai a’a kapeo liai?-?li’inave.
5Panipani ai, kipere pani ai, lare pani ai ane, u akapu ai i‐pokoinave naea, lauoi laru ai naea, vikirimakei’inave, una kape rawre eimakei’inave ane.
6Iesu ama mere u inamu‐oiaka’ane, u area‐enanave Iesu unu paku ai are epo ai’inave ane,
7Voa araro u erau voa laeali’inave, Nai oiamali’i Iesu e Ni eiai, Eloi muku epe’epe enu Mere e? Ni mani‐ikanavaia i Iehova anu nawi nai nawki‐nikana.
8Uku Iesu avaea‐upuerau voa kuruaka, Elemanene ei a’a mere avaea‐upu e.
9Iesu erau voa veve’enave ane, Ni nawi koana? U erau voa kurunave, Na nawi Legiona uku enei aila keina.
10U Iesu nawki‐awkanave U ekaivirinavaia ou pani va’au mere.
11Akapu unu ai’inore ai a’uri kaupu ovara pei na’amakei’inave,
12Avaea‐upu uriria Iesu erau voa nawki‐awkanave, A’uri ai Ni akaivirira, enei ikirieane‐iai.
13Omo nawki Iesu evere’enave; avaea‐upu a’a mere elemanenave, a’uri oro ikirinave ane: kurua a’uri kaupu a’uri 2,000 akoakei’inave, ai’inore ai oro ema area‐lilinave ere aura ai oro mumukiakei’inave ane.
14A’uri oiviria a’a area‐enanave pai’iri ai, mako?-?mako ai ane, ei awku unu uru upurukinave. Kurua awku liakei’inave inamu‐oiai pai’iri a’a elenave.
15Oro Iesu ai anenave, avaea‐upu mia a’a, kurua vaki legiona miaka, oro inamu‐oinave iva‐iva pa’amakei’inave, a’a kape luki‐awmiakei’inave, lai kekepa kei’inave ane. Oro kore kei’inave.
16Oro ane oro ei awku inamu‐oiaka voa uriria pai’iri mere a’a oro ekinave uku avaea‐upu a’a eiai, uku a’uri awku eiai.
17Omo eiei mere eleai oro Iesu nawki‐awkanave.
18Iesu mapea ai lakeaka’ane, kurua vaki avaea‐upu miaka Iesu kiripai enavai u nawki‐awkanave.
19Iesu una nawki a‐evere’enavea, U erau voa awkinave, Ni avai a’a ai enara, awku uriria ekira Amua liane euna ni eiai, U umu‐nika’ane euna ane.
20U elenave, pai’iri 10 inu eiei ai u uru upurukinave uku awku uriria eiai Iesu liaka u eiai: a’a uriria varua’anave.
21Iesu moawku mapea keaka’ane Ururu iou ane mekai, a’a aruru ovara U ai anenave; Ururu miri ai U i‐pokoinave.
22Omoro marea anu mai?-?vaki monou, nawi Iairo, U ai anenave, u Iesu inamu‐oiaka’ane, Una paku ai u are epo ai’inave,
23Erau voa nawki‐awkanave ane, Na paka mau’u imua arekamu ai keina: nai nawki‐nikana u ai aneai, Ni eve u upa mere aiai, u aukarikavakeia’ane‐iai, u rokoane‐iai ane.
24Iesu u kiripai enanave, a’a aruru ovara e’e’okanave, avikinave ane.
25A’e monou u aro maia aumeia 12 miaka,
26U kukunu aila miaka lapu a’a aila mere, una moni uriria awku u kaiaka, u paioka eria miaka, maia ovara la’amakei’inave.
27U Iesu unu uru viriaka’ane, a’a aruru Iesu neko mere ai a’e oro awkono avao ai ikirinave, Iesu unu a’a kape u nekenave ane.
28U erau voa kurunave, Una a’a kape e nai nekeane, nai aukarikavakeiakana.
29Una maia emoki periakei’inave; kape laru ai u ipali’inave una maia paueakei’inave.
30Una lai laru ai Iesu emoki ipalimakei’inave iva u mere eleaka, a’a aruru awkono avao ai u urukinave, erau voa veve’enave ane, Na a’a kape koama‐neke’e?
31Una aivara erau voa kurunave, A’a aruru avini?-?kimakina Ni inamu‐eina, Ni erau voa veve’ena, Koama?-?neke’i’e?
32U urukimakei’inave, inamu‐ekimakei’inave ane, kurua vaki inamu‐oiai Una a’a kape nekeaka.
33A’e korelimakei’inave, varuvarulimakei’inave ane, ipalimakei’inave kurua awku u laru ai liakeiaka, u anenave U paku ai are epo ai’inave, voa miki uriria awkinave ane.
34U a’e erau voa kurunave, Paka e, ni pirimaroakoa aukarinika’ane euna; airu mi’ine, ni maia periakeina.
35U voa kurumakei’inave ane omoro marea mai?-?vaki inu marea mere iva a’a anenave, erau voa kurunave ane, Ni paka imua keina: uku oiana ni Amua marea ai oramakina?
36Iesu iva a’a anu voa viriaka’ane, U mai‐vaki erau voa kurunave, Kore pa liai, pirimaroakone.
37Petero, Iakobo ane, Ioane Iakobo onu aroa a’a ane, oro e U evere’einave U kiripai enavai.
38Oro omoro marea mai?-?vaki inu marea ai anenave, eu ai a’a rawre ovara U inamu‐einave; oro vikirimakei’inave, awni mu’u mailau awkamakei’inave ane.
39U marea ikirimaneaka’ane, U erau voa veve’enave, Uku oiana noro rawre li’ina, vikirina ane? paka imua peo, u awawkeimakina.
40Ei voa eiai mai rurupu a’a keke‐awkanave. U oro uriria laeiaka’ane, paka anu mekai, mei ane, U era’anave lalava laru ai paka awawkeimakei’inave.
41Paka anu eve U mi’inave, erau voa awkinave ane, Talitha cumi; kurua voa anu miki eire, La’ane paka e Nai nikina.
42Paka emoki la’anave, are rokoanave ane; uku kurua paka anu aumeia kinia pani mere aumeia 12 kei’inave. Uku omo varuava ovara oro lai iakarikei’inave.
43U emoki ekinave ei awku unu uru pa upurukiai; uku paka awku pei au‐awkuai U ekinave.
Currently Selected:
Mareko 5: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
